ចូលចិត្តទំនើប

ប្លែកភ្នែក! ទឹកជ្រោះពណ៌លឿង ដ៏ស្រស់ស្អាតនៅប្រទេសចិន

ដោយ: ភារុន 8 AM, Saturday, 04 May, 2019

ទឹកជ្រោះ «Hukou» គឺជាទឹកជ្រោះមួយ ដែលមានសម្រស់ស្អាតប្លែក និងមានតែមួយគត់ ដែលបានទាក់ទាញភ្ញៀវទេសចរជាច្រើនសន្ធឹកសន្ធាប់ មកកាន់ប្រទេសចិន ដើម្បីទស្សនាទឹកជ្រោះពណ៌លឿងនេះ។ ទឹកជ្រោះ Hukou គឺជាទឹកជ្រោះដែលមានពណ៌លឿងស្អាតប្លែកពីគេ និងមានតែមួយគត់នៅលើភពផែនដីយើងនេះ។ ម្យ៉ាងទៀត ទឹកជ្រោះ Hukou នេះ ក៏ជាទឹកជ្រោះធំបំផុតទីពីរ របស់ប្រទេសចិនផងដែរ។

នៅរដូវវស្សាទឹកជ្រោះនេះចាប់ផ្តើមធ្លាក់ចុះ និងមានទទឹងរហូតដល់ 167 ហ្វីត តែនៅរដូវប្រាំងវិញ ទទឹងរបស់ទឹកជ្រោះមានត្រឹមតែ 98 ហ្វីតប៉ុណ្ណោះ។ មូលហេតុដែលទឹកជ្រោះ HuKou មានពណ៌លឿង ដោយសារតែវាជាផ្នែកមួយនៃទន្លេលឿង និងកើតឡើងនៅពេលដែលទន្លេលឿងបានហូរ វៀងភ្នំ Hukou ហើយម្យ៉ាងទៀតនៅពេលភ្នំ Hukou បានរឹតបន្តឹងផ្លូវ ដែលទន្លេលឿងហូរ បានធ្វើឱ្យទទឹងនៃការហូររបស់ទឹកជ្រោះកាន់តែខ្លីនៅសល់ត្រឹមចន្លោះ 66 ទៅ 98 ហ្វីតប៉ុណ្ណោះ។ ដោយសារតែបែបនេះ ទើបធ្វើឱ្យទឹកជ្រោះពណ៌ល្បឿននេះ កាន់តែមានពណ៌លឿនជាងមុន។

កំលាំងនៃការហូរដ៏លឿនរបស់ទឹកជ្រោះ បានធ្វើឱ្យទឹកដែលហូរធ្លាក់មក មានសភាពបែកត្រែង បណ្តលឱ្យកើតមានផ្សែងពណ៌លឿងដ៏ស្រស់ស្អាតអស្ចារ្យ នេះជាទិដ្ឋភាព ដែលភ្ញៀវទេសចរជាច្រើននាក់ចង់ឃើញ ខណៈពេល ពួកគេមកកាន់ទីនេះ។
យោងទៅតាមការស្រាវជ្រាវរបស់សកលវិទ្យាល័យដ៏ល្បីមួយក្នុងប្រទេសចិន ដែលបានសិក្សាទៅលើពណ៌នៃទឹកជ្រោះនេះ បានរកឃើញថា ពណ៌លឿង គឺមកពីបរិមាណដ៏ច្រើននៃល្បាប់នៅក្នុងទន្លេលឿង បានហូរនាំមកជាមួយ ខណៈពេលទន្លេលឿងនេះបានហូរ វៀងភ្នំ Hukou នឹងបានបង្កើតជាទឹកជ្រោះ Hukou នេះឯង។ ម្យ៉ាងទៀត ទឹកជ្រោះ Hukou ក៏ត្រូវបានគេចាត់ទុកថា ជាទិសដៅទេសចរណ៍កំពូលមួយ សម្រាប់ភ្ញៀវទេសចរទូទាំងពិភពលោក ចង់មកកាន់ប្រទេសចិន និងចង់មកទស្សនាទេសភាពដ៏អស្ចារ្យ នៃទឹកជ្រោះពណ៌លឿងនេះ។

បន្ថែមលើនេះ នៅឆ្នាំ 1991 ទឹកជ្រោះនេះ ត្រូវបានគេរាប់បញ្ចូលថាជាទឹកជ្រោះ ដែលមានទេសភាពស្អាតបំផុតមួយ នៅក្នុងចំណោមទេសភាពកំពូលៗទាំង 40 នៅក្នុងប្រទេសចិន។ យោងទៅតាមទិន្នន័យ របស់ក្រុមហ៊ុនទេសចរណ៍បានបង្ហាញថា ទឹកជ្រោះ Hukou ទទួលបានភ្ញៀវទេសចរជាង 10 ម៉ឺននាក់ជារៀងរាល់ឆ្នាំ។ ម្យ៉ាងទៀតភ្ញៀវទេសចរ ជាទូទៅមកទស្សនាទឹកជ្រោះនេះ ចាប់ផ្តើមពីខែមេសា រហូតដល់ឧសភា និង ខែកញ្ញា រហូតដល់ខែវិច្ឆកា។

ប្រភព: worldatlas ផ្នែក: ដើរកម្សាន្ត, ដើរ​លេង

អត្ថបទអ្នកចង់អាន

រមណីយដ្ឋានកោះមរកត តំបន់ទេសចរណ៍ថ្មី កំពុងមានភាពទាក់ទាញនៅកម្ពុជា

ដោយ: ដាលីស 1 PM, Monday, 15 Jun, 2015

កំពុងតែនឹកគិតទៅដល់ ដំណើរកម្សាន្តមែនទេ? តើអ្នកគិតថានឹងទៅកម្សាន្តនៅទីណាដែរ បន្ទាប់ពីរៀប​អាពាហ៍​ពិពាហ៍​រួច គួរ​ទៅ​ក្រៅប្រទេស ឬនៅក្នុងប្រទេសទើបជាការល្អ...

ឆ្នេរសមុទ្រស្អាតៗបំផុតទាំង 10 ក្នុងប្រទេសអូស្រ្តាលី ឃើញហើយចង់ទៅភ្លាម!

ដោយ: ភារុន 8 AM, Wednesday, 30 Jan, 2019

តោះ ថ្ងៃនេះ ទំនើប ចង់ណែនាំឆ្នេរសមុទ្រស្អាតៗចំនួន 10 ដែលមាននៅក្នុងប្រទេសអូស្រ្តាលី ដល់ប្រិយមិត្តអ្នកអានបានស្គាល់ ក្រែងល៍ បានទៅលេងប្រទេសអូស្ត្រាលីនៅថ...

រីករាយជាមួយ អាហារពេលល្ងាចដ៏ឈ្ងុយឆ្ងាញ់ ដោយមិនបារម្ភពីបញ្ហាធាត់

ដោយ: ដួងច័ន្ទ 6 PM, Monday, 30 Jan, 2017

តើអ្នកចង់បាន ឈុតធំទេ? នេះជាសំណួរជាទូទៅ នៅតាមភោជនីយដ្ឋាន Fast-Food។ ឈុតអាហារធំៗ ដែលយើងញ៉ាំ នៅតាមភោជនីយដ្ឋានទាំងនោះ អាចធ្វើឱ្យផែនការរបបអាហារ ឬការបញ្ច...

តោះ! មកស្គាល់ រាជធានី និងទីក្រុង ដ៏ស្រស់ស្អាតបំផុតទាំង 10 នៅទ្វីបអាស៊ី

ដោយ: ភារុន 7 AM, Thursday, 20 Jun, 2019

ទ្វីបអាស៊ីដ៏ធំៗមួយនេះ គឺមានរាជធានី និងទីក្រុងស្រស់ស្អាតជាច្រើនរួមមាន៖ រាជធានីនៃអាណាចក្របូរាណ ដូចជាក្រុងអង្គរ ស្ថិតនៅក្នុងខេត្តសៀមរាបនៃប្រទេសកម្ពុជា...

Tomnerb.Com - YouTube Channel