ចូលចិត្តទំនើប

ខណៈពេលដើរកម្សាន្ត អ្នកបាត់វ៉ាលី តើគួរដោះស្រាយយ៉ាងណា?

ដោយ: ភារុន 8 AM, Saturday, 02 Mar, 2019

តើអ្នកកំពុងឈរនៅត្រង់កន្លែងទទួលយកវ៉ាលី នៅក្នុងព្រលានយន្តហោះមែនទេ យូរៗទៅនៅតែមិនឃើញវ៉ាលីរបស់អ្នក? នេះមានន័យថាវ៉ាលីរបស់អ្នក ទំនងជាបាត់ពីទីនេះហើយ ដូច្នេះតើនរណាជាអ្នកទទួលខុសត្រូវ? ប្រសិនបើវ៉ាលីរបស់អ្នកពិតជាបាត់មែន ក្រុមហ៊ុនអាកាសចរណ៍ នឹងពិតជាផ្តល់សំណង សម្រាប់ការខូចខាតឱ្យអ្នក។ ប៉ុន្តែប្រសិនបើវ៉ាលីរបស់អ្នកគ្រាន់តែមានការភ័នច្រឡំ ផ្ញើទៅកាន់ទីកន្លែងផ្សេងមួយទៀត អ្នកមិនចាំបាច់បារម្ភឡើយ ដោយសារក្រុមហ៊ុនអាកាសចរណ៍ ជាធម្មតា មានមធ្យោបាយ ដើម្បីតាមដានវ៉ាលីរបស់អ្នក នឹងត្រឡប់មកឱ្យអ្នកវិញ នៅពេលរកឃើញវា។

មួយវិញទៀត ប្រសិនបើវ៉ាលីរបស់អ្នកត្រូវបានគេលួច ក៏កុំបារម្ភអី! ជាធម្មតានៅពេលអ្នកចូល Check-in នៅព្រលានយន្តហោះ គេតែងស្កេនរបស់របរនៅក្នុងវ៉ាលី ដូច្នេះនៅពេលវ៉ាលីត្រូវបានគេលួច ក្រុមហ៊ុនអាកាសចរណ៍ នឹងសងសំណងទៅឱ្យអ្នក។ ប៉ុន្តែប្រសិនបើវ៉ាលីរបស់អ្នក ត្រូវបានគេលួចនៅខាងក្រៅព្រលានយន្តហោះវិញ ប្រហែលជាអ្នកត្រូវប្តឹងប៉ូលីសនៅតំបន់នោះហើយ។

• ខាងក្រោមនេះ គឺជាតិចនិចទាំង 8 ដើម្បីការពារ ការបាត់បង់វ៉ាលី
1. រៀបចំក្រដាសមួយសន្លឹក ដែលបានសរសេឈ្មោះ និងលេខទូរស័ព្ទរបស់អ្នក អ៊ុតវាឱ្យរឹង បន្ទាប់មកយកវាទៅព្យួរនៅ នឹងដៃយួរខាងក្រៅរបស់វ៉ាលី និងដាក់មួយសន្លឹកទៀតនៅខាងក្នុងវ៉ាលី។

2. មូលហេតុចម្បងនៃការបាត់បង់វ៉ាលី ទំនងជាមកពីអ្នកចូល Check-in យឺត ឬ ការប្តូរជើងយន្តហោះ ដូច្នេះបើអ្នកមិនចង់បាត់បង់វ៉ាលីរបស់អ្នកនោះទេ អ្នកគួរតែជៀសវាងនូវមូលហេតុចម្បងនេះ។

3. វេចខ្ចប់វត្ថុមានតម្លៃទាំងអស់ទៅក្នុងកាបូបដៃរបស់អ្នក ដូចជា កាមេរ៉ា កុំព្យូទ័រ ថ្នាំពេទ្យ កាបូបលុយ គ្រឿងអលង្ការ លិខិតឆ្លងដែន និងឯកសារសំខាន់ៗ…ជាដើម។

4. ខណៈពេល Check-in នៅក្នុងព្រលានយន្តហោះ អ្នកត្រូវបង្ហាញវត្ថុមានតម្លៃ ដល់មន្ត្រីត្រួតពិនិត្យបានឃើញ។ ម្យ៉ាងទៀតប្រសិនបើអ្នករៀបចំក្រដាស ដែលបានសរសេ របស់របរជាបញ្ជីឈ្មោះ នឹងអ៊ុតឱ្យរឹង មួយសន្លឹក ដូច្នេះអ្នកគួរតែព្យួរ នៅនឹងដៃយួររបស់វ៉ាលី ដើម្បីផ្តល់ភាពងាយស្រួល ក្នុងការចងចាំរបស់របរទាំងអស់នៅក្នុងវ៉ាលីនេះ។

5. អ្នកត្រូវប្រាកដថា អ្នកបានពិនិត្យវ៉ាលីទាំងអស់របស់អ្នក ថាតើវាមានភ្ជាប់សំបុត្រទិសដៅដ៏ត្រឹមត្រូវដែរឬទេ?

6. វេចខ្ចប់សម្លៀកបំពាក់សម្រាប់ផ្លាស់ប្តូរនៅក្នុងកាបូបយួរដៃរបស់អ្នក ដូច្នេះអ្នកនឹងមានសម្លៀកបំពាក់សម្រាប់ពាក់ ខណៈពេលដែលវ៉ាលីរបស់អ្នក ត្រូវបានពន្យាពេលយូរ។ ម្យ៉ាងទៀតប្រសិនបើអ្នកធ្វើដំណើររួម ជាមួយនឹងគ្រួសារ ឬមិត្តភក្តិ អ្នកគួរពិចារណាបែងចែកសម្លៀកបំពាក់មួយចំនួនរបស់អ្នក និងមួយចំនួនរបស់អ្នករួមដំណើរជាមួយនឹងអ្នក នៅក្នុងកាបូបយួរដៃរៀងៗខ្លួន។ ធ្វើដូចនេះ នៅពេលវ៉ាលីមួយបាត់ ក៏នៅមានវ៉ាលីមួយទៀត ដែលមាន សម្លៀកបំពាក់មួយចំនួនរបស់អ្នកផងដែរ។

7. ទិញធានារ៉ាប់រងក្នុងពេលធ្វើដំណើរ គឺជាការធានាដ៏ល្អបំផុត ដូចនេះអ្នកនឹងអាចទទួលបានសំណង នៅពេលដែលអ្នកមានការខាតបង់ទៅលើអ្វីមួយ។

8. ពិចារណាប្រើប្រាស់សេវាកម្ម ដាក់ស្លាកឥវ៉ាន់ដូចជា SuperSmartTag ឬក៏ ReboundTAG។ សេវាកម្មទាំងនេះ ផ្តល់ជូនស្លាកឥវ៉ាន់ ជាមួយនឹង លេខរៀងតែមួយគត់ ដែលអាចភ្ជាប់នឹងវ៉ាលីរបស់អ្នក។ តាមរយៈ Online Database ប្រសិនបើអ្នកមានការបាត់បង់វ៉ាលី ប្រព័ន្ធបណ្តាញនេះនឹងទាក់ទងទៅអ្នក នៅពេលគេរកឃើញវ៉ាលីដែលបានបាត់ទៅនោះ។

ប្រភព: smartertravel ផ្នែក: ដើរកម្សាន្ត, ដើរ​លេង

អត្ថបទអ្នកចង់អាន

ទស្សនាតំបន់ពិសេស របស់ក្រុងកូឡាឡាំពួរ

ដោយ: ដាលីស 9 PM, Friday, 05 Jun, 2015

កូឡាឡាំពួរ គឺជាទីក្រុងដ៏ស្រស់ស្អាតមួយ ដែលស្ថិតនៅក្នុង​ក្រសែភ្នែក បណ្តាភ្ញៀវទេសចរចម្រុះជាតិសាសន៍ នៅលើសាកលលោក ហើយ​ក៏​ជាក្រុង ​ដែល​ធំជាងគេបំផុត ​ប្រៀប...

សញ្ញាទាំង 8 ដែលការធ្វើដំណើរជាមួយនឹងមិត្តភក្តិ មិនមែនជាគំនិតល្អបំផុតនោះទេ!

ដោយ: ចរិយា 8 AM, Monday, 16 Sep, 2019

វាហាក់បីដូចជាគំនិតដ៏ល្អឥតខ្ចោះមួយ ដែលអ្នក និងមិត្តភក្តិរបស់អ្នក ធ្វើដំណើរកម្សាន្តរួមគ្នានៅទិសដៅទេសចរណ៍ណាមួយ។ ប៉ុន្តែ ការធ្វើដំណើរកម្សាន្តជាមួយនឹងនរ...

គន្លឹះទាំង 5 សម្រាប់ការជិះកង់ លើផ្លូវនៅជនបទ

ដោយ: ដួងច័ន្ទ 7 PM, Tuesday, 02 Jan, 2018

ការជិះកង់លើស្ថានភាពផ្លូវក្នុងក្រុង និងនៅតាមទីជនបទ មានលក្ខណៈខុសគ្នា ដែលទាមទារនូវគន្លឹះ សំខាន់ៗ ដើម្បីធ្វើដំណើរប្រកបដោយសុវត្ថិភាព ផាសុកភាព និងភាពរីករ...

រូបថតកន្លែងស្អាតៗ ដូចឋានសួគ៌ទាំង 10 ដែលអ្នកមិនជឿថាមាននៅលើផែនដី នៅក្នុងនោះក៏មានខ្មែរយើងមួយផងដែរ!

ដោយ: ភារុន 8 AM, Wednesday, 15 May, 2019

នៅលើភពផែនដីយើងនេះ គឺស្រស់ស្អាត និងពោរពេញដោយភាពអស្ចារ្យ ទាំងកន្លែងដែលគេទើបតែរកឃើញថ្មីៗ និងកន្លែងដែលមានប្រជាប្រិយភាពផ្សេងៗទៀត នៅលើពិភពលោក។ ហើយវាពិតជា...

Tomnerb.Com - YouTube Channel