ចូលចិត្តទំនើប

ទៅដល់កោះ Jeju បើមិនបានចូលលេង សារមុន្ទីរ Hello Kitty Island នេះ ដឹងតែ ស្តាយក្រោយហ្មង!

ដោយ: ភារុន 8 AM, Tuesday, 25 Dec, 2018

សម្រាប់អ្នក ដែលចូលចិត្ត Hello Kitty គឺដឹងតែត្រូវចិត្តតែម្តង។ ពិភពតុក្កតា Hello Kitty ដ៏គួរឱ្យស្រឡាញ់ដ៏ធំបំផុតនៅទ្វីបអាស៊ី ដែលស្ថិតនៅលើកោះ Jeju ប្រទេសកូរ៉េខាងត្បូង។ សារមុន្ទីរ Hello Kitty Island គឺជាកន្លែងមួយ ដែលអ្នកទេសចរជាច្រើនធ្លាប់បានទៅលេងកម្សាន្តនៅទីនោះ ហើយសុទ្ធតែបានអះអាងថាជា «ដំណើរកម្សាន្តដ៏សប្បាយរីករាយបំផុតនៅលើពិភពលោក» តើដំណើរកម្សាន្តនៅសារមុន្ទីរនេះ ពិតជាសប្បាយរីករាយខ្លាំងបំផុតមែនដែរឬទេ? ជាការពិតគំនូរជីវចលឆ្មា Hello Kitty បានទាក់ទាញយកចំនាប់អារម្មណ៍របស់មនុស្សជាច្រើនសន្ធឹកសន្ធាប់នៅជុំវិញពិភពលោកជាពិសេសគឺកុមារ តូចៗតែម្តង តាំងពីឆ្នាំ1974 មកម៉្លេះ។

ការចូលទស្សនានៅក្នុងសារមុន្ទីរ Hello Kitty Island មានតម្លៃសំបុត្រត្រឹមតែ 10$ ប៉ុណ្ណោះ។ បើទោះជា ភាគច្រើនអ្នកដែលចូលទៅកម្សាន្តនៅក្នុងសារមុន្ទីរ សុទ្ធតែកូនក្មេងតូចៗ ក៏ដោយ ប៉ុន្តែយើងជឿជាក់ថាអ្នកគាំទ្រ Hello Kitty ដែលជាមនុស្សពេញវ័យ ក៏នៅតែមានវ័យក្មេងគ្រប់គ្រាន់ក្នុងចិត្ត ដើម្បីទទួលអារម្មណ៍រីករាយ និងបទពិសោធន៍ប្លែកៗក្នុងជីវិតបន្ថែម ។ នៅក្នុងសារមុន្ទីរ អ្នកអាចថតរូបជាមួយតុក្កតា Hello Kitty ដែលអ្នកពេញចិត្ត, ញុំានំរូប Hello Kitty, ផឹកកាហ្វេដាក់ក្នុងកែវរូប Hello Kitty និងទិញវត្ថុអនុស្សាវរីយ៍ជាតុក្កតា Hello Kitty ជាដើម។

សារមុន្ទីរ Hello Kitty Island មាន 3 ជាន់ និងមានទាំងបន្ថែមការតាំងពិព័រណ៍នៅខាងក្រៅ និងលើដំបូលផងដែរ។ នៅខាងក្នុងនោះមាន សាលប្រវត្តិសាស្រ្ត, វិមាន Hello Kitty, សាលសិល្បៈ, សាលតន្ត្រី, សាលតាំងរូបគំនូរ Hello Kitty, សាលណែនាំតួអង្គ Hello Kitty, និងមានហាងកាហ្វេ ព្រមទាំងមានសម្ភារតុបតែងលម្អ គ្រឿងសង្ហារឹម និងគ្រឿងអេឡិចត្រូនិចទាំងអស់ គឺរចនាឡើងដោយរូប Hello Kitty ទាំងអស់។ សម្រាប់ការរចនាពណ៌ ភាគច្រើនគឺយកពណ៌ផ្កាឈូក និងពណ៌-ស ជាមូលដ្ឋាន ព្រមទាំងមានពណ៌ស្រស់ស្អាតផ្សេងៗទៀតទៅតាមតួអង្គរបស់ Hello Kitty នេះជាភាពលេចធ្លោបំផុតដែលបានធ្វើឱ្យទីនេះមានភាពទាក់ទាញខ្លាំងបំផុតចំពោះភ្ញៀវទេចរនៅជុំវិញពិភពលោក។

ប្រភព: mustdotravels ផ្នែក: ដើរកម្សាន្ត, ដើរ​លេង

អត្ថបទអ្នកចង់អាន

ទេសភាពទីក្រុងមានអគារខ្ពស់ៗជុំវិញពិភពលោក

ដោយ: ដួងច័ន្ទ 8 AM, Thursday, 09 Aug, 2018

តើអ្នកធ្លាប់ឆ្ងល់ថាតើទីក្រុង Manhattan នឹងមានទេសភាពដូចម្តេចនៅពេលមើលពីទីខ្ពស់ ឬ តើទីក្រុងហុងកុង មានសោភណ្ឌភាពត្រកាលយ៉ាងណា នាពេលរាត្រី? ទាំងនេះគ្រាន់ត...

តោះទៅភោជនីយដ្ឋាន Cowboy!

ដោយ: អ្នកនាង 10 PM, Friday, 22 Apr, 2016

Cowboy? គ្រាន់តែ​បានឮ​ឈ្មោះ​ភ្លាម អ្នកនិពន្ធយើងក៏​នឹកបណ្តែតអារម្មណ៍ ទៅកាន់ក្រុមមនុស្សសម័យដើមរបស់អាមេរិក ដែលមានការស្លៀកពាក់តុបតែងខ្លួន ដោយខោអាវខាវប៊...

តោះ! មកស្គាល់ 7 ទិសដៅដ៏ល្អបំផុត ដែលត្រូវបានគេហាមឃាត់ មិនឱ្យទៅលេង!!!

ដោយ: ភារុន 8 AM, Wednesday, 10 Apr, 2019

តោះ! មកស្គាល់ 7 ទិសដៅដ៏ល្អបំផុត ដែលត្រូវបានគេហាមឃាត់ មិនឱ្យទៅលេង!!!មិនថាដើម្បីការពារធម្មជាតិ ឬក៏ រក្សាមនុស្សដែលជាជនជាតិដើមឱ្យសុវត្ថិភាព ឬក៏លាក់ការព...

តិចនិកធ្វើឱ្យ ដំណើរកំសាន្តក្រេបទឹកឃ្មុំ កាន់តែមានន័យ

ដោយ: ដួងច័ន្ទ 7 PM, Wednesday, 25 Jan, 2017

ចូលរួមអបអរសាទរ អ្នកបានរៀបអាពាហ៍ពិពាហ៍ដោយជោគជ័យ។ អ្នកបានក្លាយជាម្ចាស់គ្រួសារផ្ទាល់ខ្លួន និងមានដៃគូប្រចាំជីវិត។ ប៉ុន្តែជីវិតពិត ខុសពីខ្សែភាពយន្ត ដែលអ...

Tomnerb.Com - YouTube Channel