ចូលចិត្តទំនើប

EDEN ECO VILLAGE កន្លែងលំហែកាយ បណ្ដែតអារម្មណ៍បែបធម្មជាតិ

ដោយ: ដាលីស 5 PM, Tuesday, 16 Jun, 2015

EDEN ECO VILLAGE គឺជាឈ្មោះតំបន់កម្សាន្តបែបធម្មជាតិ មានសភាពស្ងប់ស្ងាត់ ប្របនឹងមាត់ទឹកនៃដៃសមុទ្រ អម​ទៅ​ដោយ​ដើម​​រុក្ខជាតិ​​ព្រៃតូចធំ ដុះប្រជ្រៀតគ្នាឈរជាជួរយ៉ាងស្រស់ស្អាត ពណ៌ខៀវស្រងាត់លាយឡំ ជាមួយសូរសំឡេង​សត្វចាបស្រែកបន្ទរ​តិចៗ​ប្រៀប​​ដូច​បទ​ភ្លេង ព្រមទាំងមាន​ខ្យល់​ជំនោរបក់ផាយរំភើយៗ ពីសមុទ្រដ៏សែនត្រជាក់ ដែលកាន់តែអំណោយផល ដល់បណ្តា​អ្នកទេសចរ​ដែល​ទៅ​កម្សាន្ត​ជាខ្លាំង។ តំបន់ដែលពោរពេញ​ទៅដោយ សម្រស់ធម្មជាតិបែបរ៉ូមែនទិកមួយនេះ បានលាក់ខ្លួនពួនអាត្មានៅ​ឆ្ងាយពីទី​ប្រជុំ​ជន​ នៃខេត្តកំពតប្រមាណជាជាង 10គីឡូម៉ែត្រ ឬគ្រាន់តែចំណាយ​ពេលធ្វើដំណើរប្រមាណ 2ម៉ោង 30នាទី ចេញពីរាជធានីភ្នំពេញ ដែលស្ថិត​នៅ​ក្នុងភូមិម៉ាក់ប្រាំង ឃុំកំពង់ក្រែង ស្រុកកំពត។

EDEN-ECO-VILLAGE-03

នៅទីនេះក្រៅពីមានទេសភាព ដ៏ស្រស់ស្អាតដែលជាសម្បត្តិធនធានធម្មជាតិ របស់ព្រះរាជាណាចក្រកម្ពុជា ភ្ញៀវដែលទៅកម្សាន្តនៅទី​នោះ​នឹងបាន​សម្រាកកាយបន្ធូរអារម្មណ៍ ស្រូបយកខ្យស់អាកាសបរិសុទ្ធបក់ផាត់ ពីដៃសមុទ្រជាលក្ខណៈអេកូទេសចរណ៍ ​ជាមួយនឹងបន្ទប់ស្នាក់​នៅ​ដែល​ត្រូវបានគេសាងសង់ឡើង ធ្វើអំពីឈើប្រកស្បូវ​ដ៏តូចច្រឡឹង នៅជាប់នឹងមាត់ច្រាំងយ៉ាងមានរបៀប ដោយមានគ្រែគេងចំនួន1 នឹងអង្រឹង​សម្រាប់​តម្រេតខ្លួនលំហែកាយចំនួន1 ដោយគ្រាន់តែចំណាយថវិកា​ប្រមាណជា 15-18ដុល្លារ សម្រាប់ការស្នាក់នៅមួយយប់ ហើយថែមទាំង​ទទួល​បាន​អាហារពេលព្រឹកសម្រាប់មនុស្ស 2នាក់ ​ដោយ​ឥត​គិតថ្លៃថែមទៀតផង។ ក្រៅពីនេះ EDEN ECO VILLAGE ក៏មានទីតាំងសម្រាប់​ភ្ញៀវ​ទេសចរ​ជា​ក្រុម (មិនលើសពី 20នាក់) ក្នុងការអង្គុយជួប​ជុំ​ជជែកគ្នា​លេង ឬទទួលទានអាហារយ៉ាង​សប្បាយរីករាយ ហើយលោកអ្នកក៏អាចធ្វើដំណើរ​កម្សាន្ត​​ ជា​លក្ខណៈ​ឯកជន ដោយ​ការជិះទូកលេងនៅលើដៃសមុទ្រ គយគន់​ទេសភាព​​ដ៏ស្រស់ស្អាត​ប្លែកភ្នែក​ចម្លែក​អារម្មណ៍ ក្រោមការឈរបង្ហាញ​រាង​​របស់​ពពួក​រុក្ខជាតិតូចធំ យ៉ាងស្អេកស្កះដែលដុះនៅតាមមាត់ច្រាំង ក៏ដូចជាដើម​រុក្ខជាតិស្មៅដុះក្នុងទឹកតូចៗជាច្រើន ជាពិសេសថែមទាំង​បាន​ទស្សនា​​ហ្វូង​ត្រីទឹកប្រៃ រាប់រយក្បាលហែលបណ្តែតខ្លួន បង្អួតភ្នែកអ្នកទេសចរយ៉ាងអស្ចារ្យ។ ដោយឡែសម្រាប់ការទទួលទានអាហារ​វិញ ភ្ញៀវ​ទេសចរ​​ទាំង​អស់​ ក៏អាចកុម្ម៉ង់មុខម្ហូប តាមចំណូលចិត្ត ដែលក្នុងនោះរួមមានទាំងប្រភេទអាហារ​ទឹកសាប និងអាហារ​គ្រឿងសមុទ្រ ព្រមទាំងមាន​ភេសជ្ជៈ​​យ៉ាង​សម្បូរ​បែប ស្របទៅតាមតម្រូវការផងដែរ៕

EDEN-ECO-VILLAGE-02

EDEN-ECO-VILLAGE-05

EDEN-ECO-VILLAGE-04

អត្ថបទអ្នកចង់អាន

ពិព័រណ៍អន្តរជាតិរវាងអាស៊ាន និងចិន នឹងប្រារព្វឡើងនៅខេត្តសៀមរាប នាខែសីហានេះ

ដោយ: ទំនើប 8 PM, Monday, 17 Jul, 2017

សេចក្តីជូនដំណឹង ដើម្បីពង្រឹងចំណងមិត្តភាពរវាងប្រជាជននៃបណ្តាប្រទេសសមាគមអាស៊ាន និងប្រជាជនចិន សមាគមមិត្តភាពកម្ពុជា-ចិន ចូលរួមសហការដោយក្រុមហ៊ុន ខេមគ្លូប...

អគារមហិមាទាំង 5 នៅក្នុងលោក

ដោយ: ដួងច័ន្ទ 8 AM, Thursday, 23 Aug, 2018

ការធ្វើដំណើរជុំវិញពិភពលោក នាំអ្នកឱ្យស្គាល់អ្វីៗប្លែកៗជាច្រើន ដែលភាគច្រើនជានិមិត្តរូបតំណាងឱ្យទីកន្លែងទាំងនោះ។ អ្វីដែលស្រូបទាញអារម្មណ៍របស់អ្នកទាំងអស់...

តោះទៅលេង គីរីរម្យ ទាន់អាកាសធាតុត្រជាក់!

ដោយ: អ្នកនាង 8 PM, Wednesday, 20 Dec, 2017

មានមនុស្សមួយចំនួន មិនចូលចិត្តកន្លែងត្រជាក់នៅរដូវរងាទេ ព្រោះយល់ថាវាពិបាកទ្រាំ ប៉ុន្តែខ្ញុំបែរជាយល់ថាបទពិសោធ និងអារម្មណ៍រងាបូករងានេះ វាពិសេសម្យ៉ាងខុស...

ជីវភាពរស់នៅ ឯលំហអាវកាស តើគេរស់នៅបែបណាដែរ?

ដោយ: ភារុណ 11 PM, Thursday, 08 Dec, 2016

តើហេតុអ្វីបានជា នៅក្នុងយានអាវកាស (Space Shuttle) គឺយើងតែងតែហោះ នៅលើលំហ? ពីព្រោះនៅលំហអាកាស គ្មានទំនាយផែនដីទេ ដូច្នេះហើយ យើងមិនអាចដើរបានទេ យើងមិនបាច់...

Tomnerb.Com - YouTube Channel