ចូលចិត្តទំនើប

សណ្ឋាគារដ៏ល្អប្រណីតបំផុតទាំង 8 នៅលើពិភពលោក

ដោយ: ភារុន 1 PM, Tuesday, 07 May, 2019

រចនាបថ នៃការរៀបចំរបស់សណ្ឋាគារនីមួយៗ គឺជាចំណុចដែលធ្វើឲ្យសណ្ឋាគារទាំងអស់នេះ មានលក្ខណៈខុសប្លែក និងមានភាពទាក់ទាញ ខុសពីកន្លែងដទៃទៀត។ គ្រាន់តែមានបន្ទប់ដ៏ល្អប្រណីត នោះគឺនៅមិខទាន់គ្រប់គ្រាន់ ដែលអាចក្លាយជាសណ្ឋាគារដ៏ល្អឥតខ្ចោះបាននោះទេ គឺវាគួបផ្សំទៅនឹងទីតាំងរបស់សណ្ឋាគារ រួមជាមួយនឹងទេសភាពនៅជុំវិញសណ្ឋាគារផងដែរ ដូចជាសណ្ឋាគារខ្លះមានទីតាំងនៅលើកំពូលភ្នំ នៅលើកោះ និងនៅចំកណ្តាលទីក្រុង…ជាដើម។ ដូចនេះ ទំនើប ចង់ណែនាំប្រិយមិត្តអ្នកអានទាំងអស់ ឲ្យបានស្គាល់សណ្ឋាគារចំនួន 8 ដ៏ល្អឥតខ្ចោះនៅលើពិភពលោក រួមមាន៖
1. Emirates Palace, ទីក្រុង Abu Dhabi ប្រទេស អារ៉ាប់រួម
សណ្ឋាគារនេះត្រូវបានចំណាយប្រាក់ 3 ពាន់លានដុល្លារ សម្រាប់ការសាងសង់ ហើយលទ្ធផលដូចការរំពឹងទុក នោះគឺសណ្ឋាគារដ៏ប្រណិតមួយនេះ បានទាក់ទាញភ្ញៀវទេសចរជាច្រើន ជាពិសេសអ្នកមានទ្រព្យសម្បិត្តស្តុកស្តម្ភជាច្រើន នៅជុំវិញពិភពលោក ឱ្យមកស្នាក់នៅសណ្ឋាគារនេះ នៅពេលពួកគេមកទេសចរណ៍នៅប្រទេសអារ៉ាប់រួម។

2. The Boulders, រដ្ឋ Arizona, សហរដ្ឋអាមេរិក

សណ្ឋាគារដ៏ល្អប្រណីតនេះ គឺជាសណ្ឋាគារផ្ទាំងថ្ម ដោយសារតែសណ្ឋាគារនេះកសាងឡើងនៅក្នុងចន្លោះដុំថ្មធំៗ។ ម្យ៉ាងទៀត នៅបរិវេណសណ្ឋាគារ ក៏មានទីលានវាយកូនហ្គោល នឹងផ្តល់ជូនស៉្បាដល់ភ្ញៀវ ដែលមកស្នាក់នៅសណ្ឋាគារផងដែរ។

3. Belmond, ភាគខាងកើតរដ្ឋ Maryland សហរដ្ឋអាមេរិក

អ្នកអាចក្រឡេកមើលរូបភាពខាងក្រោមនេះ សណ្ឋាគារដ៏ប្រណិតនេះពិតជាសក្តិសម នឹងទទួលបានការសរសើរពិតមែន។ ភាគច្រើនភ្ញៀវដែលមកស្នាក់នៅសណ្ឋាគារ គឺជាអ្នកមានស្តុកស្តម្ភ និងអ្នកមានកេរ្តិ៍ឈ្មោះល្បីល្បាញ។ នៅបរិវេណសណ្ឋាគារនេះមានបឹងធំដ៏ស្រស់ស្អាតមួយ ដែលអនុញ្ញាតឱ្យភ្ញៀវ អាចជិះទូកលេងកម្សាន្តបណ្តើរ និងទទួលទានអាហារដ៏សែនឆ្ងាញ់បណ្តើរ នៅក្នុងបរិយាកាសដ៏សែនស្ងប់ស្ងាត់ និងរ៉ូមែនទិចផងដែរ។

4. The Orient Express ប៉ែកអ៊ឺរ៉ុប

សណ្ឋាគារនេះមិនស្ថិតនៅមួយកន្លែងនោះទេ ដោយសារតែវាគឺជាសណ្ឋាគាររថភ្លើង ដែលអនុញ្ញាតឱ្យភ្ញៀវស្នាក់នៅអាចធ្វើដំណើរពីទិសដៅមួយទៅទិសដៅមួយទៀតបាននៅទ្វីបអ៊ឺរ៉ុប។ ម្យ៉ាងទៀត ការតុបតែងនៅក្នុងរថភ្លើង គឺត្រូវបានរៀបចំ ដូចជាសណ្ឋាគារដ៏ល្អប្រណីត ដែលមានទាំងភោជនីយដ្ឋាន និងបន្ទប់ស្នាក់នៅដ៏ល្អឥតខ្ចោះផងដែរ។

5. Mardan Palace, ទីក្រុង Antalya, ប្រទេស Turkey

សណ្ឋាគារនេះ មានអាងហែលទឹកដ៏ធំបំផុតប្រចាំតំបន់ ដូចនៅក្នុងរូបភាពខាងក្រោមនេះ នៅពេលអ្នកបានឃើញហើយ ពិតជាចង់ទៅស្នាក់នៅ និងហែលទឹកលេងកម្សាន្តនៅក្នុងសណ្ឋាគារដ៏ប្រណីតនេះភ្លាមៗ។

6. The Westin Excelsior, ទីក្រុង Rome, ប្រទេស អ៊ីតាលី

ប្រសិនបើបានទៅលេងកម្សាន្តនៅទីក្រុង រ៉ូម កុំភ្លេចទៅស្នាក់នៅសណ្ឋាគារដ៏ល្អប្រណីតមួយនេះ ឱ្យសោះ។ ពីព្រោះសណ្ឋាគារនេះ មានទីតាំងនៅចំកណ្តាលទីក្រុង ហើយពិតជាផ្តល់ភាពរស់រវើកនៃទិដ្ឋភាពនៃទីក្រុង រ៉ូម។ ហើយលើសពីនេះ សម្រាប់បន្ទប់ស្នាក់នៅគឺល្អឥតខ្ចោះ ព្រមទាំងមានទីធ្លាវេរ៉ងដា ខាងក្រៅបន្ទប់ ដែលមានសួនច្បារដ៏តូច ដែលអនុញ្ញាតឱ្យអ្នកអាចអង្គុយលេង នឹងគយគន់មើលទេសភាព រួមជាមួយនឹងញុំាកាហ្វេដ៏សែនឆ្ងាញ់ផងដែរ។

7. Marquis Los Cabos, ប្រទេស ម៉ិកស៊ីកូ
សណ្ឋាគារនេះត្រូវបានសាងសង់ឡើង នៅលើឆ្នេរខ្សាច់ដ៏ស្រស់ស្អាតមួយនៅប្រទេសម៉ិកស៊ីកូ។ ម្យ៉ាងទៀត សណ្ឋាគារនេះមានស្ថាបត្យកម្ម និងរចនាបថដ៏អស្ចារ្យ ដែលបានដកចេញពីរឿងព្រេងនិទានទេវតា 2 អង្គ ស្វែងរកឋានសួគ៌នៅលើផែនដី។

8. The Las Vegas Palms, ទីក្រុង Nevada, សហរដ្ឋអាមេរិក
ទេសភាពដ៏ស្រស់ត្រកាលនៃទីក្រុង Nevada ដែលអាចមើលឃើញពីសណ្ឋាគារ គឺពិតជាទស្សនីយភាពដ៏អស្ចារ្យ ជាពិសេសទេសភាពនាពេលរាត្រីនៅទីក្រុងនេះតែម្តង គឺកាន់តែមានភាពស្រស់ស្អាត ដូចដែលអ្នកបានឃើញនៅក្នុងរូបភាពខាងក្រោមនេះ។

ប្រភព: youqueen ផ្នែក: ដើរកម្សាន្ត, ដើរ​លេង

អត្ថបទអ្នកចង់អាន

ទេសភាពថ្ងៃអស្តង្គត ក្នុងទ្វីបអាស៊ី

ដោយ: ដួងច័ន្ទ 4 PM, Friday, 03 Feb, 2017

បើអ្នកចូលចិត្តគយគន់ទេសភាពថ្ងៃលិច ទោះនៅតាមឆ្នេរសមុទ្រ ឬក្នុងទីក្រុង ទំនើប នោះជីវិតនឹងកាន់តែមានន័យ បើសិនជាអ្នកបានទស្សនាទេសភាពថ្ងៃលិច នៅក្នុងដំណើរកំសា...

ទីតាំងផ្តិតយកទេសភាពក្នុងតំបន់ Setouchi ប្រទេសជប៉ុន

ដោយ: ដួងច័ន្ទ 11 PM, Friday, 23 Feb, 2018

តំបន់ Setouchi មានទីតាំងស្ថិតនៅភាគខាងកើតទីក្រុង Kyoto ព័ទ្ធជុំវិញតំបន់ Seto Inland Sea និងមានកម្រងកោះប្រមាណ 3000 កោះ ដែលជាទីតាំងដ៏លេចធ្លោមួយ នៃប្រជ...

ឧទ្យានជាតិ ដ៏ស្រស់ស្អាតទាំង 7 នៅអឺរ៉ុប

ដោយ: ដួងច័ន្ទ 2 PM, Saturday, 07 Oct, 2017

នៅពេលទៅទស្សនាតំបន់អឺរ៉ុប ភាគច្រើនគេចូលចិត្តទស្សនា នៅតាមទីក្រុងធំៗ។ ប៉ុន្តែការកំសាន្តតាមទីប្រជុំជនច្រើនពេក អ្នកនឹងខកខានទស្សនាទេសភាព ដ៏ស្រស់ស្អាតប្រច...

ស្អែកថ្ងៃអុំទូកហើយ អ្នកណាខ្លះចង់ទៅលេងតាមខេត្តខ្លះ ក្នុងចំណោម 5 ខេត្តនេះ? ណាត់គ្នាដើរម្តងទៅ…

ដោយ: ភារុន 10 AM, Saturday, 01 Dec, 2018

ទីបំផុតថ្ងៃបុណ្យអុំទូក ដែលម្នាក់ៗ ទន្ទឹងរង់ចាំជាយូរមកហើយនោះបានឈានចូលមកដល់ហើយ។ បន្ទាប់ពីអ្នកបានធ្វើការដ៏មមាញឹករាល់ថ្ងៃ ដល់ពេលដែលអ្នកគួរដើរលេងម្តងហើយ...

Tomnerb.Com - YouTube Channel