ចូលចិត្តទំនើប

រឿងរ៉ាវ 7 យ៉ាងដ៏គួរឱ្យភ្ញាក់ផ្អើល ដែលមិនត្រូវបានចាត់ទុកថា «មិនគួរសម» នៅក្នុងប្រទេសជប៉ុន

ដោយ: ចរិយា 9 AM, Saturday, 07 Sep, 2019

ថ្ងៃនេះគេហទំព័រ ទំនើប ចង់បង្ហាញជូនប្រិយមិត្តអ្នកអាន នូវរឿងរ៉ាវចំនួន 7 យ៉ាងដ៏គួរឱ្យភ្ញាក់ផ្អើល ដែលមិនត្រូវបានចាត់ទុកថា «មិនគួរសម» ប្រសិនបើប្រិយមិត្តធ្វើនៅក្នុងប្រទេសជប៉ុន ប៉ុន្តែប្រសិនបើអ្នកធ្វើនៅក្នុងប្រទេសយើង ត្រូវបានគេចាត់ទុកថា «មិនគួរសម ឬ គួរឱ្យរំខាន»។ ចង់ដឹងថាមានអ្វីខ្លះ? តោះ! មកតាមដានជាមួយយើង៖
1. ស្រែកលឺៗ នៅក្នុងភោជនីយដ្ឋាន
នៅពេលអ្នកត្រូវការហៅអ្នករត់តុ ដើម្បីកុំម៉ង់មុខម្ហូប អ្នកអាចស្រែកលឺៗបាន នៅក្នុងភោជនីយដ្ឋានក្នុងប្រទេសជប៉ុន។

2. រុញ ឡើងជិះរថភ្លើង
រថភ្លើងនៅក្នុងទីក្រុងតូក្យូ មានមនុស្សឡើងជិះកកកុញណាស់ ដូច្នេះ រាល់ពេលឡើងជិះរថភ្លើង អ្នកត្រូវបានគេរុញច្រានឱ្យឡើងរថភ្លើង។

3. មិនឱ្យលុយធីប
អតិថិជនជនជាតិជប៉ុន មានទម្លាប់មិនឱ្យលុយធីបទៅអ្នកផ្តល់សេវាផ្សេងៗនោះទេ នៅក្នុងប្រទេសជប៉ុន។ ដូច្នេះ សេវាកម្មបម្រើនៅក្នុងប្រទេសជប៉ុនត្រូវបានគេចាត់ទុកថា ជាសេវាកម្មដ៏ល្អបំផុតនៅលើពិភពលោក។

4. បុរសមិនបើកទ្វារឱ្យស្រ្តី
នៅក្នុងប្រទេសជប៉ុន មានវប្បធម៌ដែលបុរសមិនបើកទ្វារឱ្យស្រ្តី នេះមិនមែនមានន័យថាបុរសជនជាតិជប៉ុន «មិនចេះគួរសម» នោះទេ វាគ្រាន់តែ «ភាពមិនចេះគួរសមនេះ» មិនបានផ្សារភ្ជាប់ជាមួយនឹងការបើកទ្វារនោះទេ។

5. គេចវេះ ក្នុងការសួរសំណួរ
ជនជាតិជប៉ុនជៀសវាងពីការមានជម្លោះ ពួកគេមិនផ្តល់ព័ត៌មានអាក្រក់របស់អ្នកដទៃ ដោយផ្ទាល់នោះទេ។ ម្យ៉ាងទៀត ការរិះគន់ជាធម្មតា ត្រូវបានធ្វើឡើងដោយសម្តីទន់ភ្លន់ នៅក្នុងភាសាជប៉ុន។ នៅក្នុងប្រទេសជប៉ុន ការរិះគន់ដោយផ្ទាល់គឺត្រូវបានចាត់ទុកថា ម្នាក់នោះគឺជាមនុស្សមិនចេះគួរសម នៅក្នុងទំនាក់ទំនងរវាងមនុស្សជាមួយនឹងមនុស្ស។

6. ញុំាស៊ូស៊ី ដោយដៃផ្ទាល់
អ្នកអាចញុំាម្ហូបស៊ូស៊ីគ្រប់ប្រភេទ ដោយដៃរបស់អ្នកផ្ទាល់។ ជាធម្មតា ការញុំាម្ហូបស៊ូស៊ីដោយដៃ ភាគច្រើនជាបុរស។

7. ហ៊ុតទឹកស៊ុប បញ្ចេញសំឡេងលឺខ្លាំង
នៅពេលដែលអ្នកញុំាទឹកស៊ុបមី អ្នកអាចហ៊ុតទឹកស៊ុប ដោយបញ្ចេញសំឡេងលឺខ្លាំងបាន (ឧទាហរណ៍៖ រ៉ាមែន, Soba និង Udon…)។ ការធ្វើបែបនេះ ត្រូវបានគេចាត់ទុកថាគួរសម ពីព្រោះខណៈពេលដែលអ្នកញុំាទឹកស៊ុប ដែលមានរសជាតិឆ្ងាញ់ អ្នកគួរតែហ៊ុតទឹកស៊ុបនេះ ដោយបញ្ចេញសំឡេងលឺខ្លាំង ដើម្បីផ្តល់ជាសញ្ញាថា »ទឹកស៊ុបនេះពិតជាឆ្ងាញ់អស្ចារ្យ»៕

ប្រភព: japan-talk ផ្នែក: ដើរកម្សាន្ត, ដើរ​លេង

អត្ថបទអ្នកចង់អាន

ពិធីបុណ្យ ៤ ប្រទេសក្នុងទ្វីបអាស៊ី ពេញនិយមសម្រាប់អ្នកទេសចរណ៍

ដោយ: ស. លីង 6 PM, Wednesday, 27 Sep, 2017

អ្នកដឹងទេ? អ្នកទេសចរណ៍ទាំងឡាយ ចូលចិត្តមកលេងប្រទេស ៤ ក្នុងទ្វីបអាស៊ីយើងនេះ ជាពិសេសពេលពិធីបុណ្យប្រចាំឆ្នាំម្តងៗ។ ១. ឥណ្ឌា «បុណ្យ Diwali» បុណ្យមួយនេះរ...

សណ្ឋាគារ Marvel ដំបូងគេលើពិភពលោក កំពុងសាងសង់

ដោយ: ដួងច័ន្ទ 3 PM, Saturday, 29 Jul, 2017

វាទំនងដូចជាក្រុមហ៊ុន Stark Industries បាននឹងកំពុងសាងសង់ អចលនទ្រព្យថ្មីមួយ បន្ថែមទៅក្នុងការរកស៊ីដ៏ធំរបស់ពួកគេ។ នេះជាសណ្ឋាគាររបស់ក្រុមហ៊ុន Disney ឈ្ម...

ចូលឆ្នាំខ្មែរ! មិនដឹងថាទៅកម្សាន្តនៅឯណា? សាកទៅលេងសង្រ្កាន្ត នៅខេត្តព្រៃវែង ម្តងមើល៍!!!

ដោយ: ភារុន 9 AM, Thursday, 28 Mar, 2019

ចូលឆ្នាំប្រពៃណីជាតិខ្មែរ កាន់តែខិតជិតមកដល់ហើយ គឺនៅខែក្រោយនេះ ដែលជាហេតុ នៅតាមបណ្តា ខេត្ត/ក្រុងមួយចំនួនធំ បានរៀបចំកម្មវិធី សង្ក្រាន្តប្រចាំខេត្ត/ក្រុ...

ការបោះជុំរុំ និង ការដើរកម្សាន្តបែបផ្សងព្រេងនៅខេត្ត មណ្ឌលគីរី ក្នុងឱកាសព្រះរាជពិធីបុណ្យអុំទូក

ដោយ: ភារុន 9 AM, Wednesday, 07 Nov, 2018

ខេត្តមណ្ឌលគីរីតំបន់ទេសចរណ៍ធម្មជាតិដ៏ធំមួយនៃតំបន់ភូមភាគឥសាន្តរបស់ប្រទេសកម្ពុជា ដែលមានតំបន់ទេសចរណ៍ធម្មជាតិៗជាច្រើនកន្លែង។ នៅក្នុងឱកាសព្រះរាជពិធីបុណ្យ...

Tomnerb.Com - YouTube Channel