ចូលចិត្តទំនើប

5 ទីតាំងប្រៀបដូច នៅក្នុងរឿងនិទាន

ដោយ: ដួងច័ន្ទ 8 PM, Tuesday, 06 Jun, 2017

ទស្សនាចរណ៍ទៅកាន់ទីតាំងទាំង 5 នៅក្នុងអត្ថបទខាងក្រោមនេះ ប្រៀបដូចជាអ្នកបានដើរចូល ទៅក្នុងទំព័រនៃសៀវព្រេងនិទាន ដែលមានប្រាសាទអណ្តែតលើដុំពពក និងព្រៃប្រឹក្សាដែលមានផ្កា ជាកម្រាលព្រំ។ ចង់ដឹងថា វាស្ថិតនៅទីណាខ្លះ? តោះ! មកស្វែងយល់ជាមួយ ទំនើប! 

ទឹកធ្លាក់ Multnomah: Columbia River Gorge រដ្ឋ Oregon សហរដ្ឋអាមេរិក

ទឹកធ្លាក់កម្ពស់ 186 ម៉ែត្រ បង្កើតបានជាទឹកធ្លាក់ 2 ដំណាក់ ហូរកាត់ទន្លេ Columbia River Gorge ដ៏ខៀវស្រងាត់នៅក្នុងរដ្ឋ Oregon សហរដ្ឋអាមេរិក ប្រៀបបាននឹងទីតាំងដែលមាននៅក្នុងប្រលោមលោកបែបទេវកថា។ ទេសភាពដងជ្រោះនេះ ផុសឡើងយ៉ាងច្បាស់ ដែលអ្នកអាចមើលពីទីតាំងទស្សនាទេសភាព នៅក្នុងសួនឧទ្យាននេះបាន ប៉ុន្តែអ្នកទេសចរណ៍ដែលចូលចិត្តទេសភាពបែបព្រឺព្រួច អាចឡើងទៅកាន់ស្ពាន Benson ហើយក្រឡេកមើលទឹកធ្លាក់បែកខ្ចាយក្នុងកម្ពស់ដ៏ខ្ពស់ ពីខាងលើបាន។

Places-That-Are-Straight-Out-Of-Fairy-Tales-Tomnerb-01 

សួនផ្កា Tulip ប្រទេសហូឡង់

មិនថាជាសួននៅក្នុងសួន Keukenhof Gardens នៅក្នុងទីក្រុង Amsterdam ឬសួនផ្កានៅតាមជាយក្រុង Hillegom និង Warmond ទេ សួនផ្កា Tulip នៃប្រទេសហូឡង់ គឺពោរពេញដោយភាពស្រស់ត្រកាលដូចសួនផ្កាក្នុងក្តីសុបិន្ត។ បន្ថែមជាមួយនឹងសម្រស់នៃផ្ទះកង្ហារ (Windmill) បែបជនជាតិហូឡង់ និងមនុស្សម្នាជិះកង់កំសាន្ត រឹតតែផ្តល់សោភណ្ឌភាពកាន់តែទាក់ទាញសម្រាប់ភ្ញៀវទេសចរណ៍។

Places-That-Are-Straight-Out-Of-Fairy-Tales-Tomnerb-02 

ប្រាសាទ Bojnice ប្រទេសស្លូវ៉ាគី

ដើមឡើយត្រូវបានកសាងឡើង ជាបន្ទាយធ្វើពីឈើ នៅក្នុងសតវត្សទី 12 ក្រោយមកប្រាសាទ Bojnice បានប្រែក្លាយជាប្រាសាទដ៏ស្រស់ស្អាតបំផុត នៅក្នុងតំបន់អឺរ៉ុបកណ្តាល និងជាតំបន់ទេសចរណ៍ធំជាងគេ នៅក្នុងប្រទេសស្លូវ៉ាគី។ ជាមួយនឹងដំបូលចោតពណ៌ខៀវខ្ចី និងរូងក្រោមដី បានធ្វើឱ្យប្រាសាទនេះ ប្រៀបបាននឹងប្រាសាទដ៏អាថ៌កំបាំង នៅក្នុងសៀវភៅរឿងនិទាន ដែលធ្វើអ្នកទេចរណ៍ចង់ស្វែងយល់ពីវា។

Places-That-Are-Straight-Out-Of-Fairy-Tales-Tomnerb-03 

តំបន់ Colmar ទីក្រុង Alsace ប្រទេសបារាំង

ក្រុមហ៊ុន Walt Disney ពិតជាយល់ស្របទាំងស្រុង ថាតំបន់ Colmar គឺជាទីតាំងមួយប្រៀបបាននឹងទីក្រុងតូចមួយក្នុងរឿងព្រេង។ នៅទីនេះមានគេហដ្ឋានសង់ពីគ្រោងឈើ ជាមួយនឹងពណ៌ចម្រុះលាបពីខាងក្រៅ និងការតុបតែងផ្កា នៅតាមបណ្តោយប្រឡាយទឹក នៅក្នុងទីក្រុង។ គ្រាន់តែ ឃើញត្រឹមរូបភាព ក៏អាចនាំអារម្មណ៍អ្នកឱ្យអណ្តែតអណ្តូង នឹងភាពស្រស់ត្រកាលនេះបានដែរ។

 Places-That-Are-Straight-Out-Of-Fairy-Tales-Tomnerb-04

ស្ពាន Rakotz (Rakotzbrücke) ទីក្រុង Kromlau ប្រទេសអាល្លឺម៉ង់

ស្ពានដែលសាងសង់ឡើងក្នុងសតវត្សទី 19 បង្កើតបានជារង្វង់មូលធ្វើពីថ្ម នៅពេលវាចាំងឆ្លុះជាមួយផ្ទៃទឹកនឹងថ្កល់នៅពីខាងក្រោម។

អត្ថបទអ្នកចង់អាន

រឿង 5 យ៉ាងដ៏ល្អបំផុត ដែលអ្នកគួរធ្វើនៅទីក្រុង Nice ប្រទេស បារាំង ចង់ដឹងអត់ ថាមានអ្វីខ្លះ?

ដោយ: ភារុន 8 AM, Friday, 01 Feb, 2019

អ្នកណាក៏ដឹងដែរថា ទីក្រុង Nice របស់ប្រទេសបារាំង គឺជាទីក្រុងមួយ ដ៏រ៉ូមែនទិច ដែលមនុស្សជាច្រើនប្រាថ្នាចង់ទៅកម្សាន្តនៅទីនេះ។ ថ្ងៃនេះ ទំនើប ក៏នឹងលើកយកកន្...

ទស្សនាតំបន់ពិសេស របស់ក្រុងកូឡាឡាំពួរ

ដោយ: ដាលីស 9 PM, Friday, 05 Jun, 2015

កូឡាឡាំពួរ គឺជាទីក្រុងដ៏ស្រស់ស្អាតមួយ ដែលស្ថិតនៅក្នុង​ក្រសែភ្នែក បណ្តាភ្ញៀវទេសចរចម្រុះជាតិសាសន៍ នៅលើសាកលលោក ហើយ​ក៏​ជាក្រុង ​ដែល​ធំជាងគេបំផុត ​ប្រៀប...

ទិសដៅប៉ុន្មានកន្លែងនេះ មានទេសភាពស្រស់ស្អាតបំផុត នៅពេលថតពីលើអាកាស

ដោយ: ភារុន 8 AM, Thursday, 20 Dec, 2018

មានមនុស្សជាច្រើន តែងមានក្តីប្រាថ្នាចង់ដើរកម្សាន្តជុំវិញពិភពលោក យ៉ាងហោចណាស់ក៏ទៅឱ្យបានមួយកន្លែងដែរ។ កន្លែងដែលមានទេសភាពអគារខ្ពស់ៗ ឬមានទេសភាពធម្មជាតិស្...

5 ទិសដៅដ៏សំខាន់ដែលអ្នកគួរមកទស្សនានៅក្នុងទីក្រុងភ្នំពេញ

ដោយ: ភារុន 9 AM, Friday, 14 Sep, 2018

ទីក្រុង ឬ ហៅថារាជធានី របស់ប្រទេសកម្ពុជា ដែលមានប្រជាជនមកប្រមូលផ្តុំគ្នារស់នៅច្រើនបំផុត នោះគឺទីក្រុង ភ្នំពេញ។ ទីក្រុងភ្នំពេញក៏មានប្រវត្តិសាស្រ្តដ៏យូរ...

Tomnerb.Com - YouTube Channel