ចូលចិត្តទំនើប

បើបានទៅដល់ទីក្រុង Takamatsu នៃប្រទេសជប៉ុន កុំភ្លេចទៅកម្សាន្តនៅ សារមុន្ទីរទាំង 3 នេះ!

ដោយ: ភារុន 8 AM, Wednesday, 20 Mar, 2019

នៅខេត្ត Kagawa ប្រទេសជប៉ុន មានទីក្រុងប្រវត្តិសាស្រ្តមួយ ដែលមានឈ្មោះថា Takamatsu ។ នៅទីនេះអ្នកអាចនឹងរកឃើញសារមុន្ទីរ ដ៏គួរឱ្យចាប់អារម្មណ៍ជាច្រើនកន្លែង ដែលអាចធ្វើឱ្យអ្នកពិបាកក្នុងការគិតណាស់ ថាតើគួរទៅកន្លែងណា? ពីព្រោះសារមុន្ទីរនីមួយៗនៅទីក្រុងនេះ សុទ្ធតែមានភាពទាក់ទាញរៀងៗគ្នា។ ប៉ុន្តែសូមកុំបារម្ភ ថ្ងៃនេះ វិបសាយរបស់យើងចង់ណែនាំនូវសារមុន្ទីរដ៏ស្រស់ស្អាតចំនួន 3 ប្រចាំទីក្រុង Takamatsu នេះ ជូនប្រិយមិត្តអ្នកអានទាំងអស់ បានស្គាល់៖
1. សារមុន្ទីរ Shikoku Mura
សារមុន្ទីរ Shikoku Mura គឺមានលក្ខណៈជាឧទ្យានស្ថាបត្យកម្មបែបប្រវត្តិសាស្រ្ត ដ៏បើកចំហរមួយ នៅតំបន់ Takamatsu ស្ថិតនៅខេត្ត Kagawa នៃប្រទេសជប៉ុន។ នៅទីនេះ មានសំណង់អគារជាង 20 ដែលមានស្ថាបត្យកម្មដ៏វិចិត្រ ដែលបានសាងសង់ឡើងនៅពាសពេញបរិវេណនៃសារមុន្ទីរ Shikoku Mura នេះ។ លើសពីនេះ ទីនេះ ក៏មានស្ពានយោលដ៏ចំណាស់ ដែលបានបន្សល់ទុកមក តាំងពីសម័យ Edo មកម្ល៉េះ។ ម្យ៉ាងទៀត ប្រសិនបើអ្នកសំណាងល្អ អ្នកក៏អាចបានមើលការសម្តែង ល្ខោន Kabuki ផ្ទាល់នៅរោងមហោស្រព នៅសារមុន្ទីរ Shikoku Mura នេះផងដែរ។

2. សារមុន្ទីរសិល្បៈ Takamatsu
នៅក្នុងសារមុន្ទីរនេះ មានការតាំងពិព័រណ៍ស្នាដៃសិល្បៈ សម័យថ្មី ដ៏អស្ចារ្យជាច្រើន ក៏ប៉ុន្តែស្នាដៃទាំងអស់នេះ ក៏នៅតែគោរពរក្សា ឫសគល់នៃវប្បធម៌បូរាណរបស់ជនជាតិជប៉ុនផងដែរ។

3. សារមុន្ទីរ Kagawa
សារមុន្ទីរនេះ គឺជាសារមុន្ទីរថ្នាក់ជាតិនៃទីក្រុង Takamatsu ខេត្ត Kagawa ប្រទេសជប៉ុន។ សារមុន្ទីរនេះត្រូវបានបង្កើតឡើងសម្រាប់ឧទ្ទិសដល់ប្រវត្តិសាស្រ្ត និងស្នាដៃសិល្បៈសម័យទំនើប ប្រចាំខេត្ត Kagawa ។ ម្យ៉ាងទៀត ការពិព័រណ៍វត្ថុបែបប្រវត្តិសាស្រ្ត ដែលសារមុន្ទីរនាំមកឱ្យអ្នក នោះគឺនឹងធ្វើឱ្យ អ្នកដែលបានមកទស្សនានៅទីនេះ បានស្គាល់ពីទិដ្ឋភាពនៃសម័យកាលដ៏ចលាចល ដែលជាសម័យសង្រ្គាមបង្ហូរឈាមដ៏ខ្លាំងក្លា នៅក្នុងប្រទេសជប៉ុន កាលពីសម័យបូរាណ។ ចំណែកពិព័រណ៍សិល្បៈវិញ គឺជាការបង្ហាញពីស្នាដៃសិល្បៈបែបសម័យទំនើប មកពីជុំវិញពិភពលោក។ ដូច្នេះការពិព័រណ៍វត្ថុទាំងសម័យបូរាណ និងសម័យទំនើប នឹងធ្វើឱ្យអ្នកទស្សនាទាំងអស់ កាន់តែមានការយល់ដឹងច្រើនពីប្រទេសជប៉ុនបន្ថែមទៀត។

ប្រភព: mustdotravels ផ្នែក: ដើរកម្សាន្ត, ដើរ​លេង

អត្ថបទអ្នកចង់អាន

13 កន្លែងគួរទៅទស្សនាមុនពេលវារលាយបាត់

ដោយ: ដួងច័ន្ទ 9 AM, Wednesday, 25 Jul, 2018

ការព្រួយបារម្ភពីបម្រែបម្រួលអាកាសធាតុចោទជាការគម្រាមកំហែងដល់តំបន់ទេសចរណ៍មួយចំនួននៅក្នុងពិភពលោក។ ហេតុនេះហើយអ្នកគួរចាប់ផ្តើមរៀបចំគម្រោងទៅ ទស្សនាតំបន់ទា...

សុវត្ថិភាពស្រ្តី៖ ៦ ចំណុច ដែលស្រ្តីគួរចងចាំ ពេលចូលក្នុងក្លឹបកំសាន្ត

ដោយ: ដួងច័ន្ទ 12 PM, Sunday, 12 Mar, 2017

ក្លឹបកំសាន្តនានា កំពុងរងចាំស្វាគមន៍ស្រ្តីគ្រប់រូប។ តើអ្នកមានគំនិតទុទិដ្ឋិនិយម ចំពោះការចូលក្លឹបជាមួយមិត្តភក្តិ ហើយឪពុកម្តាយអ្នកមិនអនុញ្ញាត ឱ្យអ្នកទៅ...

ដំណើរទេសចរណ៍ នៅទីក្រុង Canberra

ដោយ: ដួងច័ន្ទ 9 AM, Sunday, 21 Jan, 2018

សព្វថ្ងៃនេះទីក្រុង Canberra គឺជាទីក្រុងដ៏រស់រវើកមួយបង្ហាញ ពីការវិវឌ្ឍន៍យ៉ាងឆាប់រហ័សរួមមាន វិស័យសិល្បៈ ស្ថាបត្យកម្ម និងវប្បធម៌ប្រពៃណី។ ទីក្រុងនេះមាន...

កោះដ៏ស្រស់ស្អាតបំផុតទាំង 7 នៅប្រទេសកម្ពុជា

ដោយ: ភារុន 8 AM, Friday, 05 Oct, 2018

នៅទីបំផុតទឹកដីកោះនៅកម្ពុជាបានចាប់ផ្តើមមានការចាប់អារម្មណ៍ពីសំណាក់អ្នកទេសចរទាំងនៅក្នុងប្រទេស និង ខាងក្រៅប្រទេសហើយ។ ពីព្រោះទេសភាពដ៏ស្រស់ត្រកាលរបស់កោះទ...

Tomnerb.Com - YouTube Channel