ចូលចិត្តទំនើប

តោះ! មកស្គាល់ រឿង 12 យើងដែលអ្នកគួរជៀសវាង មុនពេលឡើងយន្តហោះ

ដោយ: ចរិយា 9 AM, Tuesday, 06 Aug, 2019

ការជិះយន្តហោះ គឺតែងតែផ្តល់ភាពតានតឹង សូម្បីតែអ្នកឧស្សាហ៍ជិះយន្តហោះទៅមកក្រៅប្រទេសក៏ដោយ ប៉ុន្តែវាមិនមែនជារឿង ដែលគួរឱ្យភ្ញាក់ផ្អើលនោះទេ ពីព្រោះអ្នកដំណើរគឺចាំបាច់ត្រូវរៀបចំផែនការគ្រប់យ៉ាងទុកជាមុន ដូចជា៖ រៀបចំវ៉ាលី សម្លៀកបំពាក់ និងឯកសារពាក់សំខាន់ផ្សេងៗ ព្រមទាំងត្រូវរៀបចំពេលវេលា ដើម្បីឡើងយន្តហោះឱ្យទាន់ពេលផងដែរ។ ហើយទាំងនេះគឺធ្វើឱ្យអ្នកដំណើរទាំងអស់ ដែលមានបទពិសោធន៍តែងមានអារម្មណ៍ឈឺក្បាលវិលមុខ។ ថ្ងៃនេះគេហទំព័រ ទំនើប ចង់ណែនាំជូនប្រិយមិត្តអ្នកអាន អំពីកំហុសចំនួន 12 យ៉ាង ដែលអ្នកមិនធ្លាប់បានដឹងថា អ្នកកំពុងធ្វើនៅក្នុងព្រលានយន្តហោះ រួមមាន៖
1. ដាក់ឯកសារសំខាន់ៗ នៅក្នុងកាបូបតូច (សំបុត្រយន្តហោះ លិខិតឆ្លងដែន…)
មនុស្សមួយចំនួន រៀបចំដាក់ឯកសារសំខាន់ៗទាំងអស់របស់ពួកគេ នៅក្នុងកាបូបតូចមួយ ដោយសារតែ ពួកគេគិតថាកាបូបតូច គឺមានទម្ងន់ស្រាល និងងាយស្រួលក្នុងការយកមកតាមខ្លួន។ ប៉ុន្តែ ប្រសិនបើអ្នកមានកាបូបកាន់តែច្រើន អ្នកទំនងជាកាន់តែពិបាកក្នុងការយកចិត្តទុកដាក់នៅលើកាបូបតូចរបស់អ្នក ដូចជាអ្នកអាចភ្លេចចោលនៅក្នុងតាក់ស៊ី ឬ ហាងកាហ្វេនៅក្នុងព្រលានយន្តហោះ…ជាដើម។ ដូច្នេះ យកល្អអ្នកគួរទុកឯកសារសំខាន់ៗទាំងនេះ នៅក្នុងហោប៉ៅកាបូបធំ និងរៀបចំប្រាក់បន្តិចបន្តួចនៅហោប៉ៅផ្សេងៗគ្នា។

2. មិនស្វែងរកមធ្យោបាយដ៏ត្រឹមត្រូវ ដើម្បីទៅដល់ព្រលានយន្តហោះ ឱ្យទាន់ពេលវេលា

3. ខកខាន ឬ មិនបានគ្រប់គ្រងពេលវេលាត្រឹមត្រូវ
ភាគច្រើន គឺត្រូវបានគេណែនាំឱ្យមកដល់ព្រលានយន្តហោះ 2-3ម៉ោង មុនពេលឡើងយន្តហោះ។ ប៉ុន្តែ ការធ្វើបែបនេះ មនុស្សមួយចំនួន អាចមានការធុញទ្រាន់ ក្នុងការចំណាយពេលវេលារង់ចាំរយៈពេលយូរបែបនេះ។ ប៉ុន្តែ អ្នកត្រូវចងចាំថាអ្នកដែលមិនចង់មកមុនពេល អាចនឹងទទួលហានីភ័យខ្ពស់ទៅលើការយឺតយ៉ាវ ឬក៏ អាចខកខានការឡើងយន្តហោះ តែម្តង។

4. មិន Checking-in នៅលើអនឡាញ
ក្រុមហ៊ុនអាកាសចរណ៍ជាច្រើន ផ្តល់នូវឱកាសដើម្បី Checking-in នៅលើអនឡាញ ពីព្រោះវាមានអត្ថប្រយោជន៍ខាងផ្នែកសេដ្ឋកិច្ច។

5. ចំណាយពេលមួយយប់ នៅក្នុងព្រលានយន្តហោះ
ព្រលានយន្តហោះភាគច្រើន មិនត្រូវបានផ្គត់ផ្គង់ជាមួយនឹង កន្លែងអង្គុយសម្រាកដ៏មានផាសុកភាពនៅពេលយប់នោះទេ។ ដូច្នេះ ប្រសិនបើអ្នកចង់សម្រាកពេញមួយយប់ នៅក្នុងព្រលានយន្តហោះ វាអាចជាគំនិតដ៏អាក្រក់មួយ។

6. បង់ថ្លៃ ឥវ៉ាន់លើសទម្ងន់
វាជាការប្រសើរ ដែលអ្នកត្រូវដឹងពីទម្ងន់នៃវ៉ាលីរបស់អ្នក មុនពេលមកដល់ព្រលានយន្តហោះ បើមិនដូច្នេះទេ អ្នកអាចជួបប្រទះនឹងការលំបាកក្នុងការចំណាយប្រាក់ច្រើនទៅលើការបង់ថ្លៃ ឥវ៉ាន់លើសទម្ងន់។

7. រុំវ៉ាលី
អ្នកដំណើរមួយចំនួន ទំនងជាគិតថាការរុំវ៉ាលី អាចរក្សាសុវត្ថិភាពខ្ពស់ ប៉ុន្តែអ្នកមានធ្លាប់គិតដែរទេថា ប្រសិនបើអ្នកភ្លេចរបស់សំខាន់ ដែលអ្នកនឹងត្រូវយកចេញមកខាងក្រៅវិញនោះ អ្នកនឹងជួបប្រទះការលំបាកក្នុងការយកវាចេញ។

8. ចូលទៅក្នុងបុស្តិ៍ត្រួតពិនិត្យសន្តិសុខទី 2 មុនគេ
ជាធម្មតា បុស្តិ៍ត្រួតពនិត្យសន្តិសុខទី2 ជារឿយៗតែងមានមនុស្សច្រើនបំផុត ដូច្នេះគំនិត ដែលចូលទៅក្នុងប៉ុស្តិ៍ត្រួតពិនិត្យទី2មុន គឺជាគំនិតមិនល្អទេ។

9. ភ្លេច ច្បាប់ហាមឃាត់ទាក់ទងនឹងវត្ថុរាវ និងវត្ថុហាមឃាត់ផ្សេងៗ សម្រាប់ដាក់នៅក្នុងវ៉ាលី

10. សម្រាក បន្ទាប់ពីឆ្លងកាត់បុស្តិ៍ត្រួតពិនិត្យ
នៅពេលអ្នកឆ្លងកាត់ការត្រួតពិនិត្យសន្តិសុខរួចរាល់ហើយ អ្នកដំណើរភាគច្រើនតែងគិតថា អាចសម្រាកផឹកកាហ្វេ ឬក៏ ញុំាអ្វីមួយបន្តិចបន្តួចបានហើយ មុននឹងដល់ពេលឡើងយន្តហោះ។ ក្នុងករណីនេះ អ្នកគួរប្រុងប្រយ័ត្ន ពីព្រោះវាអាចទៅរួច ដែលអ្នកអាចខកខានពេលវេលាក្នុងការឡើងយន្តហោះ។

11. សាកល្បងញុំាអាហារ ដែលខ្លួនមិនធ្លាប់ញុំា មុនពេលឡើងយន្តហោះ
នៅពេល អ្នកមានឱកាសទៅបរទេស អ្នកប្រាកដជាចង់ភ្លក្សរសជាតិម្ហូបក្នុងស្រុកគេហើយ។ ប៉ុន្តែ ជាទូទៅគេមិនណែនាំឱ្យអ្នកញុំាអាហារប្លែកៗ ឬ ច្រើនមុខ មុនពេលឡើងយន្តហោះទេ ពីព្រោះ អ្នកមិនបានដឹងច្បាស់ទេថា ក្រពះរបស់អ្នក អាចមាន ឬមិនមានប្រតិកម្មចំពោះអាហារ ដែលអ្នកបានញុំានោះ។

12. ភ័យស្លន់ស្លោរ
ប្រសិនបើមានភាពចៃដន្យអ្វីមួយកើតឡើង ដែលធ្វើឱ្យអ្នកមិនអាចឡើងយន្តហោះបាន ឬ ការហោះហើររបស់អ្នកត្រូវបានលុបចោលតែម្តង ដូចជា៖ អ្នកបាត់សំបុត្រយន្តហោះ លិខិតឆ្លងដែន ឬ ឯកសារពាក់ព័ន្ធសំខាន់ៗផ្សេងៗទៀត នោះគឺវាអាចបណ្តាលឱ្យអ្នកមានអារម្មណ៍ភ័យស្លន់ស្លោរ ប៉ុន្តែអារម្មណ៍បែបនេះ គឺនឹងអាចធ្វើឱ្យស្ថានភាពនេះកាន់តែធ្ងន់ធ្ងរឡើងៗ៕

ប្រភព: brightside ផ្នែក: ដើរកម្សាន្ត, ដើរ​លេង

អត្ថបទអ្នកចង់អាន

វត្ថុ ១១ យ៉ាង ដែលអ្នកធ្វើដំណើរតែឯង គួរស្វែងយល់

ដោយ: ដួងច័ន្ទ 7 PM, Thursday, 16 Mar, 2017

អ្នកកំពុងសុបិន្ត ចង់ធ្វើដំណើរកំសាន្តតែម្នាក់ឯងមែនទេ? ជាទូទៅ ដំណើរកំសាន្តជាការទទួលបានបទពិសោធន៍ពិសេសៗ ប៉ុន្តែការដំណើរកំសាន្តតែម្នាក់ឯង អាចជាសេរីភាពដ៏...

ទៅលេងប្រទេសសឹង្ហបុរីកុំភ្លេចទៅភ្លក់អាហាររបស់ Michelin Star ទាំង 10 មុខនេះគឺមានតម្លៃតិចជាង 5$ លុយសិង្ហបុរីប៉ុណ្ណោះ

ដោយ: ភារុន 10 AM, Monday, 03 Dec, 2018

ប្រទេសសឹង្ហបុរី អ្នកទាំងអស់ពិតជាដឹងថាជាប្រទេសមួយនេះ អ្នកត្រូវចំណាយប្រាក់ច្រើនបំផុតក្នុងការធ្វើទេសចរណ៍នៅទីនេះ។ ប៉ុន្តែអ្នកប្រហែលជាមិនបានដឹងថាវាក៏ជាប...

ទិសដៅទេសចរណ៍ទាំង 8 ដែលមានតម្លៃសមរម្យបំផុត នៅជុំវិញពិភពលោក

ដោយ: ភារុន 8 AM, Saturday, 10 Nov, 2018

នៅថ្ងៃឈប់សម្រាកក្នុងឱកាសពិធីបុណ្យអុំទូកនេះ អ្នកអាចឆ្លៀតពេលនេះទៅធ្វើដំណើរទេសចរនៅតំបន់ដ៏ល្បីៗនៅជុំវិញពិភពលោក ប៉ុន្តែប្រសិនបើអ្នកមិនចង់ចំណាយថវិកាច្រើន...

ទស្សនាចរណ៍កាហ្វេ ជុំវិញពិភពលោក

ដោយ: ដួងច័ន្ទ 9 PM, Sunday, 03 Sep, 2017

តើអ្នកចូលចិត្តញ៉ាំកាហ្វេ ឬទេ? បើមែន អ្នកពិតជាចង់ដឹង ចង់យល់ឱ្យបានកាន់តែច្រើនអំពីកាហ្វេ ហើយជាពិសេស អ្នកកាន់តែចង់ដឹង ថាតើទីកន្លែងណាជាកន្លែង ដែលអ្នកអាច...

Tomnerb.Com - YouTube Channel