ចូលចិត្តទំនើប

សណ្ឋាគារថ្នាក់ “ផ្កាយ ៥លាន” នៅ Iceland គឺធ្វើពី Bubbles

ដោយ: ដួងច័ន្ទ 10 PM, Monday, 03 Jul, 2017

នៅពេលសម្តៅដល់ការបោះជំរុំ មានវិធីសាស្រ្តជាច្រើន សម្រាប់អនុវត្ត។ អ្នកអាចធ្វើដំណើរកំសាន្ត ដោយគេងនៅក្នុងភួយ ពីក្រោមពន្លឺផ្កាយព្រោងព្រាត បន្ថែមភាពងាយស្រួលជាមួយនឹងតង់ ឬ ដំណើរ កំសាន្តបោះជំរុំ ដោយកក់ពោង Bubble មួយ។

ចំណុចចុងក្រោយនេះ អាចនឹងធ្វើឱ្យអ្នកចាប់អារម្មណ៍ ឬធ្វើឱ្យអ្នកភ័ន្តច្រឡំ ដូច្នេះ ទំនើប នឹងពន្យល់ អ្នក។ ប្រទេស Iceland គឺជាប្រភពកំណើតនៃសណ្ឋាគារបែបថ្មីមួយ មានឈ្មោះថា Buubble ដែល បានផ្សព្វផ្សាយថាជា «សណ្ឋាគារថ្នាក់ផ្កាយប្រាំលាន» (5 Million Star Hotel) ដែលទាំងនេះជា គុណសម្បត្តិនៃទេសភាពដ៏ស្រស់ត្រកាល នៅក្នុងតំបន់នោះ។ អ្នកសាកល្បងធ្វើការស្រមើស្រមៃថា បានគេងលង់លក់ នៅក្រោមពន្លឺផ្កាយរាប់លានដួង ឬ ទស្សនាព្រះអាទិត្យរះ កណ្តាលអាធ្រាត្រ ពីលើគ្រែដ៏មានផាសុកភាពរបស់អ្នក។ សម្រាប់អ្នកដែលធ្វើដំណើរទៅកាន់ប្រទេស Iceland ជាពិសេស ដើម្បីទស្សនាទស្សនីយភាពពន្លឺ Aurora Borealis អ្នកក៏នឹងអាចទទួលបានទស្សនីយភាពដ៏អស្ចារ្យ ជាមួយនឹងពន្លឺភ្លើងពណ៌បៃតង ខៀវ និង ពណ៌ស្វាយ រេរាំប្រដេញគ្នា ពីលើក្បាលរបស់អ្នក ស្របពេលដែលអ្នកបិទភ្នែកគេងលង់លក់។

វាជាការច្នៃប្រឌិតបច្ចេកវិទ្យាពោង Bubble ឱ្យទៅជាទីស្នាក់អាស្រ័យដ៏អស្ចារ្យមួយ។ អ្នកអាចគេងនៅក្រៅបន្ទប់ ទោះបីជានៅក្នុងរដូវរងារ ហើយអ្នកនៅតែអាចទទួលបានភាពកក់ក្តៅ ពីឧបករណ៍កម្តៅ ប្រព័ន្ធខ្យល់គ្មានសម្លេងរំខាន ហើយកាន់តែប្រសើរជាមួយនឹងខ្យល់អាកាស ដែលផ្លាស់ប្តូរពី 2 ទៅ 7 ប្រភេទ នៅរៀងរាល់មួយម៉ោងម្តង ដូច្នេះអ្នកនឹងមិនមានអារម្មណ៍ស្អុះស្អាប់ ឬសំណើមច្រើនពេកទេ។

បន្ទប់ស្នាក់នៅប្រភេទថ្មីនេះ មានជាច្រើនជម្រើស សម្រាប់អ្នកធ្វើការជ្រើសរើស រួមមាន the Asta ជាប្រភេទបន្ទប់ធម្មតា មានគ្រែពីរ សម្រាប់មនុស្សពីរនាក់ និង the Valdis ជាពោង Bubble ដែលមាន ភ្នាសអាលុយមីញ៉ូម សម្រាប់ស្នាក់នៅពីរនាក់។ បន្ទប់ទាំងអស់មានទីតាំងស្ថិតនៅក្នុងព្រៃ និងមាន ភាពដាច់ដោយឡែក ឯកជន សក្តិសមបំផុតសម្រាប់គូស្នេហ៍ ដែលចង់បានភាពផ្អែមល្ហែម។ សម្រាប់ ការសេវាកម្មបន្ថែម គឺមានផ្តល់នូវសេវាកម្មផ្ទះរួមគ្នា ជាមួយបន្ទប់ទឹក បង្គន់ និងចង្ក្រានសម្រាប់ចម្អិន អាហារដោយខ្លួនឯង និងកាហ្វេដោយឥតគិតថ្លៃ។ វាពិតជាខុសប្លែកពីការបោះជំរុំ តាមតង់ធម្មតា។

ស្តាប់ទៅគួរឱ្យចាប់អារម្មណ៍ណាស់! បើមានឱកាសពិតជាចង់ទៅកំសាន្តម្តង។ ចុះមិត្តអ្នកអានយល់ យ៉ាងណាដែរ?

bubbble-sleeping-Tomnerb-02

bubbble-sleeping-Tomnerb-03

ប្រភព: vivalifestyleandtravel ផ្នែក: ដើរកម្សាន្ត, ដើរទិញ, ដើរ​ញ៊ាំ, ដើរ​លេង

អត្ថបទអ្នកចង់អាន

បើបានទៅដល់ទីក្រុង Takamatsu នៃប្រទេសជប៉ុន កុំភ្លេចទៅកម្សាន្តនៅ សារមុន្ទីរទាំង 3 នេះ!

ដោយ: ភារុន 8 AM, Wednesday, 20 Mar, 2019

នៅខេត្ត Kagawa ប្រទេសជប៉ុន មានទីក្រុងប្រវត្តិសាស្រ្តមួយ ដែលមានឈ្មោះថា Takamatsu ។ នៅទីនេះអ្នកអាចនឹងរកឃើញសារមុន្ទីរ ដ៏គួរឱ្យចាប់អារម្មណ៍ជាច្រើនកន្លែ...

តោះ! ជិតចូលឆ្នាំខ្មែរហើយ ម្នាក់ៗមានគម្រោងធ្វើអ្វីខ្លះ?

ដោយ: ភារុន 2 PM, Thursday, 04 Apr, 2019

ពិធីបុណ្យចូលឆ្នាំប្រពៃណីខ្មែរ ជាពិធីបុណ្យដ៏ធំមួយ ក្នុងចំណោមពិធីបុណ្យជាតិរបស់ខ្មែរយើង ហើយក៏ជាពេលវេលាឈប់សម្រាក ដ៏សប្បាយរីករាយផងដែរ។ តាមទំនៀមទំលាប់ ប្...

ទស្សនាឧទ្យានបាតសមុទ្រ ដ៏ល្បីឈ្មោះរបស់ចិន បំបែកកំណត់ត្រាពិភពលោក 5ក្នុងពេលតែមួយ

ដោយ: ដាលីស 8 PM, Friday, 05 Jun, 2015

មិនមែនជារឿង ដែលមានភាពងាយស្រួលក្នុងការបង្កើត ឬសាងសង់នោះឡើយ ខណៈដែលមណ្ឌលកម្សាន្តបាតមហាសមុទ្រដ៏ធំ អាច​​មាន​លទ្ធភាព​ស្តុកទឹកប្រៃ រហូត​ដល់ប្រមាណ 22.7លានល...

2 ថ្ងៃ 2យប់ នៅយ៉ាងហ្គូន៖ ដំណើរកម្សាន្តទេសចរណ៍បែបសាសនា

ដោយ: ទំនើប 7 AM, Friday, 11 May, 2018

តើលោកអ្នកដឹងទេ ពេលនេះលោកអ្នកអាចធ្វើដំណើរត្រឹមតែ 2ថ្ងៃ 2យប់ ទៅកាន់ទីក្រុងយ៉ាងហ្គូន ប្រទេសមីយ៉ាន់ម៉ា(ពីមុនហៅថា ភូមា) ដើម្បីទៅទស្សនាទីកន្លែងដ៏ស័ក្តិសិ...

Tomnerb.Com - YouTube Channel