ចូលចិត្តទំនើប

ល្បាក់ខោន សម្រស់ដុំមាស ជាយដែន

ដោយ: ស៊ីវងីម 10 PM, Friday, 22 Apr, 2016

តើអ្នកណាខ្លះចូលចិត្តគយគន់ សម្រស់ទឹកជ្រោះធម្មជាតិ? លើកដៃហើយមែនទេ តោះយើងទៅស្គាល់ល្បាក់ខោន ឬជ្រោះសុភមិត្រ ដែលនៅឯព្រំដែនប្រទេសកម្ពុជា និងឡាវជាមួយគ្នា!

ល្បាក់ខោន ឬជ្រោះសុភមិត្រ មានទីតាំងស្ថិតនៅក្នុងព្រំដែន រវាងឃុំព្រះរំកិល ស្រុកថាឡាបរិវ៉ាត់ ខេត្តស្ទឹងត្រែង និងឃុំកំពង់ស្រឡៅ ស្រុកឆែប ខេត្តព្រះវិហារ ប្រទេសកម្ពុជា។ ល្បាក់ខោននេះ មានឈ្មោះហៅមួយទៀត តាមអ្នកខេត្តស្ទឹងត្រែង និងព្រះវិហារ គឺជ្រោះនិម្មិត។ ជ្រោះនិម្មិត មានចម្ងាយប្រមាណជា 70គីឡូម៉ែត្រ ពីទីរួមខេត្តស្ទឹងត្រែង ដោយធ្វើដំណើរកាត់តាមទឹកដីខេត្តព្រះវិហារ។

ល្បាក់ខោនជ្រោះសុភមិត្រ ឬព្រះនិម្មិត ត្រូវបានធម្មជាតិតុបតែងរចនាឲ្យមានសម្រស់ស្អាតប្លែក មានតែមួយនៅក្នុងប្រទេសកម្ពុជា តាមរយៈផ្ទាំងថ្មស្រួច ទាលរាប់ពាន់បន្តុបគ្នារាយប៉ាយលើមុខកាត់ប្រវែង 26ម៉ែត្រ ដែលជាទីតាំងហូរកាត់របស់ទន្លេមេគង្គ។ ល្បាក់ខោនផ្នែកខាងលើ មានផ្ទាំងថ្មតូចៗ ដិបរដុបផុសចេញពីផ្ទៃទឹកពណ៌សក្បុស ជម្រៅរាក់ល្មម អាចឲ្យភ្ញៀវទេសចរងូតកម្សាន្តបានយ៉ាងសប្បាយ។ ដោយឡែកល្បាក់ខោន ផ្នែកខាងក្រោម មានផ្ទាំងថ្មធំៗ ទឹកហូរខ្លាំង ហើយជម្រៅជ្រៅ ជាកន្លែងដែលស្រស់ស្អាតសម្រាប់ការថតរូប។

Sopheakmet-05

ដោយសារយើងធ្វើដំណើរទៅលេងល្បាក់ខោន នៅក្នុងរដូវប្រាំង ទើបមិនបានត្រជាក់ភ្នែក នឹងព្រៃព្រឹក្សាពណ៌បៃតងប៉ុន្មានទេ ប៉ុន្តែទឹកតិចល្មមហើយកម្លាំងហូរខ្សោយ អាចឲ្យយើងងូតលេងបានសប្បាយជាងនៅក្នុងរដូវវស្សា។ ក្រោមពន្លឺព្រះអាទិត្យដ៏ចែងចាំងនាខែចេត្រ ផ្ទាំងថ្មល្បាក់ខោន បានប្រែពណ៌ជាពណ៌មាសស្រាល បញ្ចេញសម្រស់ទាក់ទាញភ្ញៀវទេសចរ ដែលទៅកម្សាន្តឲ្យបំភ្លេចពីកម្តៅដ៏ក្តៅហួតហែង ហើយបែរមកផ្តិតយកភាពស្រស់ស្អាតរបស់វាវិញ។

សម្រាប់អ្នកដែលចូលចិត្តគយគន់ផ្ទាំងគំនូរ របស់វិចិត្រករធម្មជាតិ សូមកុំរំលងល្បាក់ខោនជ្រោះសុភមិត្រ ឲ្យសោះ។ សម្រាប់អ្នកដែលបានទៅដល់ហើយ ជួយប្រាប់ពីអារម្មណ៍របស់អ្នកនៅក្នុងខមមិនខាងក្រោមផង!

Sopheakmet-02

Sopheakmet-04

Sopheakmet-03

អត្ថបទអ្នកចង់អាន

ទស្សនាចរណ៍វប្បធម៌ ក្នុងខែតុលា

ដោយ: ដួងច័ន្ទ 10 PM, Wednesday, 11 Oct, 2017

  ពេលវេលាណាក៏ល្អ សម្រាប់ការដើរកំសាន្តដែរ ប៉ុន្តែនៅក្នុងខែតុលា ជាពេលវេលាដ៏អំណោយផលសម្រាប់ការទទួលយកបទពិសោធន៍វប្បធម៌នានា ជុំវិញពិភពលោក។ ថ្ងៃនេះ ទំនើប ស...

ដំណើរកំសាន្តអស្ចារ្យ នៅអាស៊ី

ដោយ: ដួងច័ន្ទ 6 PM, Thursday, 19 Jan, 2017

អ្នកកំពុងមានផែនការ ដើរកំសាន្តមែនទេ? មិនទាន់សម្រេចចិត្តបាន ថាអ្នកគួរទៅកំសាន្តនៅទីណាមែនទេ? គេហទំព័រទំនើប អាចផ្តល់ជាចម្លើយ សម្រាប់ការសម្រេចចិត្តរបស់អ្...

អាថ៌កំបាំងកាហ្វេ នៅទីក្រុង Lviv

ដោយ: ដួងច័ន្ទ 6 PM, Thursday, 14 Dec, 2017

ទីក្រុង Lviv ជាទីក្រុងដែលមានស្ថាបត្យកម្មស្រស់ស្អាត និងជាជម្រកនៃវប្បធម៌ នៃប្រទេសអ៊ុយក្រែន។ កាលពីប៉ុន្មានសតវត្សមុន វាស្ថិតនៅក្នុងព្រំដែននៃតំបន់ Austr...

បង្ហាញរូបឆោម “New Kiribatie” ប្រទេសបណ្តែតទឹក ដំបូងបង្អស់លើពិភពលោក

ដោយ: ដាលីស 10 AM, Friday, 08 May, 2015

កាលពីពាក់កណ្តាលខែកញ្ញា នាឆ្នាំកន្លងទៅនេះ ទីភ្នាក់ងារព័ត៌មានអន្តរជាតិបានរាយការណ៍ថា ប្រទេសសាធារណរដ្ឋ ឃីរីបាទី ( Republic of Kiribatie ) បានត្រៀមប្រកា...

Tomnerb.Com - YouTube Channel