ចូលចិត្តទំនើប

រៀបការរួច គួរទៅក្រេបទឹកឃ្មុំ នៅឯណាល្អ?

ដោយ: វិរីយា៉ 11 PM, Saturday, 19 Mar, 2016

ពិធីរៀបអាពាហ៍ពិពាហ៍ ដ៏មានន័យត្រូវបានបញ្ចប់ ពេលវេលាដែលត្រូវគិតដល់ទីតាំង ក្រេបទឹកឃ្មុំដ៏រ៉ូមែនទិក ក៏ត្រូវ​ចូល​មកដល់ដែរ។ សម័យបច្ចុប្បន្ននេះ ការធ្វើដំណើរកម្សាន្តក្រេបទឹកឃ្មុំអាចចាត់ទុកថា ជារឿងដែលមានភាពសំខាន់មួយដែរ ព្រោះថាសម្រាប់គូស្នេហ៍ ដែលទើបតែរៀបការរួចថ្មោងថ្មីដូចជា អ្នកទាំងពីរ ការធ្វើដំណើរកម្សាន្តក្រេបចន្ទទឹកឃ្មុំ គឺប្រៀបដូចជា ការជួយបង្កើននូវការចងចាំអនុស្សាវរីយ៍ដ៏រីករាយ បន្ថែមជាមួយនឹងភាពផ្អែមល្ហែម ដ៏សែនមានន័យមិនអាចបំភ្លេចបាន។ “គិត​ចេះ​តែគិតហើយ ប៉ុន្តែដូចមិនទាន់ច្បាស់ក្នុងចិត្តសោះថា នឹងទៅក្រេបទឹកឃ្មុំនៅឯណាល្អ?” នេះគឺជាប្រយោគមួយ​ដែលស្ថិត​នៅ​ក្នុងចិត្តគូស្វាមីភរិយា មួយចំនួន​មែនដែរទេ? បើដូច្នេះចូរសាកមកទទួលយក ទីតាំងមួយចំនួនដែលយើងចង់បង្ហាញជូន​ដូចជា៖

តំបន់កម្សាន្តលើកោះ អាចនិយាយបានថា ជាទីតាំងល្អលេខមួយ ហើយសម្រាប់អ្នកដែលចង់ស្វែងរកទីតាំង ក្រេបចន្ទ​ទឹកឃ្មុំ​លំដាប់ល្អដាច់គេនោះ​។ ជាដំណើរកម្សាន្តក្រេបទឹកឃ្មុំ ដែលមានលក្ខណៈផ្ទាល់ខ្លួនខ្លាំងជាងគេបំផុត បើប្រៀបធៀបទៅ​នឹងការ​ធ្វើ​ដំណើរកម្សាន្តនៅទីតាំងផ្សេងៗទៀត តែក៏អាចនឹងត្រូវចំណាយអស់ច្រើនជាងគេដែរ ​ប៉ុន្តែអ្វីដែលអ្នកទទួល​បានពី​តំបន់​កម្សាន្តនៅ​លើកោះនោះ ក៏ស្ទើរតែរកមិនឃើញភាពខ្វះចន្លោះ ទាល់តែសោះដែរ។ សម្រាប់ទីតាំងពិសេសបែបនេះ អ្នកអាច​នឹក​គិត​ដល់តំបន់មួយចំនួនដូចជា កោះម៉ាល់ឌីវ កោះឡាំងកាវី ​កោះតាហីទី​ កោះបាលី និងកោះសាមុយជាដើម តែបើអ្នកគិត​ថា​មិន​ចង់ទៅដល់បរទេសទេនោះ​ អ្នកអាចគិតដល់កោះមួយចំនួន នៅក្នុងប្រទេសយើងក៏បាន​ គឺអាចផ្តល់នូវភាពរ៉ូមែន​ទិក ដែល​មិន​អាច​បំភ្លេច​បាន សម្រាប់​រាត្រីចន្ទ​ទឹក​ឃ្មុំ​របស់អ្នកដូចគ្នា។

Enter-05

តំបន់មាត់សមុទ្រ ខ្យល់ត្រជាក់បក់ផាត់នាំយកក្លិន ដ៏ប្រហើរនៃទឹកសមុទ្រ រួមជាមួយនឹងសំឡេងរលកបោកច្រាំង​ទាំងថ្ងៃ​ទាំង​យប់ឥតឈប់ឈរ រួមជាមួយនឹងសម្រស់ដ៏ស្រស់ត្រកាល នៃសមុទ្រនឹងជួយធ្វើឱ្យភាព​ផ្អែមល្ហែម នៃ​គូស្វាមី​ភរិយា​ថ្មោងថ្មី​កាន់​តែ​មានភាពស៊ីជម្រៅឡើងមួយកម្រិតទៀត។

តំបន់ភ្នំ នៅតាមតំបន់ភ្នំជាកន្លែង ដែលមានខ្យល់អាកាសបរិសុទ្ធល្អ មានភាពត្រជាក់ស្រួល ស្ងប់ស្អាត់ មានទេសភាពពណ៌​បៃតងស្រស់ មានសំឡេងសត្វរ៉ៃ និងសំឡេងទឹកជ្រោះជាតន្ត្រីកំដរគូស្នេហ៍ ដែលស្រឡាញ់ចូលចិត្ត​ធម្មជាតិ និងសម្រាប់គូស្នេហ៍​ ដែល​ភាពស្ងប់ស្ងាត់ឱ្យកាន់តែរ៉ូមែនទិក មានសេចក្តីសុខ និងមានភាពរីករាយកាន់តែច្រើនឡើង។

Enter-04

ប្រសិនបើអ្នកមិនចង់ទៅណាឆ្ងាយ រហូតដល់ឆ្លងប្រទេសទេនោះ ចូរស្វែងរកទីតាំងពិសេសៗ ​នៅក្នុង​ប្រទេសយើង​ក៏​បានដែរ ហើយទីតាំងក្នុងប្រទេស ដែលនិយាយនោះ វាគ្មានអ្វីក្រៅពីតំបន់សមុទ្រ (ដូចជា ក្រុងព្រះសីហនុ និងក្រុងកែប) ឬ​តំបន់​កោះ (ដូចជា កោះសង្សារ កោះឫស្សី និង​កោះ​រ៉ុង​សន្លឹមជាដើម) និងតំបន់ភ្នំ (ដូចជា ភ្នំបូកគោ និងគីរីរម្យជាដើម)៕

អត្ថបទអ្នកចង់អាន

តំបន់បេតិកភណ្ឌពិភពលោករបស់ UNESCO សម្រាប់ 2018

ដោយ: ដួងច័ន្ទ 9 AM, Friday, 28 Sep, 2018

សម្រស់ដ៏ស្រស់ស្អាតពីធម្មជាតិ រតនសម្បត្តិទីស្ថានបុរាណដ៏អស្ចារ្យ ក៏ដូចជាទីស្ថានប្រវត្តិសាស្រ្ត ជាកត្តាធ្វើឱ្យទីកន្លែងទាំងនោះមានតម្លៃគ្រប់គ្រាន់សម្រាប...

ប្រាសាទបន្ទាយឆ្មារ មិនគួរមើលរំលង

ដោយ: H2O 9 PM, Thursday, 05 May, 2016

ទិសដៅទេសចរណ៍ ឬដំណើរកំសាន្តមិនគួរមើលរំលង ប្រសិនបើលោកអ្នកចង់ផ្លាស់ប្តូរ និងចង់ទស្សនាប្រាសាទ ដែលស្រដៀងគ្នា និងតំបន់អង្គរ និងមានសភាពស្ងប់ស្ងាត់ អាកាសធា...

តោះ! មកស្គាល់ រាជធានី និងទីក្រុង ដ៏ស្រស់ស្អាតបំផុតទាំង 10 នៅទ្វីបអាស៊ី

ដោយ: ភារុន 7 AM, Thursday, 20 Jun, 2019

ទ្វីបអាស៊ីដ៏ធំៗមួយនេះ គឺមានរាជធានី និងទីក្រុងស្រស់ស្អាតជាច្រើនរួមមាន៖ រាជធានីនៃអាណាចក្របូរាណ ដូចជាក្រុងអង្គរ ស្ថិតនៅក្នុងខេត្តសៀមរាបនៃប្រទេសកម្ពុជា...

រឿង 10 យ៉ាងដ៏ចម្លែក ដែលអ្នកអាចមើលឃើញមានត្រឹមតែ នៅក្នុងប្រទេសជប៉ុន

ដោយ: ភារុន 10 AM, Wednesday, 22 May, 2019

ប្រទេសជប៉ុន ត្រូវបានប្រជាជនទូទាំងពិភពលោកទទួលស្គាល់ និងកោតសរសើរ ដោយសារតែភាពរីកចម្រើន នៃបច្ចេកវិទ្យា និងភាពទាន់សម័យរបស់ប្រទេសនេះ។ លើសពីនេះ ប្រទេសនេះក...

Tomnerb.Com - YouTube Channel