ចូលចិត្តទំនើប

ម៉ាកផលិតផលអុីតាលីថ្មីមួយ កំពុងពេញនិយម ក្នុងស្រទាប់យុវវ័យ

ដោយ: ដួងច័ន្ទ 6 PM, Thursday, 20 Jul, 2017

ម៉ាកផលិតផល សម្លៀកបំពាក់ថ្មីរបស់អ៊ីតាលី Brandy Melville គឺជាម៉ាកសញ្ញាដែលកំពុងមានភាពពេញនិយមខ្លាំង ក្នុងស្រទាប់យុវវ័យ។

ក្រុមហ៊ុននេះ ផ្គត់ផ្តង់ផលិតផលសម្លៀកបំពាក់ជាច្រើនប្រភេទ ដូចជា អាវខ្លី ខោគូថវែង និងអាវក្រៅវែងៗ ដែលផលិតផលសម្លៀកបំពាក់ប្រភេទនេះ មិនមានក្នុងទីផ្សារនៅសហរដ្ឋអាមេរិកទៀតទេ តាំងពី 5 ឆ្នាំមុន។

ក្រុមហ៊ុននេះ នៅជាហាងលក់សម្លៀកបំពាក់តូចមួយ ដែលមានវត្តមានក្នុងប្រទេសអ៊ីតាលី ដែលមាន ហាងត្រឹមតែ 18 ហាងប៉ុណ្ណោះ ប៉ុន្តែដោយសារគុណសម្បត្តិដ៏ធំធេង នៃការផ្សព្វផ្សាយពាណិជ្ជកម្ម អេឡិចត្រូនិច (E-Commerce) ម៉ាកសញ្ញាផលិតផលមួយនេះ កំពុងស្ថិតនៅក្នុងលំដាប់ទី 1 ក្នុងចំ ណោមម៉ាកសញ្ញាផលិតផលដែលយុវតី បញ្ជាក់ថាពួកគេកំពុងប្រើប្រាស់ ដោយទិន្នន័យទទួលបានពី ការសិក្សាសា្រវជ្រាវថ្មីមួយរបស់ Piper Jaffray នៅលើការចំណាយរបស់យុវជន។ ក្រុមហ៊ុននេះ មិនមានស្ថិតនៅក្នុងលំដាប់ នៃផលិតផលថ្មីៗទាំង 10 នៅក្នុងការសិក្សាស្រាវជ្រាវកន្លងមកផង។

ភាពរីកចម្រើនលូតលាស់ដ៏ខ្លាំង នៅក្នុងរយៈពេលចុងក្រោយនេះ គឺដោយសារប្រជាប្រិយភាពនៃគណ នេយ្យ Instagram របស់ក្រុមហ៊ុន ដែលមានអ្នកគាំទ្រ (Follower) ច្រើនជាង 2 លាននាក់ និងភាគ ច្រើនស្ថិតនៅក្នុងក្រុមជាមួយនឹងយុវវ័យ ដែលចំណូលលើខោរឹបជើង និងចូលចិត្តសក់វែងលាបពណ៌ ស ឬ ពណ៌ប្រាក់ ដែលមានបង្ហោះរូបភាពសម្លៀកបំពាក់ម៉ាកល្បីៗ។

ក្មេងស្រីៗមួយចំនួន ជាអ្នកដើរម៉ូដអាជីព។ រីឯមួយចំនួនទៀត ជាក្រុមយុវជនដែលគាំទ្រ និងចូលចិត្ត ប្រើសម្លៀកបំពាក់ម៉ាក Brandy Melville ដែលភាគច្រើនពួកគេបានក្លាយជាមនុស្សល្បី នៅលើបណ្តាញអ៊ីនធឺណេត ដែលជាលទ្ធផលទទួលបានពីការប្រើប្រាស់ផលិតផល ដែលមានអ្នកគាំទ្រច្រើន។

Kjerstin Skorag ក្មេងស្រីអាយុ 16 ឆ្នាំម្នាក់រស់នៅទីក្រុង Malibu បានប្រាប់មកកាន់គេហទំព័រ Racked ថា «ផលិតផលនេះបង្កើតឡើងយ៉ាងពិសេស សម្រាប់ក្មេងស្រីវ័យជំទង់»។ នាងស្ថិតនៅក្នុងក្រុមមួយដែលមានសមាជិកប្រហែល 20 នាក់ ជាក្មេងស្រីជំទង់ស្របាលៗគ្នា ដែលជាក្រុមមនុស្សធ្វើការចំណាយលើការស្រាវជ្រាវ និងជ្រើសរើសយកម៉ូដថ្មីៗ។ នាងបានបន្តទៀតថា «វាជាសកម្មភាពដ៏រីករាយមួយ ព្រោះពួកយើងជួបជុំគ្នា ជាមួយនឹងអ្វីដែលថ្មី និងអស្ចារ្យ ដែលពួកយើងចូលចិត្ត ហើយបន្ទាប់មកដាក់វានៅលើអាវ។ សម្រាប់ប្រព័ន្ធ Instagram ក្រុមទីផ្សារនឹងផ្ញើមកកាន់ ពួកយើងនូវសម្លៀកបំពាក់ និងឱ្យពួកយើងថតរូបជាមួយជាងថត បន្ទាប់មកពួកគេនឹងសម្រេចលើរូប ដែលត្រូវបង្ហោះ»។ Kjerstin ពេលនេះមានអ្នកគាំទ្រ (Follower) នៅលើគណនេយ្យ Instagram រហូតដល់ 24,000 នាក់ ដែលកើនឡើងពីចំនួន 3,000 នាក់ មុនពេលនាងចាប់ផ្តើមធ្វើការឱ្យក្រុម ហ៊ុន Brandy Melville។ នាងបាននិយាយថា ក្មេងស្រីៗមួយចំនួន ពេលខ្លះមកកាន់ហាង Santa Monica ហើយសុំថតរូបជាមួយនាងទៀតផង។

Brandy-Melville-Tomnerb-04

បុគ្គលិករបស់ Brandy Melville ម្នាក់ទៀត ឈ្មោះ Alex Centomo ពេលនេះមានអ្នកគាំទ្រច្រើនជាង 201,000 នាក់នៅក្នុងគណនេយ្យ Instagram ដែលជាលទ្ធផលនៃការធ្វើការងារជាមួយនឹងម៉ាកសញ្ញាថ្មីមួយនេះ។

ម៉ូដភាគច្រើនរបស់ Brandy Melville ជាម៉ូដដែលមានទំហំតែមួយប៉ុណ្ណោះ ដែលនេះជាចំណុចនាំ ទៅកាន់ការរិះគន់មួយចំនួន។

Laura Zeneuth អ្នកសរសេរនៅលើ Blog មួយរូបបានសរសេរថា «រឿងចុងក្រោយ ដែលមនុស្សស្រី ត្រូវការគឺ មានក្រុមហ៊ុនមួយ ដែលមិនគិតពីប្រយោជន៍ផ្ទាល់ខ្លួន និងបញ្ហារូបរាង។ ខ្ញុំនឹងមិនគាំទ្រ ផលិតផល Brandy Melville ឬ ក្រុមហ៊ុនណាមួយ ដែលរើសអើងចំណុចធំបំផុតរបស់ស្រ្តី»។

នៅក្នុង Op-Ed របស់ក្រុមសារព័ត៌មាន នៃសាកលវិទ្យាល័យ University of Southern California និសិត្សមួយរូបបានសរសេររៀបរាប់ថា «ទំហំតែមួយមិនសក្តិសម សម្រាប់មនុស្សទូទៅទេ។ យោងតាមសារព័ត៌មាន Los Angeles Times ស្រ្តីជនជាតិអាមេរិកជាមធ្យមមានទំហំ 14។ អាវខ្លី និងសំពត់ខ្លី របស់ Brandy Melville អាចគ្របលើរាងកាយស្ត្រីជនជាតិអាមេរិកស្ទើរតែមិនជិត»។

ប៉ុន្តែក្រុមហ៊ុនមិនចុះចាញ់នឹងបញ្ហា និងពាក្យរិះគន់ទាំងអស់នេះឡើយ។ ទំហំគឺជាចំណុចស្នូលរបស់ផលិតផល សម្រាប់យុទ្ធសាស្រ្តទីផ្សារបស់ក្រុមហ៊ុន។ ស្លាកសញ្ញាផ្សព្វផ្សាយធំៗ ដែលបិទនៅក្នុងហាងបានបញ្ជាក់យ៉ាងច្បាស់ថា “One Size Fits Most”។

ទីផ្សាររបស់ Brandy Melville បាននឹងរំលឹកពីភាពលេចធ្លោរបស់ Abercrombie & Fitch ដែល វាយលុកគ្របដណ្តប់លើទីផ្សារកាលពីចុងទសវត្សឆ្នាំ 1990 និងដើមទសវត្សឆ្នាំ 2000។

ការផ្សព្វផ្សាយពាណិជ្ជកម្មរបស់ Abercrombie ភាគច្រើនបង្ហាញពីការស្លៀកពាក់ខើចខ្លី បញ្ចេញ សាច់ ដែលធ្វើឱ្យមាតាបិតាមួយចំនួនមិនពេញចិត្ត និងបានធ្វើឱ្យម៉ាកសញ្ញានេះ ក្លាយជាចំណាប់អារម្មណ៍កាន់តែខ្លាំងសម្រាប់ក្មេងៗ។

ប៉ុន្តែមិនដូច Abercrombie ទេ ពាណិជ្ជកម្មរបស់ Brandy Melville មិនមានបញ្ចូលបុរសមួយរូបឡើយ។

Brandy-Melville-Tomnerb-03

Brandy-Melville-Tomnerb-02

អត្ថបទអ្នកចង់អាន

ភោជនីយដ្ឋានទាំង 7 នេះ ល្បីមានម្ហូបត្រីអាម៉ុកដែលមានរសជាតិឆ្ងាញ់បំផុត ប្រចាំរាជធានីភ្នំពេញ?

ដោយ: ភារុន 8 AM, Friday, 09 Nov, 2018

ត្រីអាម៉ុកគឺជាមុខម្ហូបដ៏ល្បីល្បាញមួយប្រចាំប្រទេសកម្ពុជា។ មុខម្ហូបនេះភាគច្រើនចម្អិនឡើងជាមួយគ្រឿងផ្សំជាច្រើនមុខ ជាពិសេសប្រើសាច់ត្រី និង ខ្ទិះដូងដែលធ្...

ទីកន្លែងកម្សាន្តដ៏ល្អបំផុតទាំង 7 នៅក្បែរៗទីក្រុងភ្នំពេញយើងហ្នឹង!

ដោយ: ភារុន 8 AM, Thursday, 30 May, 2019

បច្ចុប្បន្ននេះ ប្រទេសកម្ពុជាកំពុងមានសុខសន្តិភាព ដូច្នេះ ប្រជាពលរដ្ឋ និងភ្ញៀវទេសចរអន្តរជាតិ ក៏អាចធ្វើដំណើរកម្សាន្តបានគ្រប់ទិសទី នៅក្នុងតំបន់ទេសចរណ៍ដ...

ទីកន្លែង ដែលអ្នកមិនអាចខកខាន ពេលធ្វើដំណើរទៅកម្សាន្ត នៅប្រទេសជប៉ុន

ដោយ: វិរីយា៉ 11 PM, Saturday, 19 Mar, 2016

ជប៉ុន​នៅតែ​ជា​ប្រទេសមួយ​ ដែលមាន​ភាពល្បីល្បាញ និង​ទទួលបាន​ការនិយម​ចូលចិត្ត​ ចង់ទៅ​ទស្សនា​ជានិច្ច​សម្រាប់​ភ្ញៀវទេសចរ​ ដែល​មកពី​គ្រប់ទិសទី​នៅលើ​ពិភពលោ...

ទស្សនាចរណ៍ ម្ហូបអាហារនៅ Iceland

ដោយ: ដួងច័ន្ទ 8 PM, Monday, 29 Jan, 2018

អស់រយៈកាលជាយូរមកហើយ ម្ហូបអាហារនៅក្នុងប្រទេស Iceland ត្រូវបានបរិយាយក្នុងន័យមិន សូវល្អទេ ដោយសារម្ហូបអាហាររបស់ពួកគេ ចម្លែកខុសពីគេ។ ប៉ុន្តែបច្ចុប្បន្នន...

Tomnerb.Com - YouTube Channel