ចូលចិត្តទំនើប

ទស្សនាឧទ្យានបាតសមុទ្រ ដ៏ល្បីឈ្មោះរបស់ចិន បំបែកកំណត់ត្រាពិភពលោក 5ក្នុងពេលតែមួយ

ដោយ: ដាលីស 8 PM, Friday, 05 Jun, 2015

មិនមែនជារឿង ដែលមានភាពងាយស្រួលក្នុងការបង្កើត ឬសាងសង់នោះឡើយ ខណៈដែលមណ្ឌលកម្សាន្តបាតមហាសមុទ្រដ៏ធំ អាច​​មាន​លទ្ធភាព​ស្តុកទឹកប្រៃ រហូត​ដល់ប្រមាណ 22.7លានលីត្រ របស់ប្រទេសចិនមួយ ឈ្មោះ ជីមីឡុង អូស៊ាន ឃីងដឹម (Chimelong Ocean Kingdom) ត្រូវបានបង្ហាញ​ខ្លួន​យ៉ាងជង្រ្គឹង ធំល្វឹងល្វើយ ប្រៀបដូចបាតមហាសមុទ្រធម្មជាតិពិតៗ ដើម្បីបង្អួតភ្នែក អ្នក​ទេសចរ​រាប់​លាន​​នាក់​ក្នុង​មួយឆ្នាំៗ ជាមួយនឹងការទទួលបាន​លទ្ធផល​​យ៉ាង​គាប់​​ប្រសើរ​បំផុត ដោយការបំបែកឯតទគ្គកម្មជាប់កំណត់ត្រា ពិភព​លោក​រហូត​ដល់​ទៅ 5នៅ​ក្នុង​ពេល​តែមួយ។

ឧទ្យានទឹកដ៏ធំ និងល្បីឈ្មោះជាងគេពាស់ពេញសាកលលោក របស់ប្រទេសចិន​ ឈ្មោះ ជីមីឡុង អូស៊ាន ឃីងដឹម (Chimelong Ocean Kingdom) ស្ថិតក្នុងទឹកដីដ៏ចំណាស់ នៃខេត្តគ័ងតុង​ (Guang Tong) បានចំណាយពេលសាងសង់អស់រយៈពេល 3ឆ្នាំ ដោយស្ថាបត្យករ និង​វិស្វករ​ជំនាញៗ ប្រកបដោយ​បច្ចេកវិទ្យាខ្ពស់បំផុត និងត្រូវបានបើកសម្ពោធ​បម្រើ​វិស័យទេសចរណ៍ កាលពីថ្ងៃទី29 ខែមីនា ឆ្នាំ2014 កន្លងទៅ ដែលគិត​មក​​ទល់​​នឹងពេលនេះ ទើបតែមាន​រយៈពេលប្រមាណជិត 1ឆ្នាំប៉ុណ្ណោះ ប៉ុន្តែបានទទួលការ​ស្វាគមន៍ ពីសំណាក់អ្នកទស្សនារាប់លាននាក់ ជាពិសេស​បាន​ផ្តល់​កិត្តិយស សម្រាប់ប្រទេសចិន​ទាំងមូល​ដោយការ​បំបែបឯតទគ្គកម្មពិភពលោក រហូតដល់ទៅ​ចំនួន 5​ក្នុងពេល​តែមួយថែមទៀតផង។ ទី1 ជាឧទ្យានបាតសមុទ្រដ៏ធំជាងគេ ក្នុងពិភពលោក, ទី2 ជាអាងទឹកដែលធំជាងគេ ក្នុងពិភពលោក, ទី3 ជាផ្ទាំង​ទស្សនីយភាពយ៉ាងធំ និង​ស្រស់​ស្អាត​បំផុត, ទី4 ជាឧទ្យានទឹកមានបង្អួចធំជាងគេ និងទី5 ជាអាងទឹកមានច្រកឆ្លងកាត់ក្នុងទឹកធំជាងគេ នៅក្នុងពិភពលោក។

ជាមួយនឹងទិដ្ឋភាពយ៉ាងរស់រវើក នៃពិភពបាតសមុទ្រ ដែលអ្នកទេសចរទាំងឡាយអាចឈរ ឬអង្គុយគយគន់សកម្មភាព និងភាព​ខុស​គ្នា​នៃ​របៀបរបប ​ក្នុង​ការរស់នៅរវាងមនុស្ស និងពពួកសត្វក្នុងសមុទ្រដូចជា ពពួកត្រីឆ្លាម បាឡែន បបែល និងហ្វូងត្រីតូចធំចម្រុះរាប់រយប្រភេទទៀត លម្អ​បន្ថែម ដោយរុក្ខជាតិ​ក្នុងទឹកចម្រុះពណ៌ តាមរយៈផ្ទាំងកញ្ចក់ដ៏ធំ​មហិមា ដែលអាចធានាសុវត្ថិភាព ប្រកបដោយ​ផាសុកភាព​ខ្ពស់​លំដាប់​ពិភព​លោក​។ បន្ថែមពីនេះ អ្នកទេសចរក៏អាច​មាន​ឱកាសទស្សនា ដោយផ្ទាល់នូវការ​សម្ដែង​សៀក​ដោយសត្វសមុទ្រ និងអ្នកជំនាញយ៉ាង​អស្ចារ្យគួរ​ជាទី​ស្ញប់​ស្ញែងបំផុត៕

ChimelongOceanKingdom-04

ChimelongOceanKingdom-05

ChimelongOceanKingdom-03

ChimelongOceanKingdom-06

ChimelongOceanKingdom-07

អត្ថបទអ្នកចង់អាន

៤ រមណីយដ្ឋាន ក្នុងសហរដ្ឋ ដែលអ្នកទេសចរមិនគួររំលង

ដោយ: ស. លីង 6 PM, Friday, 07 Apr, 2017

អាមេរិកជាប្រទេសមហាអំណាចមួយ សម្បូរទៅដោយរមណីយដ្ឋានធម្មជាតិ និងសិប្បនិម្មិត គួរឲ្យទាក់ទាញជាច្រើន។ ក្នុងចំណោមរមណីយដ្ឋានធម្មជាតិទាំងឡាយ មានរមណីយដ្ឋានធម្...

ល្បាក់ខោន សម្រស់ដុំមាស ជាយដែន

ដោយ: ស៊ីវងីម 10 PM, Friday, 22 Apr, 2016

តើអ្នកណាខ្លះចូលចិត្តគយគន់ សម្រស់ទឹកជ្រោះធម្មជាតិ? លើកដៃហើយមែនទេ តោះយើងទៅស្គាល់ល្បាក់ខោន ឬជ្រោះសុភមិត្រ ដែលនៅឯព្រំដែនប្រទេសកម្ពុជា និងឡាវជាមួយគ្នា! ...

កន្លែងទាំង 10 នៅប្រទេសនូវែលសេឡង់ បើបានទៅហើយ ដឹងតែមិនខកបំណងទេ

ដោយ: ភារុន 9 AM, Monday, 17 Dec, 2018

ដំណើរកម្សាន្តទៅកាន់ ប្រទេសនូវែលសេឡង់ (New Zealand) ជាកន្លែងដែលមនុស្សជាច្រើនប្រាថ្នាចង់ទៅលេង។ ប្រសិនបើអ្នកមានគម្រោងនឹងធ្វើដំណើរទៅកាន់ ប្រទេសនូវែលសេឡ...

រូបថតកន្លែងស្អាតៗ ដូចឋានសួគ៌ទាំង 10 ដែលអ្នកមិនជឿថាមាននៅលើផែនដី នៅក្នុងនោះក៏មានខ្មែរយើងមួយផងដែរ!

ដោយ: ភារុន 8 AM, Wednesday, 15 May, 2019

នៅលើភពផែនដីយើងនេះ គឺស្រស់ស្អាត និងពោរពេញដោយភាពអស្ចារ្យ ទាំងកន្លែងដែលគេទើបតែរកឃើញថ្មីៗ និងកន្លែងដែលមានប្រជាប្រិយភាពផ្សេងៗទៀត នៅលើពិភពលោក។ ហើយវាពិតជា...

Tomnerb.Com - YouTube Channel