ចូលចិត្តទំនើប

ទស្សនាតំបន់ពិសេស របស់ក្រុងកូឡាឡាំពួរ

ដោយ: ដាលីស 9 PM, Friday, 05 Jun, 2015

កូឡាឡាំពួរ គឺជាទីក្រុងដ៏ស្រស់ស្អាតមួយ ដែលស្ថិតនៅក្នុង​ក្រសែភ្នែក បណ្តាភ្ញៀវទេសចរចម្រុះជាតិសាសន៍ នៅលើសាកលលោក ហើយ​ក៏​ជាក្រុង ​ដែល​ធំជាងគេបំផុត ​ប្រៀបបានទៅនឹងបេះដូងរបស់ប្រទេស ម៉ាឡេស៊ី ផងដែរ។ ជាមួយគ្នានេះ ទីក្រុងកូឡាឡាំពួរ ដែលពោរពេញទៅ​ដោយ​រូប​សម្រស់ ស្រស់ឆើតឆាយ​លម្អ​ទៅ​ដោយផ្លូវកាត់ខ្វាត់ខ្វែង និង​តួអគារ​ខ្ពស់ៗ ស្កឹមស្កៃឈរបង្ហាញរាង ក្នុង​នាមជា​មជ្ឈមណ្ឌល​ពាណិជ្ជកម្ម​លំដាប់​​កំពូល ​របស់ពិភពលោកនោះ បានផ្ដល់នូវរសជាតិ​ជីវិតថ្មី ដល់បណ្តាភ្ញៀវទេសចរ​ តាមរយៈនៃការបង្ហាញពីវប្បធម៌ដ៏យូរលង់ រួមផ្សំនឹងភាពរួស​រាយ​រាក់​ទាក់របស់ប្រជាពលរដ្ឋ ក៏ដូចជាបានភ្លក្សអាហារបែប​ប្រពៃណី ​នៃ​ជនជាតិ​ភាគតិច​​ប្រចាំតំបន់ ជាពិសេសសម្បូរទៅដោយតំបន់​កម្សាន្ត​ជាច្រើន​កន្លែង​តែម្ដង។ ខាងក្រោមនេះ គឺជាតំបន់ពិសេសៗ របស់ទីក្រុងកូឡាឡាំពួរ ដែលអ្នកទេសចរទាំងអស់តែងតែទៅកម្សាន្ត ដើម្បីស្វែងយល់ពី​ប្រទេសម៉ាឡេស៊ី៖

មជ្ឈមណ្ឌលពាណិជ្ជកម្ម ប៊ឺចាយ៉ា ថែមស៍

ប៊ឺចាយ៉ា ថែមស៍ គឺជាមណ្ឌលពាណិជ្ជកម្មដ៏ធំមួយ ក្នុងចំណោមតំបន់ពាណិជ្ជកម្មឯទៀត នៃប្រទេសម៉ាឡេស៊ី។ នៅទីនេះ គេសង្កេត​ឃើញ​មាន​អគារធំៗ ខ្ពស់ៗ រហូតជាង10ជាន់ ស្ថិតនៅលើផ្ទៃដីទំហំ 700, 000ម៉ែត្រការ៉េ ហើយក្នុងនោះរួមមានដូចជា ការិយាល័យធ្វើការ​នៃ​ក្រុម​ហ៊ុន​ឯក​ជន ផ្សារទំនើប អាហារដ្ឋាន ភោជនីយដ្ឋាន និងសណ្ឋាគារលំដាប់ផ្កាយ5។

Berjaya-01

Berjaya-02

ប៉មអគារភ្លោះ ប៉េត្រូណាស់

ប៉េត្រូណាស់ គឺជាអគារភ្លោះដ៏ធំ ខ្ពស់ស្កឹមស្កៃដែលមានកម្ពស់ រហូតដល់ 170ម៉ែត្រ និងមានស្ពាន​ឆ្លងពីតួ​អគារ​មួយ​ទៅ​កាន់តួអគារ​មួយ​ទៀត ហើយក៏​ជាប់ចំណាត់ថ្នាក់ជាស្ពាន 2ជាន់ ដែលខ្ពស់ជាងគេបំផុតក្នុងពិភពលោកផងដែរ។ នៅទីនេះ ត្រូវបានគេដាក់បម្រាម​យ៉ាងម៉ត់ចត់​ចំពោះ​អ្នកខ្លាចទីខ្ពស់ មិនអនុញ្ញាតឱ្យឡើងនោះឡើយ ប៉ុន្តែបើចំពោះអ្នកមានភាពក្លាហានមិនញញើត ជាមួយអគារដ៏ខ្ពស់សន្លឹមមួយនេះ នឹងបាន​ទស្សនា​ពីទិដ្ឋភាពដ៏ស្រស់ស្អាត នៃទីក្រុងកូឡា​ឡាំពួរ​ទាំងមូល ជាពិសេសសម្រស់នាពេលរាត្រី ដែលពោរពេញទៅដោយ​ពន្លឺភ្លើងពណ៌​ចម្រុះ នៅ​តាម​អគារ​នានាក្នុងតំបន់។

Berjaya-06

Berjaya-04

រូងភ្នំបាទូ

រូងភ្នំបាទូ គឺជាទីសក្ការៈដ៏ពិសិដ្ឋសម្រាប់ពលរដ្ឋ ដែលកាន់សាសនាហិណ្ឌូ ដែលរស់នៅក្នុងប្រទេសម៉ាឡេស៊ី ខណៈដែលអ្នកទាំងនោះ​សុទ្ធ​តែមាន​ជំនឿ​ជឿជាក់ថា រូងភ្នំបាទូ ជាកន្លែងដែលមានឫទ្ធិបារមីពូកែស័ក្តិសិទ្ធិបំផុត ហើយជារៀងរាល់ឆ្នាំនៅពេលចូលដល់វេលា​កំណត់ អ្នក​មាន​​ជំនឿរាប់ម៉ឺននាក់ តែង​នាំ​គ្នាមកប្រារព្ធពិធីតាមទំនៀបទម្លាប់ នៅទីនេះមិនដែលខាន។ ដោយឡែកសម្រាប់លោកអ្នក ដែលចង់ឡើង​ទៅ​ទស្សនា​​រូងភ្នំបែបអច្ឆរិយមួយនេះ ត្រូវធ្វើដំណើរ​ដោយថ្មើរជើង តាមជណ្ដើរថ្មចំនួន272កាំ។ លុះក្រោយពេលឡើងទៅដល់​គោលដៅ នឹង​បាន​ឃើញ​ពី​ភាពអស្ចារ្យជាច្រើន ដែលក្រៅពីមានរូងភ្នំធំៗចំនួន 3 រូងភ្នំ​តូចៗរាប់សិបកន្លែង ថែមទាំងបានទស្សនារូបចម្លាក់​យ៉ាង​ស្អេក​ស្កះ​ ក្នុង​លក្ខណៈ​បែប​សាសនា​ហិណ្ឌូ។

Berjaya-08

Berjaya-09

ឧទ្យានសត្វស្លាបខេអិល

ស្ថិតនៅជាប់នឹងប្រភពទឹកដ៏សែនត្រជាក់ ហ៊ុំព័ទ្ធជុំវិញទៅដោយដើមរុក្ខជាតិតូចធំចម្រុះគ្នា ឧទ្យានសួនសត្វស្លាបខេអិល បានផ្ទុកទៅ​ដោយ​សត្វ​ស្លាបជាច្រើនប្រមាណជាង 200ប្រភេទ ដែលភាគច្រើនជាពូជបក្សីដ៏កម្រ ជាមួយនឹងទីជម្រកបែបធម្មជាតិរបស់ពពួកសត្វ ដែលត្រូវបាន​រៀប​ចំ​ឡើងជា 4តំបន់ក្នុង​ឧទ្យានតែមួយ ដែលក្នុងនោះមាន3តំបន់ផ្តល់នូវភាពងាយស្រួល ដល់ពពួកសត្វហោះហើរដោយសេរី ហើយមួយតំបន់​ទៀត​​ត្រូវបានគេរៀបចំឱ្យនៅក្នុងទ្រុង។ ដោយឡែកសម្រាប់ភ្ញៀវទេសចរអាចធ្វើដំណើរទស្សនា​ បានដោយការជិះ​រថភ្លើង​ធនតូច ដើម្បី​គយគន់​ទិដ្ឋភាព និងការរស់នៅរបស់ពពួកសត្វ ឬអាចដើរដោយ​ថ្មើរជើង ក៏បាន ជាមួយនឹងការកាន់ហុចចំណីទៅកាន់សត្វស្លាប ដោយផ្ទាល់ដៃក៏បាន៕

Berjaya-13

Berjaya-14

អត្ថបទអ្នកចង់អាន

រឿងចម្លែកៗទាំង 10 នៅក្នុងប្រទេសកូរ៉េខាងត្បូង ដែលធ្វើឱ្យភ្ញាក់ផ្អើល ដល់អ្នកដំណើរលើកទីមួយ

ដោយ: ភារុន 8 AM, Wednesday, 15 May, 2019

ប្រទេសកូរ៉េខាងត្បូង គឺជាប្រទេសមួយដែលមានវប្បធម៌តែមួយគត់ ខុសប្លែកគ្នាពីប្រទេសជាច្រើនទៀត នៅក្នុងតំបន់អាស៊ី។ ហើយក៏បានបញ្ចូលគ្នារវាងបច្ចេកវិទ្យាទំនើប និ...

ទេសភាពនារដូវរងា ដ៏ស្រស់ស្អាតបំផុតទាំង៥ នៅអាស៊ី

ដោយ: ដួងច័ន្ទ 12 AM, Monday, 19 Dec, 2016

ចំពោះអ្នកដែលចូលចិត្តរដូវរងា ប្រាកដជាទន្ទឹងពេលវេលាមួយ ដែលអាចទៅលេងទីកន្លែង ដែលត្រជាក់និងពោរពេញដោយព្រិលទឹកកក។ ហេតុនេះទើប ទំនើប សូមណែនាំជូននូវកន្លែងដ៏ស...

ពិពណ៏ទេសចរណ៍កម្ពុជា២០១៨ CATA Travel Fair

ដោយ: ទំនើប 8 AM, Friday, 13 Jul, 2018

សមាគមទីភ្នាក់ងារទេសចរណ៍កម្ពុជា (CATA) បានរៀបចំព្រឹត្តិការណ៍តាំងពិព័រណ៍ទេសចរណ៍ ជាលើកដំបូង ដែលពុំធ្លាប់មាន ដែលនឹងប្រព្រឹត្តិទៅ ចាប់ពីថ្ងៃទី ២០ ដល់ថ្...

ថ្ងៃសម្រាកខាងមុខ ទៅលេងកោះរ៉ុង និងកោះរ៉ុងសន្លឹម ដែរទេ?

ដោយ: ស៊ីវងីម 8 AM, Tuesday, 02 Oct, 2018

នៅក្នុងខែតុលាខាងមុខនេះ មានថ្ងៃសម្រាកជាច្រើននឹងចូលមកដល់។ តើលោកអ្នកមានគម្រោងទៅលេងឯណាដែរ? តើធ្លាប់បានទៅលេងកោះរ៉ុង និងកោះរ៉ុងសន្លឹមហើយឬនៅ? ថ្ងៃនេះ ទំនើ...

Tomnerb.Com - YouTube Channel