ចូលចិត្តទំនើប

គន្លឹះទាំង 5 សម្រាប់ការជិះកង់ លើផ្លូវនៅជនបទ

ដោយ: ដួងច័ន្ទ 7 PM, Tuesday, 02 Jan, 2018

ការជិះកង់លើស្ថានភាពផ្លូវក្នុងក្រុង និងនៅតាមទីជនបទ មានលក្ខណៈខុសគ្នា ដែលទាមទារនូវគន្លឹះ សំខាន់ៗ ដើម្បីធ្វើដំណើរប្រកបដោយសុវត្ថិភាព ផាសុកភាព និងភាពរីករាយ។ អត្ថបទខាងក្រោម នេះ ទំនើប នឹងបង្ហាញអ្នកពីតិចនិច សម្រាប់ការធ្វើដំណើរដោយជិះកង់ នៅលើផ្លូវនៅទីជនបទ។ ចង់ដឹងថាមានវិធីសាស្រ្តអ្វីខ្លះ សូមស្វែងយល់ទាំងអស់គ្នា។

កុំរំពឹងថា អ្នកបើកបរយានយន្ត មើលអ្នកឃើញ
ចរាចរណ៍នៅក្នុងទីក្រុង មានផ្លូវកៅស៊ូ និងមានអ្នកបើកបរប្រកបដោយការប្រុងប្រយ័ត្ន មានន័យថាគន្លឹះសុវត្ថិភាពសម្រាប់អ្នកជិះកង់ គឺប្រើប្រាស់គន្លងផ្លូវចរាចរណ៍ឱ្យបានត្រឹមត្រូវ។ ប៉ុន្តែនៅពេលអ្នក ធ្វើដំណើរទៅដល់ទីជនបទ ទីកន្លែងសុវត្ថិភាពសម្រាប់អ្នក គឺនៅគៀនផ្លូវ។ ផ្លូវនៅតាមទីជនបទទាម ទារឱ្យអ្នកមានការប្រុងប្រយ័ត្នខ្ពស់ និងត្រូវបើកបរគេចពីយានយន្តនានា នៅលើដងផ្លូវ ទោះបីអ្នកស្ថិត នៅគន្លងត្រឹមត្រូវក្តី។

មើលក្រោយខ្នង
អ្នកត្រូវក្រឡេកមើលទៅក្រោយខ្នងអ្នក ឱ្យបានញឹកញាប់នៅពេលអ្នកជិះកង់ទៅផ្លូវឆ្ងាយ ផ្លូវប្រសព្វ និងផ្លូវដែលងាយបង្កគ្រោះថ្នាក់។ និយាយជារួម គឺផ្តោតការប្រុងប្រយ័ត្នគ្រប់ជំហាន។ នៅទីជនបទ ភាគច្រើនកើតឡើងនូវគ្រោះថ្នាក់រវាងរថយន្ត និងកង់។ ភាគច្រើននៃគ្រោះថ្នាក់កើតឡើងនៅពេល រថយន្តបើកហួសអ្នកជិះកង់ បន្ថយល្បឿនបត់ ហើយឆ្ពោះទៅរកគន្លងផ្លូវអ្នកជិះកង់ នៅគែមផ្លូវធ្វើដំណើរ។

tips-for-rural-road-cycling_tourist_attraction_cambodia_tomnerb-01

ជៀសវាងជិះកង់ សម្តៅថ្ងៃលិច
អ្នកជិះកង់ត្រូវពិនិត្យឱ្យបានច្បាស់លាស់អំពីខ្យល់ និងពន្លឺថ្ងៃ ដើម្បីជ្រើសរើសផ្លូវធ្វើដំណើរដ៏សមស្រប តាមដែលអាចធ្វើបាន។ ទង្វើនេះលើសពីការចង់បាន ការធ្វើដំណើរដ៏រីករាយ។ ការជិះកង់សម្តៅ ទិសដៅព្រះអាទិត្យ ធ្វើឱ្យអ្នកបើកបរយានយន្ត មិនអាចមើលអ្នកឃើញឡើយ។ បើសិនជាអ្នកគ្មានជម្រើស ក្រៅពីបើកបរទៅទិសខាងលិច អ្នកគួរព្យាយាមជ្រើសយកផ្លូវស្របតាមទិសខ្យល់។ នៅពេលព្រះអាទិត្យស្ថិតនៅពីក្រោយខ្នងអ្នក ស្របពេលអ្នកធ្វើដំណើរ អ្នកត្រូវចង់ចាំថា អ្នកបើកបរនៅលើផ្លូវ នៅខាងមុខអ្នក ពិបាកក្នុងការមើលឃើញអ្នក។

ប្រុងប្រយ័ត្ន ចំពោះចរាចរណ៍នៅចំពោះមុខ
អ្នកបើកបរវ៉ាហួសអ្នកជិះកង់ ជារឿយៗតែងបង្កើនល្បឿន នៅគន្លងផ្លូវបញ្ច្រាសទិសគ្នា ដោយមិនបានពិនិត្យមើលគន្លងផ្លូវអ្នកជិះកង់ទេ។ ស្រដៀងគ្នានេះ អ្នកគួរពិចារណានៅពេលអ្នកបង្កើនល្បឿន ធាក់កង់ ដែលតម្រូវឱ្យអ្នកចូលខុសគន្លងផ្លូវ ដែលអាចនឹងប្រឈមជាមួយយានយន្តដទៃ ដែលបង្កើន ល្បឿនដូចគ្នា។

សំចតនៅទីតាំង ដែលងាយនឹងមើលឃើញ
អ្នកជិះកង់រមែងឈប់សំចត នៅពេលពួកគេទទួលទានទឹក ហត់អស់កម្លាំង ឬនិយាយទូរសព្ទ។ ប៉ុន្តែ អ្នកគួររងចាំរហូតដល់អ្នកទៅដល់ទីតាំង ដែលមានសុវត្ថិភាព ឆ្ងាយពីផ្លូវកែង ឬផ្លូវចុះចំណោត មុនពេលអ្នកធ្វើអ្វីមួយ ដែលរំខានដល់ការផ្តោតអារម្មណ៍របស់អ្នក។

សរុបរួមមក គន្លឹះនៃការជិះកង់នៅតាមផ្លូវនៅទីជនបទ ប្រកបដោយសុវត្ថិភាព ទាមទារឱ្យអ្នកផ្តោតអារម្មណ៍ និងការយកចិត្ត ទុកដាក់ខ្ពស់ យល់អធ្យាស្រ័យគ្នានៅពេលធ្វើដំណើរលើដងផ្លូវ និងគោរពច្បាប់ចរាចរណ៍៕

tips-for-rural-road-cycling_tourist_attraction_cambodia_tomnerb-02

tips-for-rural-road-cycling_tourist_attraction_cambodia_tomnerb-03

ប្រភព: bicycling ផ្នែក: ដើរកម្សាន្ត, ដើរទិញ, ដើរ​ញ៊ាំ

អត្ថបទអ្នកចង់អាន

ទីកន្លែងទាំង 9 សក្តិសមសម្រាប់ការអានសៀវភៅ

ដោយ: ដួងច័ន្ទ 8 AM, Tuesday, 21 Aug, 2018

វិស្សមកាលគឺជាពេលវេលាដ៏ពិសេសសម្រាប់សម្រាកលំហែ មិនថាវាជាការដើរកំសាន្តទៅទីជិត ឬទីឆ្ងាយ។ ការអានសៀវភៅជួយបន្ថែមរសជាតិ ដ៏ពិសេសសម្រាប់ពេលវិស្សមកាល។ នៅក្នុង...

ចូលឆ្នាំថ្មីបីថ្ងៃ មានគម្រោងធ្វើអ្វីខ្លះ?

ដោយ: ដួងច័ន្ទ 11 PM, Monday, 17 Apr, 2017

ពិធីបុណ្យចូលឆ្នាំប្រពៃណីខ្មែរ ជាពិធីបុណ្យដ៏ធំមួយ ក្នុងចំណោមពិធីបុណ្យជាតិរបស់ខ្មែរយើង ហើយ ពេលវេលាឈប់សម្រាក ដ៏សប្បាយរីករាយនេះ បានមកដល់ហើយ។ តើអ្នកមានគ...

ភោជនីយដ្ឋានម្ហូបបួសដ៏ល្អបំផុតទាំង 10 នៅរាជធានីភ្នំពេញ

ដោយ: ភារុន 4 PM, Friday, 30 Nov, 2018

សម្រាប់អ្នកចូលចិត្តភ្លក់មុខម្ហូបប្លែកៗឆ្ងាញ់ៗនៅក្នុងទីក្រុងភ្នំពេញច្បាស់ជាមិនមានការខកបំណងទេ ពីព្រោះនាពេលសព្វថ្ងៃនេះនៅភ្នំពេញមានជម្រើសមុខម្ហូបជាច្រើ...

ម៉ូដគេហដ្ឋាន ដ៏ស្រស់ស្អាតទាំង 5 នៅហាវ៉ៃ

ដោយ: ដួងច័ន្ទ 7 PM, Tuesday, 30 Jan, 2018

លក្ខណៈភូមិសាស្រ្តជាតំបន់ភ្នំភ្លើង របស់រដ្ឋហាវ៉ៃនៃសហរដ្ឋអាមេរិក គឺជាតំបន់ភូមិសាស្រ្តដ៏ពិសេស ដែលផ្តល់នូវសំណង់គេហដ្ឋាន មានលក្ខណៈពិសេសខុសពីរដ្ឋដទៃទៀត។ ...

Tomnerb.Com - YouTube Channel