ចូលចិត្តទំនើប

ការច្នៃម៉ូដអគារ យកគំរូតាមចង្កៀងគោម ចិនបូរាណ

ដោយ: ដួងច័ន្ទ 12 PM, Wednesday, 01 Nov, 2017

អគារការិយាល័យចំនួនបី មានកម្ពស់ខ្ពស់ជាងគេ ដែលក្រុមហ៊ុន Skidmore Owing & Merrill (SOM) បានបញ្ចប់ការសាងសង់ នៅក្នុងទីក្រុងប៉េកាំង មានរចនាជាម៉ូដគ្រោងឆ្អឹងផុសឡើងមកក្រៅ យកគំរូ តាមម៉ូដចង្កៀងគោមក្រដាសរបស់ចិនបូរាណ។

ការច្នៃម៉ូដអគារ មានស្រទាប់ផ្នែកខាងក្រៅនៃអគារ SOM’s Poly International Plaza បង្កើតបាន ជារបាំងការពារកម្តៅជុំវិញទីតាំងការិយាល័យ ដែលស្ថិតនៅកៀកនឹងស្រទាប់ទីពីរនៃកញ្ចក់ផ្នែកខាងក្នុង។ នេះជាប្លង់អគារកម្ពស់ 31 ជាន់ និងមានអគារពីរអមសងខាង គឺជាទម្រង់ប្លង់អគាររាងពងក្រពើខុសពីប្រក្រតី។

Latticed-shell-of-som_tourist_attraction_cambodia_tomnerb-01

សំណង់អគារការិយាល័យនេះផុសឡើង ក្នុងតំបន់អាជីវកម្មថ្មី ស្ថិតនៅចំកណ្តាលដងផ្លូវពីអាកាសយានដ្ឋាន Beijing Capital Airport និងតំបន់ប្រវិត្តសាស្រ្ត The Forbidden City។ ការច្នៃម៉ូដអគារនេះ បានទុកឱ្យមានចន្លោះរវាងទម្រង់អគាររាងសំបុកឃ្មុំ នៃឆ្អឹងផ្នែកខាងក្រៅ និងទីតាំងខាងក្នុង អគារ ដែលអនុញ្ញាតឱ្យខ្យល់ចេញចូល ក៏ដូចជាបង្កើតជាទីតាំងភ្ជាប់ពីមួយជាន់ទៅមួយជាន់។

Latticed-shell-of-som_tourist_attraction_cambodia_tomnerb-03

លោក Leo Chow ដៃគូច្នៃម៉ូដអគារបាននិយាយថា «ស្របពេលដែលយើងលើកឡើង ពីទស្សនៈទម្រង់អគាររាងពងក្រពើ ដែលនឹងលេចឡើងយ៉ាងសមសួន លើទីតាំងភូមិសាស្រ្តមួយនេះ និងស្រប ពេលយើងចាប់ផ្តើមបង្ហាញពីតម្រូវការ នៃការសាងសង់អគារក្នុងទម្រង់បែបនេះ យើងក៏បាននឹកឃើញ ដល់រូបសញ្ញាបូរាណដ៏លេចធ្លោនៃចង្កៀងគោម ដែលដាក់ព្យួរនៅខាងក្រៅទ្វារ ដើរតួនាទីជាសញ្ញានៃ ការស្វាគមន៍ និងស្រូបយកសំណាងល្អ។ វាហាក់ដូចជាសក្តិសមសម្រាប់ទីតាំងអគារ ដែលស្ថិតនៅក្បែរ Capitol Airport Expressway និងមានទីតាំងនៅជិត សម្រាប់អ្នកដំណើរទាំងអស់ ដែលបានមកដល់ទីក្រុងប៉េកាំង តាមរយៈអាកាសយានដ្ឋាន។ ចំណុចដ៏គួរឱ្យចាប់អារម្មណ៍ គឺនៅពេលដែល សមាជិកក្រុមការងារបានមូរក្រដាស ដើម្បីធ្វើការបកស្រាយពីធរណីមាត្ររបស់អគារ យើងបានស្វែងយល់ឃើញថា វាបានលេចឡើងជាលក្ខណៈធម្មជាតិ សម្រាប់ការបង្កើតម៉ូដចុងក្រោយសម្រាប់អគារផ្ទៃខាងមុខ។ យើងបានដឹងច្បាស់ថាគំនិតនេះ មានសមត្ថភាពបង្ហាញយ៉ាងលេចធ្លោអំពីសំណង់អគារ និងរូបសញ្ញាជាតំណាង»។

Latticed-shell-of-som_tourist_attraction_cambodia_tomnerb-05

ក្រុមហ៊ុនស្ថាបត្យកម្ម ដែលមានទីតាំងស្ថិតនៅក្នុងទីក្រុង San Francisco បានប្រើប្រាស់សមាសភាពផ្សំដែលប្រើប្រាស់បានយូរឆ្នាំ ដើម្បីបង្កើតជាការទទួលបានពន្លឺថ្ងៃពេញលេញ និងទីតាំងអគារ ការិយាល័យធំទូលាយ។ ផ្ទាំងកញ្ចក់នៅផ្នែកខាងមុខអគារ អាចឱ្យអ្នកធ្វើការនៅខាងក្នុងមើលឃើញ សួនច្បារ និងផ្លូវនៅព័ទ្ធជុំវិញអគារ Poly International Plaza ដែលគ្របដណ្តប់ពីលើជណ្តើរ និងកន្លែងចំណតរថយន្តនៅក្រោមដី។

Latticed-shell-of-som_tourist_attraction_cambodia_tomnerb-06

ក្រុមហ៊ុន SOM ទទួលបានភាពល្បីល្បាញលើការងារវិស្វកម្ម ជាក្រុមហ៊ុនស្ថិតនៅលំដាប់ជួរមុខក្នុង ស្នាដៃស្ថាបត្យកម្ម គម្រោងសាងសង់ទីក្រុងទំនើប ដែលមានស្នាដៃកំពូលជាច្រើន។ កាលពីពេលថ្មីៗ នេះក្រុមហ៊ុន SOM បានឈ្នះការប្រកួត ច្នៃម៉ូដអគារខ្ពស់ៗ សម្រាប់ទីក្រុងកំពង់ផែ Colombo នៅក្នុងប្រទេសស្រីលង្ការ។ ក្រុមហ៊ុននេះក៏មានបង្ហាញគម្រោងសាងសង់ភូមិដ្ឋាន Vertical Village លើផ្ទៃដី 16 ហិចតាក្នុងទីក្រុងបាងកក ប្រទេសថៃ ដែលនឹងមានសំណង់គេហដ្ឋាន ហាងទំនិញ សណ្ឋាគារ និងការិយាល័យ សម្រាប់មនុស្សប្រមាណ 60,000 នាក់៕

Latticed-shell-of-som_tourist_attraction_cambodia_tomnerb-07

អត្ថបទអ្នកចង់អាន

សោភណ្ឌភាពទីក្រុងតូចៗ នៅអឺរ៉ុប

ដោយ: ដួងច័ន្ទ 3 PM, Saturday, 30 Sep, 2017

អត្ថបទជាច្រើនបានបកស្រាយ អំពីទេសភាពដ៏ស្រស់ស្អាតនៅក្នុងតំបន់អឺរ៉ុប ទាំងនៅក្នុងទីក្រុងធំៗ តំបន់ទេសចរណ៍ ឆ្នេរសមុទ្រជាដើម។ ប៉ុន្តែ ថ្ងៃនេះ គេហទំព័រទំនើប...

តោះ! មកស្គាល់ 10 អាហារ ដែលធ្វើឱ្យរាងកាយរបស់អ្នក មានក្លិនក្រអូប

ដោយ: ភារុន 4 PM, Friday, 10 May, 2019

តើអ្នកធ្លាប់មានអារម្មណ៍មិនសូវស្រណុកខ្លួន ដោយសារតែរាងកាយរបស់អ្នកមានក្លិនមិនល្អដែរឬទេ? ការមានក្លិនខ្លួនមិនល្អ អាចធ្វើឱ្យអ្នកទទួលបានបទពិសោធន៍ នៃភាពអាម...

ម៉ូដគេហដ្ឋាន ដ៏ស្រស់ស្អាតទាំង 5 នៅហាវ៉ៃ

ដោយ: ដួងច័ន្ទ 7 PM, Tuesday, 30 Jan, 2018

លក្ខណៈភូមិសាស្រ្តជាតំបន់ភ្នំភ្លើង របស់រដ្ឋហាវ៉ៃនៃសហរដ្ឋអាមេរិក គឺជាតំបន់ភូមិសាស្រ្តដ៏ពិសេស ដែលផ្តល់នូវសំណង់គេហដ្ឋាន មានលក្ខណៈពិសេសខុសពីរដ្ឋដទៃទៀត។ ...

រូបថត 10 សន្លឹកដ៏អស្ចារ្យបង្ហាញពីទេសភាព នៅក្នុងប្រទេសអ៊ីស្លង់ ឃើញហើយធានា ថាគេងស្រមៃចង់ទៅហ្មង!

ដោយ: ភារុន 9 AM, Thursday, 07 Feb, 2019

ប្រទេស អ៊ីស្លង់ (ឈ្មោះជាផ្លូវការគឺ សាធារណរដ្ឋ អ៊ីស្លង់) គឺជាប្រទេសដីកោះ Nordic ស្ថិតនៅចន្លោះតំបន់ អាត្លង់ទិកខាងជើង និងតំបន់មហាសមុទ្រអាកទិក។ ប្រទេសន...

Tomnerb.Com - YouTube Channel