ចូលចិត្តទំនើប

ZBooks របស់ HP ជាមួយ Intel Core i9

ដោយ: ដួងច័ន្ទ 8 AM, Monday, 22 Oct, 2018

រយៈពេលមិនយូរប៉ុន្មានទេដែលក្រុមហ៊ុន HP បានបញ្ចេញលក់កុំព្យូទ័រយួរដៃម៉ូដែល ZBooks x360 ប៉ុន្តែក្រុមហ៊ុនបានផ្តល់នូវការផ្លាស់ប្តូរ និងផ្តល់នូវឧបករណ៍ដទៃទៀតនៅក្នុងស្រឡាយផលិតផលនេះ ដែលទទួលបានការកែសម្រួលកាន់តែប្រសើរសម្រាប់ប្រព័ន្ធ Hardware។

ផលិតផល Studio x360 ព្រមជាមួយក្រុមហ៊ុនដៃគូដូចជា ZBook Studio, ZBook 15 និង ZBook 17 នឹងចេញលក់ជាមួយនឹងប្រព័ន្ធប្រតិបត្តិការជំនាន់ទី 8 Six-Core Intel i9 និងមានឃ្លាំងស្តុកទិន្នន័យប្រភេទ Mirrored SSD។

ក្រុមហ៊ុន HP បាននិយាយថា បន្ទះឈីបថ្មី នឹងធ្វើឱ្យ Laptop ដំណើរការកាន់តែខ្លាំងជាមួយនឹងការបំពេញការងារធ្ងន់ៗ ដូចជាការកែវីដេអូ និង 3D Rendering ជាដើម។ បន្ថែមលើនេះ HP ក៏បានផ្តល់ឱ្យផលិតផលម៉ូដែល Studio និង Studio x360 នូវមុខងារក្រាហ្វិចកាន់តែខ្លាំង ដោយធ្វើការជំនួសកាតក្រាហ្វិចចាស់ជាមួយនឹង NVIDIA Quadro P2000។

ម៉ូដែល Bendable x360 នឹងផ្តល់នូវជម្រើសអេក្រង់ Anti-Glare Touchscreen ក៏ដូចជាជម្រើសអេក្រង់ម៉្យាងដែលក្រុមហ៊ុន HP បកស្រាយថា មានពន្លឺភ្លឺជាងអេក្រង់របស់ Apple MacBook Pro 15 inch Retina រហូតដល់ 20% និងមានពន្លឺភ្លឺជាងអេក្រង់ Dell XPS UltraSharp 4K រហូតដល់ 50%។

ព្រមជាមួយគ្នានេះ Laptop ម៉ូដែល ZBook 15 និង ZBook 17 នឹងចេញលក់ជាមួយនឹង RAM មានទំហំ 128GB ចាប់ផ្តើមពីខែធ្នូនេះតទៅ។ លោក Xavier Garcia អនុប្រធានក្រុមហ៊ុន និងជាប្រធានគ្រប់គ្រងទូទៅផ្នែកផលិតផល Z របស់ក្រុមហ៊ុន HP បានរៀបរាប់ថាក្រុមហ៊ុនបានទទួលស្តាប់អំពីតម្រូវការ នៃការច្នៃប្រឌិតពីអ្នកជំនាញ ដែលមានតម្រូវការបង្កើនទិន្នផលផលិតផលរបស់ពួកគេ និងការច្នៃបង្កើតនានា គ្រប់ពេល និងគ្រប់ទីកន្លែងដែលមានការជះឥទ្ធិពលខ្លាំង។

ក្រុមហ៊ុន HP ក៏បានប្រកាសអំពី Z Club ដែលជាកញ្ចប់សេវាកម្ម និងការជួសជុល Hardware បង់ថ្លៃប្រចាំខែ បង្កើតឡើងក្នុងគោលបំណងផ្តល់នូវការ Update ជាប្រចាំ។ ក្រុមហ៊ុនបច្ចេកវិទ្យាដ៏ធំមួយនេះនឹងជ្រើសរើសយកអ្នកជំនាញច្នៃប្រឌិតបច្ចេកវិទ្យា 100 នាក់ ដើម្បីទទួលយកកញ្ចប់ សេវាកម្មថ្មីនេះទៅប្រើប្រាស់ ដែលមិនត្រឹមតែរួមបញ្ចូលកុំព្យូទ័រប៉ុណ្ណោះទេ ប៉ុន្តែវាក៏រួមបញ្ចូលទាំងអេក្រង់ ម៉ាស៊ីនព្រីន ឧបករណ៍ប្រើប្រាស់អមជាមួយកុំព្យូទ័រ និងកម្មវិធីនានា។ អ្នកចុះឈ្មោះប្រើប្រាស់ Z Club អាចរីករាយជាមួយកញ្ចប់សេវាកម្មឥតគិតថ្លៃរយៈពេល 3 ខែ បន្ទាប់ពីនេះពួកគេអាចជ្រើសរើសផ្ញើវាត្រឡប់មនវិញ ឬទូទាត់ថ្លៃសេវាកម្មប្រចាំខែ។

សម្រាប់អ្នកដែលចង់សាកល្បងប្រើប្រាស់សេវាកម្ម Z Club អាចចុះឈ្មោះប្រើប្រាស់សេវាកម្មក្នុងចំណោមមនុស្ស 100 នាក់នោះ តាមរយៈគេហទំព័ររបស់ក្រុមហ៊ុន HP។ ប៉ុន្តែសម្រាប់អ្នកដែលទិញតែ ZBooks មួយមុខ អាចចូលទៅក្នុងគេហទំព័ររបស់ក្រុមហ៊ុន HP សម្រាប់ការស្វែងរកឧបករណ៍នានាសម្រាប់ដំណើរការរួមគ្នាបាន។ Laptop ម៉ូដែល Studio x360 នឹងចេញលក់ក្នុងតម្លៃ $1,499 ខណៈដែលតម្លៃសម្រាប់ ZBook Studio, ZBook 15 និង ZBook 17 ចេញលក់ក្នុងតម្លៃ $1,349។

ប្រភព: engadget ផ្នែក: បច្ចេកវិទ្យា, កុំព្យូទ័រ

អត្ថបទអ្នកចង់អាន

កំពូលស្មាតហ្វូន ប្រចាំឆ្នាំ 2014

ដោយ: ដាលីស 10 PM, Sunday, 26 Apr, 2015

ក្នុងអំឡុងឆ្នាំ2014កន្លងមកនេះ មានស្មាតហ្វូនជាច្រើនម៉ាកបានបង្ហាញខ្លួនឡើង ព្រមជាមួយសមត្ថភាព និង​តិច​ណូឡូជីពិសេសៗជាច្រើន ដើម្បីសាងនូវភាពខុសប្លែកពីគូប្...

ម៉ាសពាក់ភ្នែក នៅពេលគេង នឹងដាស់អ្នកពីដំណេក នៅពេលព្រះអាទិត្យរះ

ដោយ: ដួងច័ន្ទ 8 PM, Sunday, 23 Apr, 2017

ក្រោកពីដំណេកនៅពេលព្រឹក គឺជារឿងដ៏ពិបាកមួយ ហើយការភ្ញាក់ពីគេង ដោយសារនាឡិការោទិ៍ដ៏គួរឱ្យធុញទ្រាន់ ជាពិសេសពេលអ្នកគេងមិនបានគ្រប់គ្រាន់ កាន់តែអាក្រក់ថែមទៀ...

Pancake Lens គឺជាអ្វី?

ដោយ: ដួងច័ន្ទ 8 AM, Saturday, 16 Mar, 2019

Pancake Lens ទទួលបានឈ្មោះនេះចេញពីតួ Lens ដ៏រាបស្មើ និងមានកម្រាស់ស្តើង។ វាត្រូវបានផលិតឡើង ដើម្បីលៀនចេញពីតួកាមេរ៉ាបានកាន់តែតិច តាមដែលអាចធ្វើបាន ដូច្ន...

Galaxy Fold នឹងចេញលក់ ក្នុងចំនួនមានកំណត់

ដោយ: ដួងច័ន្ទ 9 AM, Thursday, 07 Mar, 2019

ក្រុមហ៊ុន Samsung មានគម្រោងរៀបចំព្រឹត្តិការណ៍សន្និសីទមួយទៀតនៅដើមខែមេសា សម្រាប់បង្ហាញផលិតផលទូរសព្ទបត់រមូររបស់ខ្លួន។ ក្រុមហ៊ុនផលិតទូរសព្ទ Galaxy Fold...

Tomnerb.Com - YouTube Channel