ចូលចិត្តទំនើប

ទូរសព្ទ Mi CC ផលិតផលឡើងសម្រាប់យុវវ័យ

ដោយ: ដួងច័ន្ទ 11 AM, Monday, 01 Jul, 2019

ក្រុមហ៊ុនផលិតទូរសព្ទរបស់ចិន Xiaomi ថ្មីៗនេះកំពុងជួបប្រទះនឹងបញ្ហាក្នុងការលក់ផលិតផលទូរសព្ទដៃ ដូច្នេះហើយបានជាពេលនេះក្រុមហ៊ុននេះកំពុងផ្សព្វផ្សាយការផ្តល់ជូនថ្មីរបស់ក្រុមហ៊ុន ដែលផ្តោតសំខាន់ចំពោះក្រុមអតិថិជន ជ្រើសរើសជាពិសេស។


នៅក្នុងករណីនេះ ក្រុមហ៊ុន Xiaomi កំពុងផ្តោតគោលដៅលើមនុស្សវ័យក្មេង ជាមួយនឹងការបញ្ចេញលក់ទូរសព្ទថ្មី ម៉ូដែល Mi CC ដែលជាស៊េរីទូរសព្ទ Smartphone ថ្មី មានគោលបំណង ប្រែក្លាយខ្លួនឱ្យទៅជានិន្នាការទូរសព្ទចល័តថ្មី សម្រាប់យុវវ័យនៅជុំវិញពិភពលោក។ ម៉ូដែល Mi CC ជាពាក្យកាត់នៃពាក្យ Camera+Camera សម្តៅលើទូរសព្ទដៃជំនាន់ថ្មី ដែលមានបណ្តុំកាមេរ៉ាភ្លោះ។ នេះអាចជាសញ្ញាបង្ហាញថាក្រុមហ៊ុន Xiaomi សង្ឃឹមថានឹងអាចទាក់ទាញចំណាប់អារម្មណ៍យុវវ័យ ដោយធ្វើការជំរុញបច្ចេកវិទ្យាថតរូប ទៅក្នុងផលិតផលនាពេលអនាគត។ ព័ត៌មានលម្អិតនានាពុំទាន់ត្រូវបានបង្ហាញនៅឡើយទេ ប៉ុន្តែទូរសព្ទថ្មីនេះនឹងមានបំពាក់កាមេរ៉ា ទាំងខាងមុខ និងខាងក្រោយ បន្ថែមជាមួយបច្ចេកវិទ្យាថ្មីដែលកំពុងឈានមុខនៅក្នុងវិស័យទូរសព្ទចល័ត ដែលទទួលបានការគាំទ្រដោយមន្ទីរពិសោធន៍ AI Beauty Lab ដែលទើបនឹងបានបង្កើតថ្មីរួមគ្នារវាង Xiaomi និង Meitu។

ដើម្បីផលិតផលស៊េរីទូរសព្ទថ្មីមួយនេះ ក្រុមហ៊ុន Xiaomi បានជួលក្រុមការងារផលិតវ័យក្មេងមួយក្រុម ដែលក្នុងនោះមានសមាជិកពាក់កណ្តាលមានជំនាញផ្នែកសិល្បៈ។ នេះជាវិធីសាស្រ្តដ៏ប្លែកមួយនៅក្នុងវិស័យមួយដែលគ្របដណ្តប់ដោយនិសិ្សតដែលបញ្ចប់ការសិក្សានៅក្នុងវិស័យវិទ្យាសាស្រ្ត បច្ចេកវិទ្យា វិស្វកម្ម និងគណិតវិទ្យា (STEM)។


ផលិតផលដទៃទៀតនៅក្នុងស្រឡាយម៉ូដេល Mi រួមមានទូរសព្ទម៉ូដែល Mi 9 ដែលជាទូរសព្ទមានតម្លៃសមរម្យ និងទូរសព្ទម៉ូដែល Mi Mix 3។ ចំណែកទូរសព្ទម៉ូដែល Redmi ត្រូវបានបង្វែរចេញទៅក្នុងម៉ាកសញ្ញាផ្ទាល់ខ្លួនដាច់ដោយឡែក។

កន្លងមកនេះមានមតិរិះគន់មួយចំនួនបានលើកឡើងថា ឈ្មោះផលិតផលរបស់ក្រុមហ៊ុន Xiaomi មានលក្ខណៈស្មុគស្មាញ និងភ័ន្តច្រឡំ ប៉ុន្តែនាយកប្រតិបត្តិក្រុមហ៊ុន លោក Lei Jun បានលើកឡើងថា ការបញ្ចេញផលិតផលថ្មីនេះ គឺជាផ្នែកមួយនៃការបញ្ជាក់ច្បាស់អំពីភាពខុសគ្នានៃម៉ាកសញ្ញាជាច្រើននៅក្នុងស្រឡាយផលិតផលរបស់ក្រុមហ៊ុន៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

Samsung កំពុងស្រាវជ្រាវទូរសព្ទ ដែលអាចអានបាតដៃ

ដោយ: ដួងច័ន្ទ 10 PM, Tuesday, 19 Dec, 2017

អ្នកអាចទទួលបានការណែនាំ ឬតម្រុយនៃពាក្យសម្ងាត់របស់អ្នក ដោយពុំចាំបាច់មានសញ្ញាបញ្ជាក់ច្បាស់លាស់។ ជាទូទៅអ្នកតែងតែងាយ នឹងភ្លេចពីពាក្យសម្ងាត់របស់អ្នក ហើយអ...

Laptop ថ្មីរបស់ HP មានថាមពលថ្មរហូតដល់ 22 ម៉ោង

ដោយ: ដួងច័ន្ទ 1 PM, Friday, 02 Nov, 2018

ជាថ្មីម្តងទៀតក្រុមហ៊ុន HP បានបញ្ចេញលក់ផលិតផលកុំព្យូទ័រយួរដៃម៉ូដែល Spectre x360 ប្រភេទ Convertible Laptop ប៉ុន្តែពេលនេះមានផ្តល់នូវការសន្យាបំលាស់ប្តូ...

អត្ថប្រយោជន៍ទ្វេដង សន្សំសំចៃរហូតដល់ 70% ជាមួយនឹងម៉ាស៊ីនត្រជាក់ LG dual inverter compressor ជំនាន់ថ្មី

ដោយ: ទំនើប 11 PM, Saturday, 13 Jan, 2018

1. អត្ថប្រយោជន៏សម្រាប់អ្នកប្រើប្រាស់សន្សំសំចៃថាមពលបាន 70%ជាមួយនិងបច្ចេកវិទ្យា Dual Cool របស់ LG លោកអ្នកអាចសន្សំសំចៃការចំនាយទៅលើអគ្គីសនីរហូតដល់ទៅ 70...

Galaxy S10 5G ជិតចេញលក់នៅកូរ៉េហើយ

ដោយ: ដួងច័ន្ទ 2 PM, Thursday, 04 Apr, 2019

ទូរសព្ទ 5G របស់ក្រុមហ៊ុន Samsung នឹងបង្ហាញវត្តមាននៅក្នុងទីផ្សារនៅក្នុងប្រទេសកូរ៉េខាងត្បូងនៅថ្ងៃទី 05 ខែមេសា ឆាប់ៗខាងមុខនេះហើយ។ ការបញ្ចេញលក់ម៉ូដែល S...

Tomnerb.Com - YouTube Channel