ចូលចិត្តទំនើប

Xiaomi Redmi Note 7 មានកាមេរ៉ា 48MP

ដោយ: ដួងច័ន្ទ 10 AM, Sunday, 13 Jan, 2019

កាលពីចុងឆ្នាំមុន ប្រធានក្រុមហ៊ុន Xiaomi លោក Lin Bin បានបង្ហើបពីម៉ូដែលទូរសព្ទដៃជំនាន់ថ្មី ដែលនឹងបំពាក់ជាមួយកាមេរ៉ាទំហំ 48 Megapixel ហើយនៅថ្ងៃនេះ ក្រុមហ៊ុនបានបង្ហាញរូបរាងរបស់វាពេញលេញហើយ។
ក្រៅពីលក្ខណៈពិសេសដ៏ទាក់ទាញ វាគឺជាទូរសព្ទដៃដែលត្រូវបានផលិតឡើងជ្រកក្រោមស្រឡាយផលិតផលទូរសព្ទកម្រិតដំបូង Redmi ដែលមានឈ្មោះថា Redmi Note 7។

ការរចនារូបរាងដ៏ស្រស់ស្អាត ធ្វើឱ្យទូរសព្ទថ្មីនេះមានសណ្ឋានស្រដៀងនឹងទូរសព្ទតម្លៃទាប មានទំហំតូចម៉ូដែល Mi Play ដែលបានប្រកាសកាលពីប៉ុន្មានសប្តាហ៍មុន ជាមួយនឹងអេក្រង់មាន Notch ខាងរង្វង់ មានផ្ទាំងខាងក្រោយមានពណ៌ចម្រុះប្រដេញគ្នា មាន Fingerprint Sensor បំពាក់នៅពីក្រោយ និងមានកាមេរ៉ាក្រោយភ្លោះមួយគូ ដែលក្នុងចំណោមនោះកាមេរ៉ាមួយគ្រឿង មានបំពាក់ Sensor ទំហំ 48 megapixel និងមាន Lens ប្រភេទ f/1.8 ហើយកាមេរ៉ាមួយគ្រឿងទៀតមានទំហំ 5 megapixel និងប្រើប្រាស់សម្រាប់ Depth Information។
កាមេរ៉ានេះអាចចាប់យករូបភាពជាមួយ 48 million tiny 0.8-micron Pixel នៅក្នុងពន្លឺសមរម្យ ឬធ្វើការរួមបញ្ចូល Pixel ដើម្បីទទួលបានរូបថតកម្រិត 12 megapixel ដែលត្រូវបានចាប់យកជាមួយនឹង 1.6-micro Pixel។ Sensor នេះមានទំហំធំជាងអ្វីដែលតែងតែប្រើប្រាស់នៅលើទូរសព្ទ Smartphone បន្តិច ដែលគួរតែអាចផ្តល់ឱ្យវានូវសមត្ថភាពប្រមូលពន្លឺបានកាន់តែខ្លាំង។ ប្រាកដណាស់ថា Hardware គ្រាន់តែជាចំណែកពាក់កណ្តាលនៃកាមេរ៉ានៅលើទូរសព្ទប៉ុណ្ណោះ ដូច្នេះយើងត្រូវរងចាំមើលពីសមត្ថភាពពិតប្រាកដរបស់វា នៅពេលអនុវត្តជាក់ស្តែងថាតើវាដំណើរការយ៉ាងដូចម្តេច។

លក្ខណៈពិសេសដទៃទៀតរបស់ Redmi Note 7 មានដូចជា អេក្រង់ទំហំ 6.3 inch 19.5:9 ជាប្រភេទអេក្រង់ 1080p មានប្រព័ន្ធប្រតិបត្តិការ Snapdragon 660 មានកាមេរ៉ា Selfie ទំហំ 13 megapixel មានថ្មកម្លាំង 4,000mAh ប្រើប្រាស់ឧបករណ៍សាកថ្ម USB-C និងមានរន្ធដោតកាសស្តាប់មួយ។
កាលពីសប្តាហ៍មុន លោក Lei Jun នាយកប្រតិបត្តិរបស់ Xiaomi បានប្រកាសថា ម៉ូដែល Redmi នាពេលនេះអាចប្រតិបត្តិការក្នុងនាមជាម៉ាកសញ្ញាឯករាជ្យ ដោយផ្តោតលើប្រព័ន្ធ E-Commerce និងប្រសិទ្ធភាពតម្លៃ ដែលអាចឱ្យក្រុមហ៊ុនធ្វើការផ្តោតការយកចិត្តទុកដាក់លើការផលិតទូរសព្ទកម្រិតមធ្យម និងខ្ពស់បាន។ ពីមុន ទូរសព្ទ Redmi ទទួលបានប្រជាប្រិយភាពយ៉ាងខ្លាំងនៅក្នុងប្រទេសឥណ្ឌា ប៉ុន្តែរហូតមកទល់ពេលនេះ Xiaomi មិនទាន់បានបង្ហាញថាវាជាផលិតផលរបស់ក្រុមហ៊ុនទេ។ ប៉ុន្តែនាពេលនេះ ម៉ូដែល Note 7 មានបង្កប់ស្លាកសញ្ញាថ្មី នៅខាងក្រោយ សរសេរថា Redmi by Xiaomi។

Redmi Note 7 នឹងចាប់ផ្តើមលក់ក្នុងតម្លៃ $150 សម្រាប់ម៉ូដែលមាន RAM ទំហំ 3GB និងមានឃ្លាំងផ្ទុកទិន្នន័យទំហំ 32GB និងកើនតម្លៃរហូតដល់ $200 សម្រាប់ម៉ូដែលមាន RAM ទំហំ 6GB និងមានឃ្លាំងផ្ទុកទិន្នន័យទំហំ 64GB។
លោក Lei បានធ្វើការប្រៀបធៀបទូរសព្ទ Note 7 ទៅនឹងទូរសព្ទ 2 ម៉ូដែលផ្សេងទៀត ដែលមានកាមេរ៉ាទំហំ 48 megapixel គឺទូរសព្ទ Honor View 20 និង Huawei Nova 4។

ទូរសព្ទ Redmi Note 7 នឹងមានវត្តមាននៅក្នុងប្រទេសចិនជាបឋម ប៉ុន្តែវាក៏អាចបង្ហាញវត្តមាននៅក្នុងប្រទេសឥណ្ឌាផងដែរ និងទីផ្សារដទៃទៀតក្នុងពេលបន្តបន្ទាប់៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

Apple កំពុងច្នៃប្រឌិត Smart Watch តាមដានចង្វាក់បេះដូង

ដោយ: ដួងច័ន្ទ 6 PM, Wednesday, 27 Sep, 2017

ក្រុមហ៊ុន Apple កំពុងធ្វើតេស្តសាកល្បង នាឡិកា Apple Watch ដែលមានសមត្ថភាពតាមដាន ភាពប្រក្រតីនៃចង្វាក់បេះដូង។ ក្រុមហ៊ុនកំពុងដំណើរការសាកល្បង ដោយសហការជាម...

ចង់ដឹងពីវិធីប្រើប្រាស់ Nametag នៅលើ Instagram ទេ?

ដោយ: ដួងច័ន្ទ 4 PM, Friday, 30 Nov, 2018

នាពេលនេះ អ្នកកាន់តែមានភាពងាយស្រួលក្នុងការ Follow នរណាម្នាក់ដែលអ្នកបានឃើញនៅលើ Instagram។ អ្នកមិនចាំបាច់ធ្វើការសន្ទនា ឬប្រើប្រាស់តួអក្សរឡើយ។ ជាមួយមុខ...

ម៉ាស៊ីនត្រជាក់ LG Dual Inverter 2018 សន្សំសំចៃអគ្គីសនី 70% និងបច្ចេកវិទ្យាថែរក្សាស្បែក

ដោយ: ទំនើប 10 PM, Friday, 16 Mar, 2018

នៅក្នុងឆ្នាំ2018នេះLGបាននាំមកនូវម៉ាសុីនត្រជាក់សេ៊រីថ្មីរបស់ខ្លួន ដែលមានបច្ចេកវិទ្យាទំនើបទាន់សម័យ និងមុខងារពិសេសៗជាច្រើន ដែលស្របទៅនឹងតំរូវការរបស់អ្ន...

LG GWatch នឹងមាន Version ដាក់ស៊ីមកាត 3G?

ដោយ: ដាលីស 2 PM, Monday, 13 Apr, 2015

បន្ទាប់ពីខាង LG បានព្រលែងរូបភាពបង្អួត និង Specification ចេញមកខ្លះហើយនោះ សម្រាប់នាឡិកា LG GWatch មើលទៅហាក់ដូចជាទទួលបានការស្វាគមន៍ពីបណ្តាអ្នកប្រើប្រា...

Tomnerb.Com - YouTube Channel