ចូលចិត្តទំនើប

Xiaomi ពន្យល់ពីបច្ចេកវិទ្យាកាមេរ៉ាថ្មី

ដោយ: ដួងច័ន្ទ 8 AM, Tuesday, 11 Jun, 2019

ការប្រកួតប្រជែងនៅក្នុងសង្គ្រាមការរចនា Notch នៅលើទូរសព្ទ Smartphone បានក្លាយជារឿងរ៉ាវអតីតកាលយ៉ាងឆាប់រហ័ស ដោយក្នុងនោះមានក្រុមហ៊ុនជាច្រើន ដូចជា Oppo និង Xiaomi ជាដើម បានកំពុងចាប់ផ្តើមធ្វើការលើបច្ចេកវិទ្យាកាមេរ៉ាអេក្រង់ថ្លា ដែលលាក់បង្កប់ Sensor នៅពីក្រោមផ្ទៃអេក្រង់ ដែលមិនទាមទារឱ្យមាន Notch នោះទេ។

តាមរយៈគេហទំព័រ DPReview បានឱ្យដឹងថា ថ្ងៃនេះ លោក Wang Xiang អនុប្រធានជាន់ខ្ពស់ក្រុមហ៊ុន Xiaomi បានបង្ហោះនៅក្នុង Tweeter ជាច្រើនទំព័រ ដែលពន្យល់កាន់តែច្បាស់អំពីវិធីសាស្រ្តដែលមុខងារថ្មីនេះដំណើរការ។ សម្រាប់ការអនុវត្តមុខងារថ្មីនេះរបស់ក្រុមហ៊ុន Xiaomi ពន្យល់ថា កាមេរ៉ាត្រូវបានបង្កប់នៅក្នុងចំណុចកំពូលនៃតួទូរសព្ទ ដូចប្រក្រតី។ ប៉ុន្តែជំនួសឱ្យការដាក់របងព័ទ្ធជុំវិញ (Notch) ឬការកាត់ប្រឡោះមួយនៅក្នុងផ្ទៃអេក្រង់ (Hole-Punch Display) កាមេរ៉ានោះត្រូវបានគ្របដណ្តប់ដោយ កញ្ចក់ដែលមានកម្រិតចំណាំងផ្លាតដ៏ទាប ជាមួយនឹងកម្រិតបញ្ជូនទិន្នន័យដ៏ខ្ពស់។

ក្រុមហ៊ុន Xiaomi បានរៀបរាប់ថា ការតំឡើងថ្មីនេះ អនុញ្ញាតឱ្យទីកន្លែងនៃផ្ទៃអេក្រង់កាន់តែមានភាពថ្លាច្បាស់ សម្រាប់ការថតរូប ហើយអេក្រង់ថ្លានោះ អាចបំពេញមុខងារឆ្លាតវៃមួយផ្សេងទៀត ក្នុងនាមជា Lens របស់កាមេរ៉ា។ ក្រុមហ៊ុនក៏បានកត់សម្គាល់ឱ្យដឹងថា ដោយពុំចាំបាច់ព្យាយាមធ្វើឱ្យកាមេរ៉ាបង្រួមកាន់តែតូច ប្រព័ន្ធអេក្រង់ថ្លា អនុញ្ញាតឱ្យមាន Sensor កាន់តែធំមួយ និងទទួលបានរូបភាពមានគុណភាពកាន់តែប្រសើរឡើង ជាង Notch ប្រភេទ Teardrop ដែលកំពុងដំណើរការនៅក្នុងទីផ្សារនាពេលបច្ចុប្បន្ន។
វាមិនទាន់បង្ហាញថាវាជាប្រព័ន្ធបច្ចេកវិទ្យាថ្មីដែលល្អឥតខ្ចោះនៅឡើយទេ។ នៅក្នុងការបង្ហាញរបស់ក្រុមហ៊ុន យើងនៅតែអាចឃើញ Outline ស្រាលៗចេញពី Lens របស់កាមេរ៉ា ដែលបង្កប់នៅពីក្រោមអេក្រង់ ប៉ុន្តែយ៉ាងហោចណាស់ វាជាកន្លែងដែលអាចប្រើប្រាស់បាននៅលើផ្ទៃអេក្រង់ ជំនួសឱ្យ កន្លែងមួយដែលត្រូវគ្របដណ្តប់ទាំងស្រុងដោយ Notch។  ប្រៀបធៀបជាមួយនឹងដំណោះស្រាយលុបបំបាត់ Notch ដទៃទៀត ដូចជា Pop-Up Lenses ឬ កាមេរ៉ាវិលត្រឡប់ នៅក្នុងនបច្ចេកវិទ្យាថ្មីនេះមិនមានផ្នែកណាមួយត្រូវធ្វើចលនា ដែលត្រូវព្រួយបារម្ភទេ។

អ្វីដែលយើងត្រូវការនាពេលនេះ គឺទូរសព្ទមួយគ្រឿងដែលប្រើប្រាស់បច្ចេកវិទ្យាកាមេរ៉ាថ្មី។ អ្វីដែលក្រុមហ៊ុន Xiaomi កំពុងចង់បង្ហាញនាពេលនេះ គឺក្រុមហ៊ុនបច្ចុប្បន្នកំពុងរុករកលទ្ធភាពថ្មី។ យើងដឹងហើយថា ក្រុមហ៊ុនមួយនេះតែងតែចូលចិត្តសាកល្បងបទពិសោធន៍ថ្មីៗនៅលើទូរសព្ទ Smartphone ដែលជាកត្តាជំរុញឱ្យមានទម្រង់ និងបច្ចេកវិទ្យាថ្មីៗ។

យើងសង្ឃឹមថានឹងបានឃើញអ្វីដែលថ្មី នៅក្នុងពេលឆាប់ៗខាងមុខនេះ៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

LG OLED TV នៅតែបន្តជាទូរទស្សន៏ឆ្នើម នៅក្នុងកម្មវិធី EISA AWARDS

ដោយ: ទំនើប 6 PM, Thursday, 24 Aug, 2017

ទូរទស្សន៍ LG OLED ត្រូវបានសមាគមន៏រូបភាព និងសំឡេងអ៊ឺរ៉ុប (EISA) អោយឈ្មោះថាជាទូរទស្សន៍ OLED ដ៏ល្អបំផុត នេះជាជ័យជម្នះ 5 ឆ្នាំជាប់គ្នាសម្រាប់បច្ចេកវិទ្...

CrossHelmet: មួកសុវត្ថិភាព ដ៏ឆ្លាតវៃ

ដោយ: ដួងច័ន្ទ 11 PM, Wednesday, 22 Nov, 2017

មួកសុវត្ថិភាព CrossHelmet គឺជាមួកសុវត្ថិភាព សម្រាប់ទោចក្រយានយន្តជំនាន់ថ្មី ដែលមានសមត្ថភាពគ្រប់គ្រងសម្លេង (Sound Control) និងអាចមើលឃើញបាន 360 ដឺក្រេ...

LG G5 SE មានវត្តមាននៅក្នុងទីផ្សារកម្ពុជាយេីងហេីយ!

ដោយ: ម៉ូនី 1 AM, Thursday, 16 Jun, 2016

ក្រុមហ៊ុន GGear ដែលជាក្រុមហ៊ុននាំចូលទូរស័ព្ទដៃ ម៉ាក LG ផ្ដាច់មុខនៅក្នុងប្រទេសកម្ពុជាបាននាំចូលទូរស័ព្ទដៃស្មាតហ្វូនស៊េរីថ្មី ក្រោយពីមានការទទឹ្ទមរងចាំ...

អស្ចារ្យ! នាឡិកាទាំងបីប្រភេទរបស់ LG update Android 2.0

ដោយ: ដួងច័ន្ទ 7 PM, Wednesday, 19 Apr, 2017

និយាយពីក្រុមហ៊ុន LG មិនត្រឹមតែផលិតសម្ភារប្រើប្រាស់ក្នុងផ្ទះ កុំព្យូទ័រ ទូរស័ព្ទប៉ុណ្ណោះទេ ក្រុមហ៊ុននេះនៅមានផលិតនាឡិកា ដោយប្រើប្រាស់បច្ចេកវិទ្យាទំនើ...

Tomnerb.Com - YouTube Channel