ចូលចិត្តទំនើប

ឧបករណ៍បញ្ចូលថាមពល Xiaomi ខ្លាំងមិនធម្មតា

ដោយ: ដួងច័ន្ទ 8 AM, Monday, 01 Apr, 2019

ក្រុមហ៊ុន Xiaomi បានផលិតឧបករណ៍សាកថ្មល្បឿនលឿនមួយគ្រឿង ដែលមានលទ្ធភាពអាចបញ្ចូលថាមពលទៅកាន់ទូរសព្ទ Smartphone មួយគ្រឿង ជាមួយនឹងកម្លាំងថាមពល 100W។

នៅក្នុងវីដេអូ ដែលបានបង្ហោះនៅលើគេហទំព័រ Weibo ដែលត្រូវបានកត់សម្គាល់ដោយក្រុមហ៊ុនXDA-Developers បានបង្ហាញអំពីទូរសព្ទដៃមួយគ្រឿងដែលមានថាមពល 4,000mAh កំពុងបញ្ចូលថាមពលពីកម្រិតសូន្យ ទៅ 100% ក្នុងរយៈពេល 17 នាទី។
ឧបករណ៍បញ្ចូលថាមពលមានល្បឿនលឿនជាងគេដែលយើងធ្លាប់បានធ្វើតេស្ត គឺឧបករណ៍ Super VOOC កម្លាំង 50W របស់ក្រុមហ៊ុន Oppo ត្រូវបានបង្ហាញថាអាចបញ្ចូលថ្មមានថាមពល 3,700mAh ឱ្យបាន 65% នៅក្នុងថេរវេលាដូចគ្នា។

ក្រុមហ៊ុន Xiaomi មិនបានបង្ហាញព័ត៌មានលម្អិតច្រើនជាងនេះទៀតទេ អំពីរបៀបដែលបច្ចេកវិទ្យាបញ្ចូលថាមពលល្បឿនថ្មីនេះដំណើរការយ៉ាងដូចម្តេចទេ។ ទោះបីជាឧបករណ៍ភ្ជាប់ Type-C អាចគាំទ្រការបញ្ជូនថាមពលកម្លាំង 100W រួចហើយក្តី ប៉ុន្តែបញ្ហាប្រឈមសម្រាប់ការបញ្ជូនថាមពលក្នុងកម្រិតដ៏ធំបែបនេះ គឺការបញ្ជូនវាទៅក្នុងថ្មមានទំហំតូច ដោយពុំចាំបាច់ធ្វើឱ្យវាផ្ទុកលើសទម្ងន់ឡើយ។ ឧបករណ៍ Super VOOC របស់ក្រុមហ៊ុន Oppo អាចសម្រេចកត្តានេះបាន ដោយធ្វើការបែងចែកកម្លាំងថ្ម 3,400mAh ជាបណ្តុំថាមពលជាពីរចំណែកដាច់ដោយឡែកពីគ្នាមានកម្លាំងថាមពល 1,700mAh។

ក្រុមហ៊ុន Xiaomi ក៏មិនទាន់ប្រកាសអំពីថាតើម៉ូដែលទូរសព្ទដៃណាមួយនឹងមានបំពាក់បច្ចេកវិទ្យាថ្មីនេះនៅឡើយទេ។ ប៉ុន្តែ បើយើងធ្វើការពិចារណានៅលើវីដេអូ ដែលបានបង្ហោះដោយនាយកគ្រប់គ្រងទូទៅ នៃក្រុមហ៊ុន នៅក្នុងផ្នែកម៉ាកសញ្ញា Redmi គឺលោក Lu Weibing ទំនងដូចជាសមហេតុសមផលសម្រាប់ការសន្មត់ថាទូរសព្ទម៉ូដែល Redmi នឹងក្លាយជាទូរសព្ទមួយ ក្នុងចំណោមទូរសព្ទដំបូងដទៃទៀតដែលនឹងប្រើប្រាស់បច្ចេកវិទ្យាបញ្ចូលថាមពលល្បឿនលឿនថ្មីនេះ។

សំណួរតែមួយដែលនៅតែចោទឡើងនៅពេលនេះគឺ តើពេលណាទើបបច្ចេកវិទ្យាបញ្ចូលថាមពលល្បឿនលឿនថ្មីនេះ នឹងបង្ហាញវត្តមានជាផ្លូវការ៕

ប្រភព: theverge ផ្នែក: បច្ចេកវិទ្យា, Accessories

អត្ថបទអ្នកចង់អាន

គុណសម្បត្តិ និង គុណវិបត្តិនៃការធ្វើដំណើរ ដោយរថយន្ត

ដោយ: ដួងច័ន្ទ 10 PM, Friday, 13 Jan, 2017

ដំណើរកំសាន្ត គឺជាវិធីសាស្រ្តមួយ ក្នុងការកាត់បន្ថយភាពស្មុគស្មាញ ពីការបំពេញការងារ ឬការប្រកប របរចិញ្ចឹមជីវិតនានា។ អ្នកតែងតែចង់ដឹងពីមធ្យោបាយល្អបំផុត សម...

ឧបករណ៍ Smart Home អស្ចារ្យទាំង11

ដោយ: ដួងច័ន្ទ 7 AM, Friday, 18 Aug, 2017

ជាមួយនឹងកំណើនប្រជាប្រិយភាពផលិតផល ដូចជា Nest និង Amazon Echo ជាដើម នាំឱ្យឧប ករណ៍ Smart Home បានចាប់ផ្តើមរួមចំណែក ក្នុងទីផ្សារកាន់តែទូលំទូលាយ។ ស្របពេ...

កុំព្យូទ័រមានអេក្រង់ 4K OLED របស់ Dell ចេញលក់ហើយ

ដោយ: ដួងច័ន្ទ 8 AM, Saturday, 06 Jul, 2019

ផលិតផលកុំព្យូទ័រយួរដៃ ប្រភេទ 2-in-1ថ្មី ម៉ូដែល XPS 15 របស់ក្រុមហ៊ុន Dell សម្រាប់ឆ្នាំ 2019 មានដាក់លក់នៅក្នុងទីផ្សារហើយ។ ការផ្លាស់ប្តូរដ៏លេចធ្លោបំផុ...

កម្មវិធី Android សម្រាប់ក្មេងៗ

ដោយ: ដួងច័ន្ទ 9 PM, Monday, 15 Jan, 2018

ស្របពេលដែលបច្ចេកវិទ្យាមាន ការវិវត្តន៍ឥតឈប់ឈរ មាតាបិតាភាគច្រើនមានបំណងចង់ផ្តល់ Tablet ឱ្យទៅកូនៗរបស់ពួកគេ អនុញ្ញាតឱ្យក្មេងៗលេងកំសាន្តលើទូរសព្ទ Smartph...

Tomnerb.Com - YouTube Channel