ចូលចិត្តទំនើប

ឧបករណ៍គណនាលេខ នៅលើ Window 10 មានអ្វីថ្មី?

ដោយ: ដួងច័ន្ទ 8 AM, Tuesday, 26 Mar, 2019

ក្រុមហ៊ុន Microsoft កំពុងបន្ថែមមុខងារក្រាហ្វិចទៅក្នុងឧបករណ៍គណនាលេខនៅលើប្រព័ន្ធ Window 10។ ក្រុមហ៊ុនបានបង្កើតឧបករណ៍គណនាលេខ ក្នុងទម្រង់ Open-Sourced នៅលើ គេហទំព័រអភិវឌ្ឍន៍ Software មានឈ្មោះថា GitHub កាលពីដើមខែនេះ ហើយបានទទួលសំណូមពរជាច្រើន ចេញពីអ្នកចូលរួម ដែលករណីនេះត្រូវបានសង្កេតឃើញ និងដកស្រង់ដោយគេហទំព័រ ZDNet។

មុខងារក្រាហ្វិច គឺជាទម្រង់ Open-Sourced ដំបូងដែលត្រូវបានជ្រើសរើសចេញពីសំណូមពរទាំងនោះ។ វាជាគំនិតផ្តួចផ្តើមរបស់លោក Dave Grochocki ដែលជាវិស្វកររបស់ក្រុមហ៊ុន Microsoft ផ្ទាល់។ លោកបានលើកឡើងថា សិស្សានុសិស្សអាចប្រើប្រាស់មុខងារក្រាហ្វិចដើម្បីសិក្សាលើមុខវិជ្ជាពិជគណិត។ គាត់បានចង្អុលបង្ហាញថា មុខវិជ្ជាពិជគណិត គឺជាជំហានសម្រាប់ឈានឆ្ពោះទៅកាន់ការសិក្សាមុខវិជ្ជាគណិតវិទ្យាកាន់តែស៊ីជម្រៅ និងមុខវិជ្ជាវិទ្យាសាស្រ្តដទៃទៀត ក៏ដូចជាការសិក្សាអំពីវិស្វកម្មផងដែរ។ ប៉ុន្តែនេះក៏ជាមុខវិជ្ជាដែលសិស្សភាគច្រើនតែងតែធ្លាក់ ឬបរាជ័យដែរ។
កម្មវិធី App សម្រាប់ការគណនាលេខក្នុងកម្រិតមូលដ្ឋានជាច្រើនមិនមានមុខងារក្រាហ្វិចទេ ដូច្នេះបានជាឧបករណ៍គណនាលេខនៅក្នុងប្រព័ន្ធ Window 10 ប្រហែលជាអាចបោះជំហានមួយជំហាននាំមុខកម្មវិធីដទៃដែលជាដៃគូប្រជែងបាន។

សម្រាប់នាពេលនេះ មុខងារថ្មីនេះនៅតែស្ថិតនៅក្រោមដំណាក់កាលអភិវឌ្ឍន៍នៅឡើយទេ ប៉ុន្តែនៅក្នុងកំណត់ត្រារបស់ GitHub បានបង្ហាញថា អ្នកប្រើប្រាស់ទាំងអស់អាចនឹងមានលទ្ធភាពគូសក្រាហ្វិចជាទម្រង់បន្ទាត់ ទម្រង់ប្រអប់ជ្រុង និង សមីកានិទស្សន៍បានហើយ។
នេះជាការវិវត្តដ៏ប្រសើរមួយ ដែលនឹងក្លាយជាជំនួយការដ៏ល្អសម្រាប់ការសិក្សា។

វានឹងជួយឱ្យសិស្សានុសិស្សទទួលបានភាពងាយស្រួលក្នុងការសិក្សាមុខវិជ្ជាគណិតវិទ្យា ដែលជាមុខវិជ្ជាដ៏ពិបាកមួយ ប៉ុន្តែជាមុខវិជ្ជាដ៏សំខាន់៕

ប្រភព: theverge ផ្នែក: បច្ចេកវិទ្យា, កុំព្យូទ័រ

អត្ថបទអ្នកចង់អាន

MacBook ប្រើប្រាស់អេក្រង់ OLED នៅលើ Keyboard

ដោយ: ដួងច័ន្ទ 8 AM, Friday, 18 May, 2018

កាលពីឆ្នាំ 2016 ក្រុមហ៊ុន​ Lenovo បានចេញលក់ម៉ូដែល Laptop ដែលប្រើប្រាស់ Digital Sketchpad ជំនួសឱ្យ Keyboard មានគ្រាប់ចុច។ បច្ចេកវិទ្យាថ្មីនេះអាចប្រើ...

កាសត្រចៀក ដែលយកកុំព្យូទ័រ មកដាក់ក្នុងត្រចៀក

ដោយ: ដួងច័ន្ទ 9 PM, Wednesday, 17 May, 2017

សព្វថ្ងៃនេះកាស ត្រចៀកគ្មានខ្សែដើរតួនាទីយ៉ាងសំខាន់ សម្រាប់ការស្តាប់សម្លេងគ្រប់កម្រិត ឧទាហរណ៍ដូចជា AirPods របស់ក្រុមហ៊ុន Apple បានបំពេញតួនាទីដ៏ធំធេង ...

តោះ! មកស្គាល់ពី វិធីតភ្ជាប់ Mi Band ជាមួយនឹង Google Fit

ដោយ: ភារុន 9 AM, Saturday, 03 Aug, 2019

កម្មវិធី Mi Fit គឺជាកម្មវិធីមួយ ដែលមិនបង្ហាញពីកាឡូរីសរុប ដែលត្រូវបានដុត ក្នុងរយៈពេលមួយថ្ងៃ/សប្តាហ៍/ខែ នៅក្នុងរាងកាយរបស់អ្នកនោះទេ ប៉ុន្តែវាផ្តោតចំបង...

ឥឡូវនេះអ្នកអាចប្រើ Google Map នៅក្នុង CarPlay ជាមួយប្រព័ន្ធប្រតិបត្តិការ iOS 12 របស់ Apple បានហើយ

ដោយ: ភារុន 9 AM, Friday, 09 Nov, 2018

សព្វថ្ងៃនេះជាមួយប្រព័ន្ធប្រតិបត្តិការ iOS 12 ក្រុមហ៊ុន Apple បានបន្ថែមការផ្គត់ផ្គង់សម្រាប់សេវាកម្ម Google Map ដែលជាសេវាកម្មទី3 បន្ទាប់ពីដាក់វាបញ្ចូ...

Tomnerb.Com - YouTube Channel