ចូលចិត្តទំនើប

មូលហេតុអ្វី ដែលធ្វើឱ្យម៉ាស៊ីនបោកគក់របស់អ្នក លេចធ្លាយ?

ដោយ: ចរិយា 9 AM, Friday, 02 Aug, 2019

ប្រសិនបើអ្នកបានឃើញម៉ាស៊ីនបោកគក់របស់អ្នក បញ្ចេញសាប៊ូបោកគក់មកខាងក្រៅ នោះមានន័យថាម៉ាស៊ីនបោកគក់នេះប្រហែលជា មានការលេចធ្លាយត្រង់កន្លែងណាហើយ។ សំណាងល្អ ដែលការលេចធ្លាយនេះ គឺគ្រាន់តែត្រូវការជួសជុលបន្តិចបន្តួចប៉ុណ្ណោះ។ ប៉ុន្តែមិនថាតែហេតុផលអ្វី ដែលធ្វើឱ្យម៉ាស៊ីនបោកគក់របស់អ្នក លេចធ្លាយ អ្នកត្រូវចាំបាច់ប្រញាប់ប្រញាល់ជួសជុលភ្លាម មុនពេលការលេចធ្លាយនេះ បង្កជាបញ្ហាធំជាងនេះ។ ជាទូទៅ ការលេចធ្លាយនេះ បណ្តាលមកពីមូលហេតុម៉ាស៊ីនផ្នែកខាងមុខ ឬ ផ្នែកខាងលើ។ ដូច្នេះ គន្លឹះខាងក្រោមនេះនឹងជួយអ្នកកំណត់បញ្ហា និងបានចង្អុលបង្ហាញពីប្រភពនៃបញ្ហា លេចធ្លាយ ហើយក៏ធ្វើឱ្យអ្នកអាចជួសជុលម៉ាស៊ីនបោកគក់របស់អ្នកបានដោយខ្លួនឯង។

• ការលេចធ្លាយ នៅផ្នែកខាងលើ
ការលេចធ្លាយ បែបនេះគឺមកពីការផ្ទុកច្រើនពេក ដែលធ្វើឱ្យស្ទះការបញ្ចេញទឹក ហើយការស្ទះនេះ ក៏អាចកើតឡើងមកពីនៅក្នុងម៉ាស៊ីន មានជាតិសាប៊ូបោកសម្លៀកបំពាក់ច្រើនពេក។ ដូច្នេះ អ្នកត្រូវពិនិត្យមើល ដើម្បីប្រាកដថា អ្នកបានដាក់សម្លៀកបំពាក់នៅក្នុងបរិមាណមួយដ៏ត្រឹមត្រូវ បូករួមទាំងការដាក់សាប៊ូបោកសម្លៀកបំពាក់ផងដែរ។



• ការលេចធ្លាយ នៅផ្នែកខាងក្រោយ
ប្រសិនបើ ម៉ាស៊ីនបោកគក់របស់អ្នកនៅថ្មី នោះទំនងជាអ្នកអាចភ្លេចដកចេញនូវ ខ្ចៅរបស់ក្រុមហ៊ុនផលិត ដែលដោតជាប់នៅផ្នែកខាងក្រោយរបស់ម៉ាស៊ីនបោកគក់។ ម្យ៉ាងទៀត ការលេចធ្លាយ ពីផ្នែកខាងក្រោយ ក៏អាចបណ្តាលមកពីបំពង់បង្ហូរទឹកមិនមានសុវត្ថិភាពត្រឹមត្រូវ នៅខាងក្នុង។ ដូច្នេះ ប្រសិនបើឃើញមាន លេចធ្លាយនៅជុំវិញបំពង់បង្ហូរទឹក ខណៈពេលម៉ាស៊ីនបោកគក់កំពុងដំណើរការ ដល់វដ្តបង្វិល នោះមានន័យថាបំពង់បង្ហូរទឹកកំពុងស្ទះ ដែលបណ្តាលដំណើរការរបស់ម៉ាស៊ីនរអាក់រអួល ហើយក៏ធ្វើឱ្យហៀរទឹកចេញមកខាងក្រៅពាសពេញ។ មូលហេតុមួយទៀតនៃការលេចធ្លាយ នៅផ្នែកខាងក្រោយ គឺមកពីការតភ្ជាប់ មានភាពរលុង ដូច្នេះដើម្បីដោះស្រាយបញ្ហានេះ អ្នកត្រូវបិទចំណុចផ្គត់ផ្គង់ទឹក ហើយដកទុយោចេញ ហើយពិនិត្យមើលថាតើជ័របិទ មានសភាពល្អ ឬក៏ អត់? លើសពីនេះ បន្ទាប់ពីរឹតបន្តឹងការតភ្ជាប់នេះហើយ នៅតែមានការលេចធ្លាយនេះទៀត អ្នកគួរជំនួសទុយោថ្មីហើយ។


• ការលេចធ្លាយ នៅផ្នែកខាងក្រោម
ប្រសិនបើ អ្នកកត់សម្គាល់ឃើញថាមានការលេចធ្លាយ មកពីផ្នែកខាងក្រោម យើងសូមណែនាំអ្នក គួរតែទាក់ទងទៅជាងជួសជុលភ្លាមៗ។ ដោយសារតែ ការលេចធ្លាយនេះអាចធ្វើឱ្យម៉ូទ័ររបស់ម៉ាស៊ីនខូចបាន ដូច្នេះអ្នកគួរតែពិភាក្សាជាមួយនឹងជាងជួសជុលជំនាញ ទើបជាការប្រសើរ៕

ប្រភព: thespruce ផ្នែក: បច្ចេកវិទ្យា, Accessories

អត្ថបទអ្នកចង់អាន

Google ប្រើប្រាស់មុខងារ Voice Assistant ថ្មី

ដោយ: ដួងច័ន្ទ 3 PM, Wednesday, 18 Jul, 2018

ក្រុមហ៊ុន Google បាននឹងកំពុង Update សេវាកម្ម Assistant ថ្មី និងកម្មវិធី App លើទូរសព្ទដៃ ដែលនឹងចាត់ថ្នាក់ ពណ៌សម្រាប់ជម្រើសមុខងារបញ្ជារដោយសម្លេង Arti...

បែកធ្លាយរូបរាងអេក្រង់របស់ Galaxy S10

ដោយ: ដួងច័ន្ទ 9 AM, Tuesday, 08 Jan, 2019

ទូរសព្ទ Samsung Galaxy S10 ទំនងដូចជាបែកធ្លាយរូបរាងជាថ្មីម្តងទៀតហើយ ហើយពេលនេះ វាមិនត្រូវបានលាក់បាំងពីក្រោយរូបភាពក្លែងបន្លំទៀតឡើយ។ លោក Evan Blass ដែ...

មូលហេតុដែលអ្នកត្រូវការ Fossil Smartwatch

ដោយ: ដួងច័ន្ទ 10 PM, Monday, 01 Jan, 2018

តើអ្នកចង់ប្រើប្រាស់នាឡិកា Smarwatch តែអ្នកមិនចង់បាន Apple Watch មែនទេ? ដូច្នេះអ្នកអាចពិចារណាលើម៉ាកនាឡិកា Fossil ដែលមានពីរជម្រើសគឺ Q Explorist និង Q...

កាមេរ៉ាទំហំតូច តែមាន Lens ពង្រីកដ៏ធំ

ដោយ: ដួងច័ន្ទ 8 AM, Friday, 07 Sep, 2018

នាពេលបច្ចុប្បន្ន នៅក្នុងទីផ្សារមានកាមេរ៉ាដែលមានសមត្ថភាពពង្រីកធំៗ ប៉ុន្តែសម្រាប់កាមេរ៉ា Sony ម៉ូដែល HX99 និង HX95 ថ្មី អាចនឹងជាកាមេរ៉ាមានទំហំដ៏តូចបំ...

Tomnerb.Com - YouTube Channel