ចូលចិត្តទំនើប

បច្ចេកវិទ្យាសាកថ្មថ្មីពី Vivo កាន់តែខ្លាំង!

ដោយ: ដួងច័ន្ទ 9 AM, Tuesday, 25 Jun, 2019

បេក្ខភាពចូលរួមថ្មីមួយ បានបង្ហាញវត្តមាននៅក្នុងការប្រកួតប្រជែងផលិតផលទូរសព្ទរបស់ប្រទេសចិន ដែលមានបំពាក់បច្ចេកវិទ្យាបញ្ចូលថ្មល្បឿនលឿន (Ultra-Fast-Charging) នៅក្នុងថ្ងៃនេះ គឺនៅពេលដែលក្រុមហ៊ុន Vivo បានប្រកាសអំពីបច្ចេកវិទ្យា Super FlashCharge 120W របស់ក្រុមហ៊ុនផ្ទាល់។

នៅពេលនេះយើងមិនទាន់ទទួលបានព័ត៌មានលម្អិតអំពីដំណើរការរបស់បច្ចេកវិទ្យាថ្មីនេះនៅឡើយទេ ប៉ុន្តែក្រុមហ៊ុនបានអះអាងថា វាមានសមត្ថភាពបញ្ចូលថាមពលបានពេញទៅក្នុងថ្មទូរសព្ទមានកម្លាំង 4,000mAh នៅក្នុងរយៈពេលត្រឹមតែ 13 នាទី ដែលអាចធ្វើឱ្យវាក្លាយជាដំណោះស្រាយលឿនជាងគេនៅក្នុងទីផ្សារបច្ចេកវិទ្យាបញ្ចូលថាមពលនាពេលបច្ចុប្បន្ន បើសិនជាវាពិតជានឹងបង្ហាញវត្តមានពិតប្រាកដនៅលើផលិតផលទូរសព្ទដៃ។ អ្នកតំណាងរបស់ក្រុមហ៊ុន Vivo មិនបានឆ្លើយតបនឹងសំណើសុំព័ត៌មានលម្អិតបន្ថែមនោះទេ។

អ្នកគ្រប់គ្រងផ្នែកផលិតកម្មមួយរូបរបស់ក្រុមហ៊ុន Vivo បានបង្ហោះវីដេអូមួយនៅលើគេហទំព័រ Weibo ដែលបានបង្ហាញពីទូរសព្ទមួយគ្រឿងកំពុងបញ្ចូលថាមពលចាប់ពីរង្វង់ប្រមាណ 10-14% នៅក្នុងរយៈពេលប្រមាណ 16 វិនាទី តែវាមិនបានបង្ហាញអំពីការចូលទៅកៀកនឹងវដ្តនៃការបញ្ចូលថាមពលពេញលេញទេ។ ជោគជ័យខ្លាំងជាងគេរបស់ក្រុមហ៊ុន Vivo មកទល់ពេលបច្ចុប្បន្ន គឺបច្ចេកវិទ្យាបញ្ចូលថាមពលកម្រិត 44W នៅក្នុងទូរសព្ទហ្គេមម៉ូដែល iQOO ដែលមានបំពាក់ថ្មថាមពល 4,000mAh ដែលអាចឈានដល់កម្រិតថាមពលពេញលេញក្នុងរយៈពេល 45 នាទី។

គួររំលឹកផងដែរថា កាលពីខែមីនាកន្លងទៅ ក្រុមហ៊ុន Xiaomi បានប្រកាសពីប្រព័ន្ធបញ្ចូលថាមពល 100W ដែលអាចបញ្ចូលថាមពលទៅកាន់ថ្មកម្លាំង 4,000mAh នៅក្នុងរយៈពេល 17 នាទី តែយ៉ាងណាក្តីបច្ចេកវិទ្យានេះមិនទាន់បង្ហាញវត្តមាននៅក្នុងផលិតផលណាមួយនៅឡើយទេ។
ទូរសព្ទដៃ ដែលមានបច្ចេកវិទ្យាបញ្ចូលថាមពលល្បឿនលឿនជាងគេ ដែលអ្នកអាចស្វែងរកទិញបានពិតប្រាកដនាពេលបច្ចុប្បន្ន គឺនៅតែជាទូរសព្ទម៉ូដែល Oppo Find X Lamborghini Edition ដដែល ដោយវាជាទូរសព្ទដែលមានបំពាក់ជាមួយឧបករណ៍បញ្ចូលថាមពល Super VOOC ដែលអាចបញ្ចូលថាមពលពេញក្នុងថ្មមានកម្លាំង 3,400mAh ក្នុងរយៈពេល 35 នាទី។


ក្រុមហ៊ុន Vivo ទំនងជានឹងដាក់បង្ហាញអំពីបច្ចេកវិទ្យា Super FlashCharge 120W នៅ សប្តាហ៍ក្រោយនេះហើយ នៅក្នុងព្រឹត្តិការណ៍ MWC Shanghai ព្រមជាមួយការបង្ហាញអំពីឧបករណ៍ 5G ដំបូងរបស់ក្រុមហ៊ុនផងដែរ៕

ប្រភព: theverge ផ្នែក: បច្ចេកវិទ្យា, Accessories

អត្ថបទអ្នកចង់អាន

Samsung បកស្រាយបញ្ហាបែក Galaxy Fold

ដោយ: ដួងច័ន្ទ 3 PM, Tuesday, 23 Apr, 2019

ទោះបីជាឆ្លងកាត់ការធ្វើតេស្តសាកល្បងលើភាពជាប់ធន់រឹងមាំជាច្រើនក្តី កាលពីម្សិលមិញ មានសេចក្តីរាយការណ៍ជាច្រើនបានលើកឡើងថា ទូរសព្ទ Galaxy Fold មួយចំនួនដែលទ...

Smart Mirror កញ្ចក់ឆ្លុះអច្ឆរិយ មានរូបភាពដូចកញ្ចក់ទូរទស្សន៍

ដោយ: វិរីយា៉ 11 PM, Tuesday, 15 Mar, 2016

ទំនើប​ទាន់សម័យ​មែនទែន នៅពេល​លោក Max Braun វិស្វករ​របស់​ហ្គូ​ហ្គ​ល​បាន​នឹកឃើញ​ អៃ​ឌៀ​វិសេស​មួយ ផលិត​កញ្ចក់​អច្ឆរិយ ឬ Smart Mirror ដែល​វា​មិនមែន​គ្រា...

កំពូលកាមេរ៉ាឌីជីថល ទាំង៥ បំពេញចិត្តអ្នកចូលចិត្តថតរូប

ដោយ: ដួងច័ន្ទ 1 PM, Sunday, 29 Jan, 2017

នាពេលបច្ចុប្បន្ន មានកាមេរ៉ាជាច្រើនប្រភេទ បំពេញតាមតម្រូវការរបស់អ្នក។ បច្ចេកវិទ្យាកាមេរ៉ារាប់ចាប់ពីគ្មានកញ្ចក់ រហូតដល់កាមេរ៉ា DSLR កាមេរ៉ាមិនជ្រាបទឹក...

Apple បង្ហាញ iPhone ពិសេសថ្មី សម្រាប់អ្នកស្រាវជ្រាវផ្នែកសុវត្ថិភាព

ដោយ: ភារុន 9 AM, Saturday, 10 Aug, 2019

ក្រុមហ៊ុន Apple គ្រោងនឹងផ្គត់ផ្គង់ iPhone ពិសេសដល់អ្នកស្រាវជ្រាវផ្នែកសុវត្ថិភាពនៅឆ្នាំក្រោយនេះ ដើម្បីជួយពួកគេស្វែងរកឱ្យឃើញកំហុសផ្នែកសុវត្ថិភាពនៅក្ន...

Tomnerb.Com - YouTube Channel