ចូលចិត្តទំនើប

Vivo iQOO ខ្លាំងសក្តិសមនឹង ការលេងហ្គេម

ដោយ: ដួងច័ន្ទ 11 AM, Friday, 08 Mar, 2019

ក្រុមហ៊ុន Vivo មិនមែនជាជនចំណូលថ្មីនោះទេ នៅពេលនិយាយសម្តៅដល់ទីផ្សារផលិតផលទូរសព្ទ Smartphone ដែលបំពាក់គំនិតច្នៃប្រឌិតដំបូងគេ ដោយក្រុមហ៊ុននេះសម្រេចបានជោគជ័យធំៗជាច្រើនដូចជា ឧបករណ៍ស្កេនក្រយ៉ៅដៃក្នុងអេក្រង់ ការរចនាអេក្រង់ All-Screen មាន Notch កាន់តែតូច កាមេរ៉ាមុខផុសត្រដែតឡើង ការបំពាក់អេក្រង់ភ្លោះ និងថ្មីៗនេះគឺទូរសព្ទ All-Glass ដែលមិនមានរន្ធដោត។

ពេលនេះ ក្រុមហ៊ុនចិនមួយនេះកំពុងតំឡើងសាច់ដុំ ដោយលូកដៃចូលទៅក្នុងផ្នែកហ្គេមលើទូរសព្ទដៃ ហើយក្រុមហ៊ុននេះបាននឹងកំពុងដំណើរកាផលិតទូរសព្ទម៉ូដែលថ្មីមានឈ្មោះថា iQOO ដែលជាឈ្មោះពេញថា I Quest On and On។
ប្រហែលជាមិនមាននរណាម្នាក់ភ្ញាក់ផ្អើលទេ ដែលម៉ូដែល iQOO ដំណើរការដោយប្រព័ន្ធ Android 9 និងគាំទ្រថាមពលដោយបន្ទះឈីប Qualcomm Snapdragon 855 នៅក្នុងតម្លៃប្រហាក់ប្រហែល $450 ដែលមានម៉ូដែលដើមបំពាក់ដោយ RAM ទំហំ 6GB និងមានឃ្លាំងផ្ទុកទិន្នន័យទំហំ 128GB ហើយម៉ូដែលមួយទៀតមាន RAM ទំហំ 12GB និងឃ្លាំងផ្ទុកទិន្នន័យទំហំ 256GB ក្នុងតម្លៃប្រមាណ $640។
លក្ខណៈពិសេសរបស់វារួមមាន អេក្រង់ 2,340 x 1,080 AMOLED ទំហំ 6.41 inch ជាមួយ Notch ប្រភេទ Dewdrop មានបំពាក់ឧបករណ៍ស្កេនក្រយ៉ៅដៃក្នុងអេក្រង់ មានកាមេរ៉ាក្រោយ 3 គ្រាប់ មានបំពាក់ប្រព័ន្ធ NFC និង LTE។ ទូរសព្ទថ្មីនេះមានបំពាក់បច្ចេកវិទ្យា 44W Vivo Super FlashCharge ដែលអាចឱ្យអ្នកចំណាយពេលត្រឹមតែ 15 នាទីក្នុងការសាកថ្មទំហំ 4,000mAh បានរហូតដល់ 50% ឬចំណាយពេល 30 នាទីសម្រាប់បញ្ចូលថាមពលពី 0-85% ឬរយៈពេល 45 នាទីសម្រាប់ការបញ្ចូលថ្មពេញតែម្តង។

ម៉ូដែលថ្មីនេះបំពាក់ដោយតួធ្វើពីកញ្ចក់ 3D នៅផ្នែកខាងក្រោយ រចនាដោយពន្លឺឆ្នូត LED រំលេចជាមួយពណ៌ខៀវ ឬទឹកក្រូច ដោយវាលំនាំតាមរថយន្តស្ព័រ។ បន្ថែមលើនេះ ជម្រើសពណ៌ខៀវ សម្រាប់ម៉ូដែលលំដាប់ខ្ពស់ក៏មានបំពាក់រំញ័រ Monster ពណ៌ខ្មៅ ជាមួយនឹងប៊ូតុង Low-Key Faux-Carbon Fiber គ្របពីលើកញ្ចក់។ ពន្លឺឆ្នូត LED ដើរតួជាពន្លឺផ្តល់ការជូនដំណឹង ក៏ដូចជាពន្លឺលម្អនៅពេលលេងហ្គេម។ ជាជំនួយដល់អ្នកលេងហ្គេម ម៉ូដែល iQOO មានបំពាក់ប៊ូតុង Pressure-Sensitive Monster Touch នៅខាងឆ្វេង និងខាងស្តាំ នៅស៊ុមកណ្តាល។ កាន់តែពិសេស នៅខាងក្នុងទូរសព្ទ iQOO មានបំពាក់ប្រព័ន្ធកង្ហារត្រជាក់ ដែលជាមុខងារចាំបាច់សម្រាប់ Gaming Smartphone។ យោងតាមការធ្វើតេស្តផ្ទាល់ដោយ Vivo បច្ចេកវិទ្យានេះអាចជួយរក្សាភាពត្រជាក់ដល់ទូរសព្ទបានរហូតដល់ 14% ល្អជាងម៉ូដែល NEX។ បច្ចេកវិទ្យានេះត្រូវបានជួយបន្ថែមដោយមុខងារ Software ជាច្រើន ដើម្បីជួយបញ្ចៀសការទម្លាក់ Frames ការកំណត់អាទិភាពប្រភពធនធាន និងការផ្លាស់ប្តូររវាង 4G និង WiFi។ ចំណុចពិសេសទាំងនេះជំរុញឱ្យទូរសព្ទ iQOO ទទួលបានឈ្មោះជាទូរសព្ទផ្លូវការសម្រាប់ King Pro League ដែលជាព្រឹត្តិការណ៍ eSport សម្រាប់ហ្គេម King of Glory ឬហៅម្យ៉ាងទៀតថា Arena of Valor។

ចំណុចពិសេសមួយផ្សេងទៀត គឺកាមេរ៉ា។ សំណុំកាមេរ៉ា 3 គ្រាប់នៅផ្នែកខាងក្រោយរួមមានកាមេរ៉ាចម្បងទំហំ 12 megapixel (បំពាក់ដោយ Sony IMX363 Sensor)មួយគ្រាប់ កាមេរ៉ា 120-degree Super Wide ទំហំ 13 megapixel មួយគ្រាប់ និងកាមេរ៉ា Bokeh ទំហំ 2 megapixel មួយគ្រាប់។ ចំពោះកាមេរ៉ាមុខ នៅក្នុង Dewdrop Notch មានទំហំ 12 megapixel។

ម៉ូដែល iQOO មានទទួលការកុម៉ង់ទិញហើយនៅក្នុងប្រទេសចិន ហើយយើងបានទទួលព័ត៌មានថា Vivo មានគម្រោងនាំយកទូរសព្ទនេះចេញក្រៅប្រទេសចិនផងដែរ។

ម៉ូដែលថ្មីនេះនឹងក្លាយជាគូប្រជែងជាមួយម៉ូដែលទូរសព្ទជាច្រើនទៀតនៅក្នុងទីផ្សានាពេលបច្ចុប្បន្នរួមមាន ម៉ូដែល ROG របស់ Asus ម៉ូដែល Red Magic Mars របស់ Nubia ម៉ូដែល Black Shark របស់ Xiaomi និងទូរសព្ទរបស់ Razer ជាដើម៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

ឆ្នាំ 2018 នេះរថយន្តបញ្ជារដោយស្វ័យប្រវត្តិ វិវត្តយ៉ាងណាហើយ?

ដោយ: ដួងច័ន្ទ 8 PM, Thursday, 07 Jun, 2018

រថយន្តបញ្ជារដោយស្វ័យប្រវត្តិ ត្រូវបានគេរំពឹងថានឹងបង្ហាញវត្តមាន ក្នុងពេលឆាប់ៗនេះ ប៉ុន្តែវាហាក់ដូចជា មិនដូចការរំពឹងទុកនេះឡើយ។ ជារៀងរាល់ឆ្នាំ ក្រុមហ៊ុ...

Dell ប្រកាសពី XPS 13 ជួសជុលថ្មី ដែលអ្នកគួរតែដឹង

ដោយ: ដួងច័ន្ទ 5 PM, Saturday, 03 Mar, 2018

កាលពីពេលថ្មីៗនេះ ក្រុមហ៊ុនផលិតកុំព្យូទ័រដ៏ធំមួយ គឺ Dell បានប្រកាសពី Version ថ្មីនៃម៉ូដែល Laptop XPS 13 ដែលក្រុមហ៊ុនបានអះអាងថា បានធ្វើការពង្រឹងគ្រប់...

ឧបករណ៍សាកថ្មគ្មានខ្សែ Qi សម្រាប់ AirPod

ដោយ: ដួងច័ន្ទ 8 AM, Monday, 17 Sep, 2018

នេះមិនគ្រាន់តែជាឧបករណ៍សាកថ្មគ្មានខ្សែប៉ុណ្ណោះទេ ប៉ុន្តែនេះជាឧបករណ៍ Adapter សាកថ្ម Qi គ្មានខ្សែ របស់ក្រុមហ៊ុន Hyper។ វាមានឈ្មោះថា HyperJuice Wireles...

Galaxy Round ស្មាតហ្វូនអេក្រង់កោង-ង ដំបូងគេបង្អស់លើពិភពលោក

ដោយ: ដាលីស 1 PM, Friday, 08 May, 2015

បន្ទាប់ពីមានរូបភាពរបូតចេញមក បែបមិនផ្លូវការកាលពីពេលកន្លងទៅរបស់ Galaxy Round ស្មាតហ្វូនអេក្រង់កោង-ង ដំបូងគេរបស់ពិភពលោកនោះ ឥឡូវនេះក្រុមហ៊ុន សាំស៊ុង លែ...

Tomnerb.Com - YouTube Channel