ចូលចិត្តទំនើប

ស្វែងយល់ ពីគុណសម្បត្តិរបស់ USB4

ដោយ: ដួងច័ន្ទ 8 AM, Saturday, 09 Mar, 2019

ទើបតែសប្តាហ៍មុនប៉ុណ្ណោះដែលយើងបានលឺថាបច្ចេកវិទ្យាតំណភ្ជាប់ 20Gbps USB 3.2 ប្រហែលជានឹងបង្ហាញខ្លួននៅលើឧបករណ៍ជំនាន់ថ្មីនៅពេលណាមួយនៅក្នុងឆ្នាំនេះ ប៉ុន្តែថ្ងៃនេះ ក្រុមហ៊ុន Intel បានរៀបរាប់ជាស្រេចហើយអំពីបច្ចេកវិទ្យា USB4 ដែលជាបច្ចេកវិទ្យាមានល្បឿនកាន់តែលឿន។

នៅក្នុងព្រឹត្តិការណ៍ដែលរៀបចំឡើងនៅក្នុងទីក្រុងតៃប៉ិនៅថ្ងៃនេះ ក្រុមហ៊ុន Intel បានបង្ហាញថាបច្ចេកវិទ្យាតំណភ្ជាប់ជំនាន់ថ្មី ជាថ្មីម្តងទៀតនឹងប្រើប្រាស់ចរន្តភ្លោះ ដើម្បីទទួលបានល្បឿនរហូតដល់ 40Gbps ទោះបីជាស្ថិតនៅលើខ្សែ USB-C ប្រភេទ 40Gbps-Certified ក្តី។
អត្ថប្រយោជន៍ទាញចេញពីការផ្តល់ឱ្យរបស់ក្រុមហ៊ុន Intel នូវខ្សែភ្ជាប់ Thunderbolt 3 ទៅកាន់ក្រុមហ៊ុនផលិតនានា ជាមួយនឹងអាជ្ញាប័ណ្ណចំហរ បច្ចេកវិទ្យា USB4 នឹងត្រូវបានរួមបញ្ចូលនូវបច្ចេកវិទ្យានេះ ហើយនឹងបង្កើតបាននូវខ្សែ Thunderbolt 3 ជំនាន់ថ្មីមួយ ដែលមានប្រសិទ្ធភាពកាន់តែខ្លាំង។ ក្នុងន័យមួយផ្សេងទៀត USB4 នឹងក្លាយជាប្រភពដើមនៃគ្រប់ជម្រើសតំណភ្ជាប់ដោយខ្សែ ហើយនឹងត្រៀមខ្លួនរួចរាល់សម្រាប់ប្រើប្រាស់ជាមួយឧបករណ៍មានកម្លាំងកាន់តែខ្លាំង ដែលមានរន្ធដោត PCIe Plus DisplayPort។
នេះគឺជាដំណឹងដ៏ល្អសម្រាប់គ្រប់អ្នកប្រើប្រាស់ ដោយសារនេះមានន័យថា បច្ចេកវិទ្យាតំណភ្ជាប់មានល្បឿន 40Gbps គឺជាមូលដ្ឋានថ្មីសម្រាប់គ្រប់រន្ធដោត USB នាពេលអនាគត ហើយម្យ៉ាងវិញទៀតវាក៏នឹងត្រូវបានដាក់ពង្រាយឱ្យប្រើប្រាស់នៅលើផលិតផលទាំងឡាយបានកាន់តែលឿនជាងអ្វីដែល Thunderbolt 3 អាចធ្វើបាន។ មកទល់ពេលបច្ចុប្បន្ន មានឧបករណ៍ដែលមានការទទួលស្គាល់ជាផ្លូវការតែ 463 ប្រភេទប៉ុណ្ណោះ ដែលអាចដំណើរការជាមួយ Thunderbolt 3។

យ៉ាងណាមិញ វានៅតែជាដំណាក់កាលដំបូងនៅឡើយទេសម្រាប់បច្ចេកវិទ្យា USB4 ដោយសារស្ថាប័ន USB Promoter Group នឹងមិនចែករំលែកព័ត៌មានលម្អិតណាមួយឡើយ រហូតដល់ពាក់កណ្តាលឆ្នាំ 2019 នេះ។
លើសពីនេះទៀត យើងពុំទាន់ទទួលបានព័ត៌មានអំពីការប្រើប្រាស់ USB4 ជាមួយ Version នាពេលអនាគតរបស់ Thunderbolt នៅឡើយទេ ប៉ុន្តែក្រុមហ៊ុន Intel បានបញ្ជាក់ថាក្រុមហ៊ុននឹងបន្តជំរុញម៉ាកសញ្ញា Thunderbolt ព្រមៗគ្នាជាមួយនឹង USB4។

ទំនើប នឹងបន្តការតាមដានដិតដល់នៅលើការអភិវឌ្ឍន៍ថ្មីនេះ ដែលយើងអាចប៉ាន់ប្រមាណថា ការប្រកាសជាផ្លូវការនឹងអាចប្រព្រឹត្តឡើងនាពេលណាមួយនៅក្នុងព្រឹត្តិការណ៍ Computex Taipei៕

ប្រភព: engadget ផ្នែក: បច្ចេកវិទ្យា, Accessories

អត្ថបទអ្នកចង់អាន

Firefox អភិវឌ្ឍន៍មុខងារកាន់តែប្រសើរ

ដោយ: ដួងច័ន្ទ 8 AM, Thursday, 01 Nov, 2018

ក្រុមហ៊ុន Mozilla កំពុងព្យាយាមធ្វើអ្វីម្យ៉ាង ដើម្បីដោះស្រាយបញ្ហាដែលអ្នកប្រើប្រាស់មួយចំនួន កំពុងធុញទ្រាន់ ដូចជាអារម្មណ៍ដ៏គួរឱ្យធុញថប់នៅពេលអ្នកគិតពីអ...

App របស់ Samsung បង្ហាញពីផលិតផលថ្មី?

ដោយ: ដួងច័ន្ទ 8 AM, Friday, 22 Feb, 2019

ការ Update ថ្មីមួយរបស់ក្រុមហ៊ុន Samsung ដែលត្រូវបានបញ្ចេញសម្រាប់កម្មវិធី Galaxy Wearable App បានបញ្ជាក់ថា ក្រុមហ៊ុនបច្ចេកវិទ្យាដ៏ធំមួយនេះពិតជាបាននឹ...

មុខងារថ្មីពី WhatsApp អាចលាក់បាំង Chat បាន

ដោយ: ដួងច័ន្ទ 8 AM, Saturday, 09 Feb, 2019

កម្មវិធី Instagram និង Messenger ក្នុងពេលឆាប់ៗនេះនឹងអនុវត្តតាមកម្មវិធី WhatsApp ក្នុងការណែនាំមុខងារ Encrypted Messaging ជាផ្នែកមួយនៃគម្រោងរបស់ក្រុម...

CrossHelmet: មួកសុវត្ថិភាព ដ៏ឆ្លាតវៃ

ដោយ: ដួងច័ន្ទ 11 PM, Wednesday, 22 Nov, 2017

មួកសុវត្ថិភាព CrossHelmet គឺជាមួកសុវត្ថិភាព សម្រាប់ទោចក្រយានយន្តជំនាន់ថ្មី ដែលមានសមត្ថភាពគ្រប់គ្រងសម្លេង (Sound Control) និងអាចមើលឃើញបាន 360 ដឺក្រេ...

Tomnerb.Com - YouTube Channel