ចូលចិត្តទំនើប

UEFA eChampions League អាចលេងនៅលើ FIFA 19

ដោយ: ដួងច័ន្ទ 5 PM, Thursday, 29 Nov, 2018

កាលពីដើមឆ្នាំនេះ EA បានផ្តល់នូវការទាក់ទាញចំណាប់អារម្មណ៍យ៉ាងខ្លាំង ដោយបានផ្តល់នូវអាជ្ញាប័ណ្ណ UEFA Champions League សម្រាប់ហ្គេម FIFA 19 បន្ទាប់ពីការប្រកួតប្រជែងកីឡាបាល់ទាត់ប្រចាំតំបន់អឺរ៉ុបបានបញ្ចប់កិច្ចព្រមព្រៀងសហការការងារជាមួយ Konami និង PES។

នាពេលនេះ EA ក៏បានប្រគល់ការប្រកួតកីឡា eSport ទៅឱ្យក្រុមហ៊ុនផលិតហ្គេមកីឡាដ៏ធំនេះផងដែរ។ ការប្រកួត eChampions League នឹងបង្កើតជាទម្រង់ថ្មីមួយទៀត នៅក្នុង FIFA Global Series ឆ្ពោះទៅរកការប្រកួត eWorld Cup 2019 នារដូវក្តៅនៅឆ្នាំក្រោយ។

ការប្រកួតនេះ នឹងបើកទទួលដៃគូប្រកួតប្រជែងនៅលើ PS4 ដែលចូលរួមនៅក្នុងការប្រកួត eChampions League Global Online Knockout នៅចន្លោះការថ្ងៃទី 2-3 ខែមីនា ជាមួយនឹងអ្នកប្រកួតកំពូលចំនួន 64 នាក់ ធ្វើដំណើរឆ្ពោះទៅកាន់ព្រឹត្តិការណ៍ប្រកួតជម្រុះផ្សាយផ្ទាល់ នៅថ្ងៃទី 26-27 ខែមេសា។

ការប្រកួតជម្រុះនេះនឹងធ្វើការទម្លាក់អ្នកលេងមកនៅត្រឹម 8 នាក់ ដែលមានឈ្មោះថា The World’s Elite សម្រាប់ការប្រកួតវគ្គផ្តាច់ព្រ័តនៃការប្រកួត eChampions League ដែលនឹងត្រូវប្រព្រឹត្តឡើងនៅទីក្រុង Madrid ប្រទេសអេស្ប៉ាញ នៅថ្ងៃទី 31 ខែឧសភា មួយថ្ងៃមុនការប្រកួតវគ្គផ្តាច់ព្រ័តរបស់ UEFA Champion League។

ប៉ុន្តែនេះមិនមែនជាហេតុការណ៍ជាន់គ្នារវាងពិភពហ្គេម និងពិភពបាល់ទាត់ពិតតែមួយប៉ុណ្ណោះទេ។ អ្នកមកដល់វគ្គផ្តាច់ព្រ័តទាំង 8 ក៏នឹងត្រូវធ្វើការពង្រាង និងប្រើប្រាស់កីឡាការ ដែលយកចេញពីវគ្គចែកពូលនៅក្នុង League ផងដែរ។

សម្រាប់ពានរង្វាន់ ម្ចាស់ជ័យលាភី នឹងទទួលបានប្រាក់រង្វាន់ចំនួន $100,000 ជាចំណែកនៃទឹកប្រាក់ចំនួន $280,000 និងពិន្ទុចំនួន 850 របស់ EA Sports FIFA 19 Global Series។

លោក Brent Koning អ្នកចាត់ចែងការប្រកួត EA Sports FIFA បានរៀបរាប់ថា «ការបង្កើតការប្រកួត UEFA Champions League ពិតប្រាកដ គឺជាជំហានជាក់លាក់បន្ទាប់ នៅក្នុងការបន្តពង្រីក EA Sport FIFA 19 Global Series ទាំងសម្រាប់កីឡាករ និងទស្សនិកជន។ ការប្រកួត eChampion League បង្កើតបាននូវឱកាសដ៏ពិសេសមួយ សម្រាប់តារាល្បីរបស់ FIFA ក្នុងការធ្វើជាអ្នកតំណាងឱ្យក្លឹបរបស់ខ្លួន នៅក្នុងតារាងក្លឹបបាត់ទាល់កំពូលៗ»៕

អត្ថបទអ្នកចង់អាន

ទូរស័ព្ទ iPhone 8 «គ្មានសេវា ឬ សញ្ញា» តើធ្វើដូចម្តេចដើម្បីជួសជុលវា?

ដោយ: ភារុន 10 AM, Wednesday, 03 Apr, 2019

ទាំងទូរស័ព្ទ iPhone 8 និង iPhone 8 Plus គឺតែងតែផ្តល់ភាពរីករាយដ៏ពិតប្រាកដ ជាមួយនឹងលក្ខណៈពិសេសៗដែលក្រុមហ៊ុន Apple បានដាក់បញ្ចូលទៅក្នុងទូរស័ព្ទស៊េរីទំ...

Samsung បង្ហាញ DRAM សមត្ថភាពខ្លាំង មិនធ្លាប់មាន

ដោយ: ដួងច័ន្ទ 9 AM, Monday, 18 Mar, 2019

ក្រុមហ៊ុន Samsung បានបង្ហាញអំពីបន្ទះឈីប DRAM សម្រាប់ប្រើប្រាស់នៅលើ Smartphone មានសមត្ថភាពដ៏ខ្លាំងមិនធ្លាប់មានពីមុនមក។ នោះជាកញ្ចប់បន្ទះឈីបប្រភេទ LPD...

Meizu ផលិត Smartphone គ្មានរន្ធដោត

ដោយ: ដួងច័ន្ទ 9 AM, Wednesday, 30 Jan, 2019

ក្រុមហ៊ុនផលិតទូរសព្ទមួយចំនួន បានយកគំរូតាមក្រុមហ៊ុន Apple និងបានលុបបំបាត់ចោលរន្ធដោតកាសស្តាប់ ប៉ុន្តែសម្រាប់ក្រុមហ៊ុន Meizu វិញ បានធ្វើលើសពីនេះទៅទៀត។...

បញ្ចុះតម្លៃពិសេស និងឱកាសឈ្នះរង្វាន់ដ៏ច្រើនសន្ធឹកសន្ធាប់ពី LG BrandShop ក្នុងឱកាលពិធីបុណ្យអុំទូកនេះ !!

ដោយ: ទំនើប 12 AM, Monday, 30 Oct, 2017

កាន់តែពិសេសកាន់តែអស្ចារ្យ ក្នុងឱកាល ព្រះរាជពិធីបុណ្យអុំទូក អកអំបុក សំពះព្រះខែ នាពេលខាងមុខនេះ ហាងលក់គ្រឿងអេឡិចត្រូនិច LG BrandShop បានរៀបចំកម្មវិធីប...

Tomnerb.Com - YouTube Channel