ចូលចិត្តទំនើប

ឧបករណ៍សាកថ្មគ្មានខ្សែ សម្រាប់ការងារក្នុង និងក្រៅ

ដោយ: ដួងច័ន្ទ 8 AM, Tuesday, 02 Jul, 2019

ក្រុមហ៊ុន Twelve South បានបញ្ចេញផលិតផលឧបករណ៍បញ្ចូលថាមពលគ្មានខ្សែថ្មី ដែលត្រូវបានបំពាក់មុខងារយ៉ាងសំខាន់ ក្នុងនាមជាឧបករណ៍បញ្ចូលថាមពល 3 នៅក្នុងតួម៉ាស៊ីនតែមួយ។

ម៉ូដែល HiRise Wireless មានជើងបញ្ឈរសម្រាប់បញ្ចូលថាមពលនៅលើតុ សម្រាប់ទូរសព្ទ Smartphone របស់អ្នក និងបន្ទះបញ្ចូលថាមពលគ្មានខ្សែ USB-C ដែលអាចរំកិលបាន សម្រាប់ប្រើប្រាស់នៅពេលអ្នកធ្វើដំណើរ។ បន្ទះបញ្ចូលថាមពលនេះក៏អាចផ្តល់ថាមពលទៅកាន់ ឧបករណ៍ជំនួយផ្សេងៗ ដូចជា AirPods ជាដើម។ ខណៈដែលក្រុមហ៊ុន Twelve South មានកេរ្តិ៍ឈ្មោះល្បីល្បាញក្នុងនាមជាក្រុមហ៊ុនផលិតឧបករណ៍ជំនួយសម្រាប់ក្រុមហ៊ុន Apple ឧបករណ៍បញ្ចូលថាមពល HiRise Wireless ក៏អាចប្រើប្រាស់បានជាមួយទូរសព្ទ Android ផងដែរ។

ឧបករណ៍សាកថ្មនេះដំណើរការបានជាមួយគ្រប់ទូរសព្ទមានបច្ចេកវិទ្យា Qi Wireless ដូចវាអាចប្រើប្រាស់បានជាមួយទូរសព្ទជំនាន់ក្រោយបង្អស់ ដូចជា Samsung Galaxy, LG, Sony, Google និង Blackberry ផងដែរ។ ប្រាកដណាស់ថាវាអាចប្រើប្រាស់បានជាមួយទូរសព្ទ iPhone 8 និងម៉ូដែលថ្មីៗ។ ចំណុចពិសេសសម្រាប់អ្នកប្រើប្រាស់ AirPods គឺ Power Disc របស់ HiRise Wireless ដែលដកចេញមកក្រៅ នៅផ្នែកខាងលើនៃជើងបញ្ឈរ។ អ្នកគ្រាន់តែដាក់ប្រអប់ AirPods (ឬឧបករណ៍ដទៃដែលមានបំពាក់ Qi-Compatible) នៅលើបន្ទះបញ្ចូលថាមពល ដើម្បីបញ្ចូលថាមពលជាការស្រេច។


សម្រាប់អ្នកដែលតែងតែធ្វើដំណើរញឹកញាប់ នឹងពេញចិត្តចំពោះការរចនាម៉ូដដ៏ទាក់ទាញ និងងាយយកតាមខ្លួន នៃឧបករណ៍បញ្ចូលថាមពល HiRise Wireless។ អ្នកអាចបញ្ចូលថាមពលទៅកាន់ទូរសព្ទដៃរបស់អ្នកនៅពេលឧបករណ៍នេះដាក់បញ្ឈរ និងអាចតាមដានលើសារជាអក្សររបស់អ្នក ឬគ្រាន់តែដាក់ទូរសព្ទផ្តេកនៅលើបន្ទះបញ្ចូលថាមពលជាការស្រេច។ ខ្សែថាមពល USB-C របស់ឧបករណ៍សាកថ្មនវ អាចដកចេញបាន ដូច្នេះអ្នកអាចទុកវាចោលនៅកន្លែងណាក៏បាន ហើយគ្រាន់តែប្រើប្រាស់ខ្សែដូចគ្នានឹងខ្សែរបស់ MacBook ឬ iPad Pro របស់អ្នក នៅពេលអ្នកធ្វើដំណើរ យ៉ាងងាយស្រួល។


HiRise Wireless ថ្មីនេះ មានតម្លៃត្រឹមតែ $80 ប៉ុណ្ណោះ ហើយចាប់ពីថ្ងៃនេះតទៅ អ្នកអាចទិញវាយកមកប្រើប្រាស់បាននៅលើគេហទំព័ររបស់ក្រុមហ៊ុន Twelve South ផ្ទាល់៕

ប្រភព: engadget ផ្នែក: បច្ចេកវិទ្យា, Accessories

អត្ថបទអ្នកចង់អាន

មុខងារបង្កប់ 3 របស់ Galaxy S8 ដែលអ្នកគួរប្រើប្រាស់

ដោយ: ដួងច័ន្ទ 9 PM, Wednesday, 17 May, 2017

ទូរសព្ទ Samsung Galaxy S8 បានបំពេញមុខងារជាច្រើន ហើយការពិតណាស់ វាអាចនឹងពិបាកក្នុងការស្វែងរកមុខងារទាំងនោះ។ ក្រុមហ៊ុន Samsung មិនបានកែតម្រូវភាពភ័ន្តច្...

Google Pixel 2 នឹងចេញលក់ឆាប់ៗនេះ

ដោយ: ដួងច័ន្ទ 10 PM, Thursday, 26 Oct, 2017

ជាមួយបច្ចេកវិទ្យាកាមេរ៉ាដ៏ទំនើប និងរូបរាងដ៏ស្រស់ស្អាត ទូរសព្ទដៃ Google Pixel ទទួលបានប្រជាប្រិយភាព និងភាពជោគជ័យយ៉ាងធំធេង នៅក្នុងទីផ្សាទូរសព្ទ Smartp...

LG ទទួលបានពានរង្វាន់ឆ្នើម នៃផលិតផលទូរទស្សន៍ល្អផ្តាច់គេ LG AI OLED​ TV ក្នុងព្រឹត្តិការណ៍ CES 2018

ដោយ: ទំនើប 3 PM, Tuesday, 23 Jan, 2018

LGអេឡិចត្រូនិច មានកិត្តិយសជាខ្លាំង ជាមួយនិងការទទួលពានរង្វាន់ច្រើនជាង 90 នៅក្នុងព្រឹត្តិការណ៍ CES 2018 និង៤ឆ្នាំជាប់ៗគ្នា សំរាប់ឆ្នាំនេះគឺទូរទស្សន៍L...

SAMSUNG ប្រកាសចេញ​លក់ Galaxy S7 និង S7 edge ពណ៌ឈូកមាស​ថ្ងៃ​នេះ

ដោយ: WangSang 10 PM, Wednesday, 20 Apr, 2016

Samsung បាន​ប្រកាស​ជា​ផ្លូវ​ការ​នូវ​​ជម្រើស​ពណ៌​ថ្មី សម្រាប់​ទូរស័ព្ទ​ម៉ូដែល​ថ្មី​របស់​ខ្លួន​នោះ​គឺ Galaxy S7/ S7 edge ពណ៌ឈូកមាស។ ពណ៌ថ្មីនេះ​នឹង​ចា...

Tomnerb.Com - YouTube Channel