ចូលចិត្តទំនើប

Toyota ប្រមូលរថយន្ត Hybrid រាប់លានគ្រឿងត្រឡប់វិញ

ដោយ: ដួងច័ន្ទ 8 AM, Tuesday, 11 Sep, 2018

ក្រុមហ៊ុន Toyota បាននឹងកំពុងកោះហៅយានយន្តម៉ូដែល Prius និង C-HR Hybrid រាប់លានគ្រឿងទូទាំងពិភពលោកត្រឡប់ចូលក្រុមហ៊ុនវិញ ដោយសារមូលហេតុហានិភ័យអគ្គិភ័យ។
រថយន្តម៉ូដែល Prius ក្នុងរង្វង់ប្រមាណ 192,000 គ្រឿងនៅក្នុងសហរដ្ឋអាមេរិក និងច្រើនជាង 550,000 គ្រឿងនៅក្នុងប្រទេសជប៉ុនត្រូវបានកោះហៅត្រឡប់ចូលមករោងចក្រវិញ ដែលរថយន្តទាំងនោះមានបញ្ហាពាក់ព័ន្ធនឹងប្រព័ន្ធខ្សែភ្ជាប់ទៅកាន់ទីបញ្ជាការថាមពល។ ប្រការនេះអាចបណ្តាលឱ្យប្រព័ន្ធអ៊ីសូឡង់ត្រូវបានខូចខាតបន្តិចម្តងៗ ដែលអាចបណ្តាលឱ្យមាន Short Circuit ដែលងាយនឹងបង្កជាអគ្គិភ័យឆាបឆេះឡើង។

ការប្រមូលរថយន្តត្រឡប់វិញជះឥទ្ធិពលដល់រថយន្ត ដែលផលិតឡើងក្នុងប្រទេសជប៉ុន ក្នុងចន្លោះខែមិថុនា ឆ្នាំ 2015 និងខែឧសភា ឆ្នាំ 2018 រួមមានរថយន្តម៉ូដែល Prius Plug-In និងរថយន្ត Hybrid ម៉ូដែល C-HR ផងដែរ។

តំណាងចែកចាយរបស់ក្រុមហ៊ុននឹងធ្វើការពិនិត្យមើលលើប្រព័ន្ធតំឡើងខ្សែភ្ជាប់ ហើយបើសិនជាស្នូលកណ្តាលរបស់ខ្សែត្រូវបានលេចឡើង នោះនឹងត្រូវទាមទារឱ្យមានការជួសជុល ប៉ុន្តែករណីនេះមិនមានគិតកម្រៃពីម្ចាស់យានជំនិះឡើយ។ បើការពិនិត្យឃើញមិនមានបញ្ហាលេចស្នូលកណ្តាលរបស់ខ្សែទេ ក្រុមហ៊ុននឹងបន្ថែមបង់រុំការពារបន្ថែមពីលើប្រព័ន្ធបង្គុំខ្សែទាំងនោះ។
ក្រុមហ៊ុន Toyota បាននឹងកំពុងធ្វើការទំនាក់ទំនងម្ចាស់យានយន្តដែលពួកគេបានស្គាល់ ដែលពួកគេសង្ស័យថារថយន្តទាំងនោះមានបញ្ហា ហើយការទំនាក់ទំនងនេះនឹងចាប់ផ្តើមនៅចុងខែនេះហើយ។ ព្រមជាមួយគ្នានេះ អ្នកក៏អាចបញ្ចូលលេខអត្តសញ្ញាណរបស់យានយន្ត ឬស្លាកលេខរថយន្ត នៅលើគេហទំព័រ Toyota’s Recall បានដែរ ដើម្បីស្វែងយល់ពីស្ថានភាពយានយន្តរបស់ អ្នក។
ក្រុមហ៊ុន Toyota ធ្លាប់បានកោះហៅប្រមូលរថយន្តត្រឡប់វិញជាច្រើនលានគ្រឿងក្នុងរយៈពេល 2-3 ឆ្នាំចុងក្រោយនេះ ក្នុងនោះរួមមានរថយន្ត Prius Hybrid ចំនួន 1.9 លានគ្រឿងកាលពីឆ្នាំ 2014 ក្នុងករណីមានបញ្ហា Software និងយានជំនិះរាប់លានគ្រឿងទៀត នៅក្នុងឆ្នាំ 2016 ដោយសារបញ្ហាពោងខ្យល់សុវត្ថិភាព និងប្រព័ន្ធបញ្ចេញផ្សែង។

ប្រភព: engadget ផ្នែក: បច្ចេកវិទ្យា, យានយន្ត

អត្ថបទអ្នកចង់អាន

កម្មវិធី ក្តារវាយអត្ថបទល្អបំផុត សម្រាប់ iPhone

ដោយ: ដួងច័ន្ទ 1 PM, Sunday, 12 Mar, 2017

អ្នកមិនចាំបាច់កំណត់លំនាំដើម នៃក្តារវាយអត្ថបទនៅលើ iPhone ទេ។ ដើម្បីឱ្យអ្នកកាន់តែរីករាយនឹងការផ្ញើសារ គេហទំព័រទំនើប សូមនាំមកជូននូវជម្រើសកម្មវិធីល្អបំផ...

Thunderbolt 3 SSD ផ្តោតសំខាន់លើល្បឿន

ដោយ: ដួងច័ន្ទ 8 AM, Saturday, 01 Sep, 2018

ក្រុមហ៊ុន Samsung បានបង្ហាញផលិតផល SSD ចល័តដំបូងប្រភេទ NVMe-Based មានឈ្មោះថា Portable SSD X5 ដែលមានអតិថិជនគោលដៅផ្តោតលើអ្នកជំនាញ IT និងផលិតករ Content...

តើបច្ចេកវិទ្យា Linear ពិតជាផ្តល់ជូន នូវភាពស្រស់បែបធម្មជាតិមែនទេ

ដោយ: ទំនើប 7 PM, Tuesday, 06 Feb, 2018

Vegetable Orchestra បង្កើតភ្លេងដ៏ពិរោះរណ្តំជាមួយ និងបន្លែដែលទុកក្នុងទូរទឹកកករយះពេលមួយសប្តាហ៍។តើយើងគួរទុកអាហាររបស់យើងបែបណា ដើម្បីអោយស្រស់និងបានយូរ?ដ...

Samsung A8s ទូរសព្ទដំបូងមានអេក្រង់ Infinity-O

ដោយ: ដួងច័ន្ទ 1 PM, Wednesday, 19 Dec, 2018

តាមប្រកៀកប្រកិតនឹងការបញ្ចេញព័ត៌មានអំពីទូរសព្ទ Honor View 20 នៅថ្ងៃនេះ ក្រុមហ៊ុន Samsung បានប្រកាសពីទូរសព្ទថ្មីមួយគ្រឿង ដែលនឹងត្រូវបានផលិតឡើងពីអេក្រ...

Tomnerb.Com - YouTube Channel