ចូលចិត្តទំនើប

ជម្រើសទូរទឹកកកដ៏ឆ្លាតវៃពី LG

ដោយ: ដួងច័ន្ទ 12 PM, Monday, 03 Dec, 2018

ថ្ងៃនេះ ទំនើប សូមណែនាំមិត្តអ្នកអានឱ្យបានស្គាល់នូវទូរទឹកកកមួយប្រភេទ ដែលមានសមត្ថភាពធ្វើឱ្យម្ហូបអាហាររក្សាបាននូវភាពស្រស់បានកាន់តែយូរ ជាមួយនឹងដំណោះស្រាយផ្តល់ភាពត្រជាក់ដ៏ឆ្លាតវៃ។ នេះគឺទូរទឹកកក LG Door-in-Door ម៉ូដែល GN-A702HLHU។
ផ្តល់ភាពត្រជាក់បានគ្រប់ពេល
លំនឹងសីតុណ្ហភាពទូរទឹកកកត្រូវរក្សាបានយ៉ាងល្អ គឺជាចំណុចស្នូលនៃសញ្ញាបង្ហាញពីភាពស្រស់ថ្លាក្នុងទូរទឹកកក។ បច្ចេកវិទ្យា LINEAR Cooling ធ្វើឱ្យសីតុណ្ហភាពប្រែប្រួលឡើងចុះក្នុងចន្លោះ បូក/ដក 0.5 OC។

ភាពត្រជាក់កាន់តែលឿន
បច្ចេកវិទ្យា LG DoorCooling+ ធ្វើឱ្យផ្ទៃខាងក្នុងទូរទឹកកកកាន់តែត្រជាក់ និងផ្តល់នូវភាពត្រជាក់បានលឿនរហូតដល់ 35% លឿនជាងប្រព័ន្ធផ្តល់ភាពត្រជាក់ក្នុងទូរទឹកកកទូទៅ។ វាធ្វើការកាត់បន្ថយចន្លោះសីតុណ្ហភាពរវាងផ្នែកខាងក្នុង និងនៅលើទ្វារ។

ភាពស្រស់ស្រាយ 99.99%
តម្រងខ្យល់ HygieneFresh+ អាចកំចាត់បាក់តេរីបានរហូតដល់ 99.999% ហើយក៏អាចកាត់បន្ថយក្លិនអាក្រក់នៅក្នុងទូរទឹកកកបានដែរ។

សំចៃពេលវេលា
កន្លែង Fresh 0 Zone ត្រូវបានគ្រប់គ្រងដោយសីតុណ្ហភាពនៅរង្វង់ 0 oC ហើយវាជួយឱ្យអ្នកចាប់ផ្តើមការចម្អិនអាហារ ដោយមិនចាំបាច់ចំណាយពេលរងចាំឱ្យម្ហូបដែលកក រលាយឡើយ។

លំហូរខ្យល់ច្រើន
ខ្យល់ត្រជាក់ត្រូវបានផ្គត់ផ្គង់នៅគ្រប់ទីកន្លែងនៅក្នុងទូរទឹកកក ជាមួយនឹងកង្ហារបញ្ចេញខ្យល់ត្រជាក់ជាច្រើនកន្លែង។

ម៉ាស៊ីន Inverter Linear Compressor
នេះជាបច្ចេកវិទ្យាដែលផ្តល់នូវការសន្សំសំចៃថាមពលខ្ពស់។ គុណសម្បត្តិរបស់ Inverter Linear Compressor របស់ LG ផ្តល់នូវការធានាថាជាម៉ាស៊ីនដែលនាំមុខគេនៅក្នុងទីផ្សារក្នុងការសន្សំសំចៃថាមពលយ៉ាងមានប្រសិទ្ធភាព ដោយប្រើប្រាស់សមាសភាពផ្សំតិចជាង Compressor ទូទៅ។ ដូច្នេះហើយទើបម៉ាស៊ីន Inverter Linear Compressor មានចំណុចតំណតិចតួច និងមានសម្លេងរំខានកាន់តែតិច។

អេក្រង់ Touch LED
វាផ្តល់នូវភាពងាយស្រួលសម្រាប់ការបញ្ជារ។ អេក្រង់ Touch LED ផ្តល់នូវការប្រតិបត្តិការប្រើប្រាស់ទូរទឹកកកកាន់តែរីករាយ និងផ្តល់នូវប្រណិតភាពនៅក្នុងទូរទឹកកក។

អំពូល LED
នេះជាកត្តាជំរុញឱ្យមានការសន្សំសំចៃថាមពលយ៉ាងមានប្រសិទ្ធភាព និងការប្រើប្រាស់ទូរទឹកកកបានយូរអង្វែង។ ផ្ទាំងអំពូល LED ជួយសន្សំសំចៃថាមពលបានកាន់តែច្រើន និងធន់បានយូរ ជាងអំពូលមូលធម្មតា។

កន្លែងផលិតទឹកកក
អ្នកអាចដក និងរំកិលថាសដាក់ទឹកកកបានយ៉ាងងាយស្រួល នៅពេលដែលអ្នកចង់បានកន្លែងរក្សាភាពត្រជាក់កាន់តែធំទូលាយ។

ងាយស្រួលប្រើប្រាស់
សម្រាប់អ្នកដែលបើកទូរទឹកកកញឹកញាប់ ជម្រើសទូរទឹកកកប្រភេទ Door-in-Door អនុញ្ញាតឱ្យអ្នកអាចលូកចាប់យកភេសជ្ជៈ ឬអាហារបានយ៉ាងងាយស្រួល។ កន្ត្រកបន្ថែមនៅលើទ្វារ ផ្តល់ឱ្យអ្នកនូវដំណោះស្រាយមួយទៀត សម្រាប់ការធ្វើឱ្យទូរទឹកកកមានសណ្តាប់ធ្នាប់ ជាមួយនឹងការបាត់បង់ខ្យល់ត្រជាក់តិចជាង 41%។

ការបញ្ជារដ៏រហ័ស និងងាយស្រួល
ជាមួយបច្ចេកវិទ្យា Smart ThinQ អ្នកអាចធ្វើការគ្រប់គ្រង និងបញ្ជារទូរទឹកកករបស់អ្នកដោយប្រើប្រាស់ទូរសព្ទ Smartphone ទោះបីជាអ្នកមិនស្ថិតនៅក្នុងផ្ទះក្តី។ អ្នកនឹងទទួលបានភាពងាយស្រួលក្នុងការកំណត់សីតុណ្ហភាពទូរទឹកកក គ្រប់គ្រងប្រព័ន្ធ HygieneFresh+
ដោយគ្រាន់តែប៉ះនៅលើទូរសព្ទដៃរបស់អ្នកយ៉ាងសាមញ្ញ៕

ប្រភព: G gear ផ្នែក: បច្ចេកវិទ្យា, Appliances

អត្ថបទអ្នកចង់អាន

ចង់ដឹងពីមុខងារថ្មីពី Galaxy S8 Oreo ដែរ ឬទេ?

ដោយ: ដួងច័ន្ទ 11 PM, Sunday, 24 Dec, 2017

ថ្មីៗនេះ Samsung ទើបនឹងបញ្ចេញប្រព័ន្ធប្រតិបត្តិការថ្មី Android Oreo Beta Program សម្រាប់ ទូរសព្ទ Galaxy S8 និង S8+។ ទំនើប សូមបង្ហាញពីមុខងារថ្មីៗជាទ...

ឧបករណ៍ ពិនិត្យសម្ពាធខ្យល់ ក្នុងកង់

ដោយ: ដួងច័ន្ទ 1 PM, Friday, 29 Sep, 2017

តើអ្នកធ្លាប់ឆ្ងល់ដែរ ឬទេថាមានអ្វីកើតឡើងនៅខាងក្នុងកង់? តើអ្នកធ្លាប់បារម្ភថា សំបកកង់របស់អ្នក អាចនឹងខូច មិនមានសម្ពាធខ្យល់ត្រឹមត្រូវ ឬធ្លាយខ្យល់ចេញតាមក...

ប្រែក្លាយ Smartphone ឱ្យទៅជាឧបករណ៍បញ្ជារ

ដោយ: ដួងច័ន្ទ 10 PM, Thursday, 06 Jul, 2017

តើទូរទស្សន៍ ម៉ាស៊ីនត្រជាក់ ប្រអប់ខ្សែកាប និងកង្ហារលើពិដានរបស់អ្នកមានអ្វីរួមគ្នា? ឆាប់ៗនេះពួក វានឹងអាចបញ្ជារបានតាមរយៈទូរសព្ទ Smartphone នៅក្នុងហោប៉ៅ...

នាឡិការោទិ៍ 10 ប្រភេទ ជួយអ្នកក្រោកពីគេង យ៉ាងពិតប្រាកដ

ដោយ: ដួងច័ន្ទ 10 PM, Wednesday, 19 Jul, 2017

បើសិនជាអ្នកមានបញ្ហា ក្នុងការក្រោកពីដំណេកនៅពេលព្រឹក អ្នកគួរចាប់ផ្តើមប្រើប្រាស់វិធីសាស្រ្តដ៏មានប្រសិទ្ធភាព ដើម្បីជួយឱ្យអ្នកអាចងើបចេញពីគ្រែគេង បានដោយជ...

Tomnerb.Com - YouTube Channel