ចូលចិត្តទំនើប

កាសស្តាប់ Bose ថ្មីនឹងចេញលក់ចុងខែមិថុនានេះហើយ

ដោយ: ដួងច័ន្ទ 8 AM, Monday, 03 Jun, 2019

ក្រុមហ៊ុន Bose បានទទួលភាពជោគជ័យយ៉ាងខ្លាំងសម្រាប់ផលិតផលកាសស្តាប់ជាច្រើនប្រភេទ ជាពិសេសគឺម៉ូដែល QC35 ដែលជាប្រភេទ Wireless Headphone។ នាពេលនេះក្រុមហ៊ុនបានបង្ហាញពីផលិតផលកាសស្តាប់ Noise Cancelling ជំនាន់ថ្មីម៉ូដែល 700 ដែលនាំមកជូននូវបរិយាកាសស្តាប់តន្រ្តីដ៏មនោរម្យ ដូចគ្នានឹងម៉ូដែលជំនាន់មុនដែរ ប៉ុន្តែនាពេលនេះ វាប្រើប្រាស់ Microphone សរុបចំនួន 4 គ្រឿង ដើម្បីកាត់ផ្តាច់សម្លេងរបស់អ្នក និងអាចពង្រឹងគុណភាពសម្លេងបានកាន់តែខ្លាំង។

អ្នកនឹងមិនចាំបាច់តំឡើងសម្លេងរបស់អ្នកដើម្បីអាចស្តាប់បានច្បាស់នៅកណ្តាលតំបន់ទីប្រជុំជនដ៏មមាញឹក ឬនៅក្នុងកន្លែងដែលមានមនុស្សកកកុញទេ។ ខណៈដែលវាមានអត្ថប្រយោជន៍សំខាន់សម្រាប់ការសន្ទនាទូរសព្ទ ប៉ុន្តែក្រុមហ៊ុន Bose បានផលិតវាឡើង សម្រាប់ប្រើប្រាស់ជាពិសេសបម្រើដល់មុខងារបញ្ជារដោយសម្លេង ដូចជា Alexa និង Google Assistant ក៏ដូចជានៅក្នុងប្រព័ន្ធ Siri ផងដែរ។ បទពិសោធន៍នៃការស្តាប់ផ្ទាល់ ក៏ត្រូវបានពង្រឹងគុណភាពផងដែរ រួមមានការតំឡើងសៀគ្វី ដើម្បីលុបចោលនូវបញ្ហាចោទនៅក្នុងមុខងារលុបសម្លេងរំខាន។ នាពេលនេះអ្នកអាចកែតម្រូវកម្រិតនៃការលុបសម្លេងរំខាន នៅលើកាសស្តាប់ Bose ផងដែរ។ ដូចគ្នានឹងផលិតផលកាសស្តាប់ដទៃ ម៉ូដែល 700 អាចស្រូបយកសម្លេងខាងក្រៅបាន ដូច្នេះអ្នកអាចស្តាប់លើសម្លេងសន្ទនា ឬផ្តោតអារម្មណ៍លើចរាចរណ៍ ដោយពុំចាំបាច់ដោះកាសចេញឡើយ។ មុខងារ Noise-Masking ថ្មី នឹងបន្ថែមនូវសម្លេងលួងលោមកាន់តែប្រសើរ ដើម្បីជួយបិទសម្លេងនៃពិភពខាងក្រៅ និងពង្រឹងការផ្តោតអារម្មណ៍របស់អ្នកបានកាន់តែល្អប្រសើរ។

កាសស្តាប់ជំនាន់ថ្មីនេះ អាចដំណើរការបានរហូតដល់ 20 ម៉ោង ដោយប្រើប្រាស់ថាមពលថ្ម ដែលបានបត់ទៅក្នុងប្រអប់ចល័តដ៏រឹងមាំ ហើយវាក៏ផលិតឡើងនៅក្នុងជម្រើសពណ៌ខ្មៅ និងពណ៌ប្រាក់ផងដែរ។ កាសស្តាប់ថ្មីនេះនឹងបង្ហាញវត្តមាននៅក្នុងទីផ្សាសហរដ្ឋអាមេរិកនៅចុងខែមិថុនាខាងមុខ នៅក្នុងតម្លៃ $399 ហើយការកុម៉ង់ Pre-Order បានចាប់ផ្តើមទទួលចាប់ពីពេលនេះតទៅហើយ។
លើសពីនេះទៀត ក្រុមហ៊ុន Bose បានបង្ហាញពីតម្រុយឈុតផលិតផលកាសស្តាប់ All-Wireless Earbuds រួមមានម៉ូដែល Earbuds 500 និង Noise Cancelling Earbuds 700។ នៅពេលនេះ យើងមិនទាន់ទទួលបានព័ត៌មានលម្អិតជាក់លាក់សម្រាប់ម៉ូដែលទាំងពីរនេះនៅឡើយទេ ប៉ុន្តែអ្នកអាចរំពឹងថា ម៉ូដែល 500 អាចនឹងបង្ហាញវត្តមាននៅចុងឆ្នាំ 2019 នេះ ហើយម៉ូដែល 700 អាចនឹងបង្ហាញវត្តមាននៅក្នុងឆ្នាំ 2020។

ក្រុមហ៊ុន Bose បេ្តជ្ញាក្នុងការវាយលុកក្នុងទីផ្សារកាសស្តាប់ All-Wireless ដែលចាប់ផ្តើមដោយកាសស្តាប់ AirPods របស់ក្រុមហ៊ុន Apple ហើយក្រុមហ៊ុន Bose ក៏បានប៉ាន់ប្រមាណថា មនុស្សមួយចំនួននឹងជៀសវាងការទិញកាស Earbuds រហូតដល់ពួកគេស្វែងយល់ច្បាស់ពីអត្ថប្រយោជន៍របស់កាសស្តាប់ប្រភេទនេះ៕

ប្រភព: engadget ផ្នែក: បច្ចេកវិទ្យា, Accessories

អត្ថបទអ្នកចង់អាន

ទូរទស្សន៍ Samsung ស៊េរីឆ្នាំ 2019 អាចដំណើរការជាមួយកុំព្យូទ័របាន

ដោយ: ដួងច័ន្ទ 8 AM, Thursday, 03 Jan, 2019

ផលិតផលទូរទស្សន៍ Smart TV របស់ក្រុមហ៊ុន Samsung ម៉ូដែលថ្មីឆ្នាំ 2019 និងម៉ូដែលខ្ពស់ៗជាងនេះ នឹងត្រូវផលិតឡើងជាមួយសមត្ថភាពគ្រប់គ្រង និងដំណើរការកម្មវិធី...

ក្រុមហ៊ុន ជីហ្គៀ សហការជាមួយមជ្ឃមណ្ឌលផ្ដល់ឈាម រៀបចំកម្មវិធីបរិច្ចាគឈាម ក្រោមប្រធានបទ ផ្ដល់ឈាមសង្គ្រាះជីវិត

ដោយ: ទំនើប 8 PM, Thursday, 15 Mar, 2018

កាលពីថ្មីៗនេះ ក្រុមហ៊ុន ជីហ្គៀ បានសហការជាមួយមជ្ឃមណ្ឌលផ្ដល់ឈាម រៀបចំកម្មវិធីបរិច្ចាគឈាម ក្រោមប្រធានបទ ផ្ដល់ឈាម សង្គ្រាះជីវិត នៅ LG Brandshop សាខា ផ្...

ឧបករណ៍សាកថ្ម ចល័តស្អាតៗ សម្រាប់មិត្តយុវវ័យ

ដោយ: ដួងច័ន្ទ 10 PM, Sunday, 24 Dec, 2017

ជីវិតរបស់មនុស្សសម័យបច្ចុប្បន្ន ត្រូវការទូរសព្ទដៃ និង Tablet ស្ទើរគ្រប់ពេលវេលា ដូច្នេះអ្នកត្រូវការ ថាមពលថ្មគ្រប់ពេលសម្រាប់បញ្ចូល ទៅក្នុងឧបករណ៍អេឡិចត...

នាឡិកា Apple ថ្មី បន្ថែមមុខងារសុវត្ថិភាពកាន់តែច្រើន

ដោយ: ដួងច័ន្ទ 8 AM, Wednesday, 19 Sep, 2018

នាឡិកាដៃ Watch 3 បច្ចុប្បន្ននេះជាមជ្ឈមណ្ឌលជំនួយសុខភាពដ៏អស្ចារ្យមួយ ប៉ុន្តែក្រុមហ៊ុនApple បាននាំវាឆ្ពោះទៅរកស្តង់ដាកម្រិតថ្មី ជាមួយនឹងម៉ូដែលនាឡិកាជំន...

Tomnerb.Com - YouTube Channel