ចូលចិត្តទំនើប

ទាក់ភ្នែកជាមួយរូបរាងរបស់ Honor View 20

ដោយ: ដួងច័ន្ទ 8 AM, Monday, 14 Jan, 2019

ថ្មីៗនេះក្រុមហ៊ុន Huawei មានទំនាក់ទំនងមិនសូវល្អសោះជាមួយសហរដ្ឋអាមេរិក ប៉ុន្តែក្រុមហ៊ុនមួយនេះនៅតែបង្ហាញខ្លួននៅក្នុងព្រឹត្តិការណ៍ CES ដោយបានដាក់បង្ហាញផលិតផលជាច្រើនប្រភេទ រួមមាន Laptop ឧបករណ៍ព្រីនរូបថតចល័ត និងផលិតផលដ៏គួរឱ្យភ្ញាក់ផ្អើលគឺ ទូរសព្ទ Honor View 20។
ទូរសព្ទ Honor View 20 មានបំពាក់បន្ទះឈីប Kirin 980 របស់ក្រុមហ៊ុន Huawei ផ្ទាល់ មានជម្រើស RAM ទំហំ 6GB ឬ 8GB មានឃ្លាំងផ្ទុកទិន្នន័យទំហំ 256GB មានបំពាក់ថ្មមានកម្លាំង 4,000mAh និងមានកាមេរ៉ាក្រោយទំហំ 48 megapixel។

ទូរសព្ទម៉ូដែលថ្មីមួយនេះ មានការរចនារូបរាងដ៏ទាក់ទាញជាមួយផ្ទាំង Laser-Etched V បង្កប់នៅពីក្រោមកញ្ចក់ នៅតួខាងក្រោយរបស់ទូរសព្ទ។ ចំណុចកាន់តែទាក់ទាញគឺអេក្រង់ខាងមុខ ដែលជាអេក្រង់ LCD ទំហំ 6.4 inch ដែលមិនមានសល់ចន្លោះសម្រាប់ Bezel ទេ ហើយយើងក៏មិនភ្លេចកាមេរ៉ាមុខទំហំ 25 megapixel ដែលបង្កប់នៅក្នុងរន្ធតូចមួយនៅលើផ្ទៃអេក្រង់ផ្ទាល់តែម្តង។នេះគឺជាម៉ូដែលទូរសព្ទដៃថ្មីមួយក្នុងចំណោមម៉ូដែលទូរសព្ទដែលមានអេក្រង់ Hole-Punch ដែលយើងអាចប៉ាន់ប្រមាណថា នេះជាអនាគតនៃការរចនាម៉ូដនៅលើ Smartphone។

Honor View 20 ត្រូវបានគេអះអាងថា មានល្បឿនលឿន ទោះបីជាវាប្រើប្រាស់ Honor UI Interface ដែលដំណើរការជាមួយប្រព័ន្ធ Android 9.0 Pie។ ក្រៅពីរូបរាងដ៏ទាក់ទាញ ទូរសព្ទ View 20 បង្កប់ដោយមុខងារពិសេសៗមួយចំនួនទៀត ជាពិសេសមុខងាររបស់កាមេរ៉ាទំហំ 48 megapixel។ បន្ថែមទៅលើសមត្ថភាពរបស់កាមេរ៉ាដើម Huawei ក៏បានបន្ថែមឧបករណ៍ Secondary Time-of-Flight Sensor មួយគ្រឿងផងដែរ ដើម្បីជាជំនួយដល់ទូរសព្ទក្នុងការចាប់យកអ្វីមួយដែលស្ថិតនៅខាងមុខវាកាន់តែច្បាស់។

ជាមួយការសាកល្បងលេងហ្គេមបែប Motion-Tracked យើងអាចនិយាយបានថាប្រព័ន្ធរបស់វាដំណើរការយ៉ាងល្អ ដូចដែលបានរៀបរាប់នៅក្នុងការផ្សាយពាណិជ្ជកម្ម ហើយជាមួយការសាកល្បងប្រើប្រាស់លើមុខងារថ្មី Link Turbo ដែលអនុញ្ញាតឱ្យទូរសព្ទប្រើប្រាស់ការតភ្ជាប់បណ្តាញ LTE និង WiFi នៅក្នុងពេលតែមួយ សម្រាប់កម្មវត្ថុខុសៗគ្នា យើងសង្កេតឃើញថា កម្មវិធីមួយ ដែលទាមទារនូវការតភ្ជាប់បណ្តាញដ៏ជឿជាក់មួយ អាចនៅតែបន្តប្រើប្រាស់បណ្តាញ WiFi ខណៈកម្មវិធីមួយផ្សេងទៀត អាចនឹងពឹងអាស្រ័យលើបណ្តាញ LTE សម្រាប់មុខងារដែលមិនត្រូវការល្បឿនខ្លាំង។

ប្រិយមិត្ត Smartphone នៅក្នុងប្រទេសចិនអាចចាប់ផ្តើមទិញទូរសព្ទ View 20 បានហើយ ប៉ុន្តែក្រុមហ៊ុន Huawei រងចាំការចេញលក់ជាសកល ដែលនឹងប្រព្រឹត្តទៅនៅទីក្រុងប៉ារីស នៅចុងខែនេះ៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

ម៉ូតអំពូលភ្លើង ក្នុងការិយាល័យ

ដោយ: ដួងច័ន្ទ 6 PM, Wednesday, 16 Aug, 2017

ទំនើប សូមណែនាំជូននូវម៉ូដអំពូលប្លែកៗ តែពោរពេញដោយភាពទាក់ទាញ និងគំនិតច្នៃប្រឌិតខ្ពស់ សម្រាប់ប្រើប្រាស់លើតុការិយាល័យ។ Minimalist Design គ្រាន់តែជាម៉ូដអ...

ឧបករណ៍សាកថ្មគ្មានខ្សែថ្មីពី Mophie

ដោយ: ដួងច័ន្ទ 8 AM, Tuesday, 04 Sep, 2018

ក្នុងសប្តាហ៍ថ្មីនេះ ក្រុមហ៊ុន Mophie បានប្រកាសអំពីផលិតផលសាកថ្មគ្មានខ្សែថ្មីចំនួន 4 ប្រភេទ។ ផលិតផលថ្មីៗទាំងនោះរួមមាន Charge Stream Vent Mount, Charg...

Galaxy Fold អាចនឹងបើកផ្លូវដល់ ទូរសព្ទអេក្រង់បត់ 2 ផ្សេងទៀត

ដោយ: ដួងច័ន្ទ 9 AM, Saturday, 09 Mar, 2019

បើសិនជាអ្នកគិតថាការបញ្ចេញលក់ឧបករណ៍ដែលមានភាពបត់បែនរបស់ក្រុមហ៊ុន Samsung នឹងត្រូវបញ្ចប់ ជាមួយនឹងទូរសព្ទ Galaxy Fold នោះគឺអ្នកគិតខុសហើយ។ សារព័ត៌មាន Bl...

មកស្គាល់ 10 Gadgets ដ៏ល្អបំផុត សម្រាប់ប្រើប្រាស់ក្នុងផ្ទះបាយ នៅថ្ងៃនេះ!

ដោយ: ភារុន 8 AM, Wednesday, 03 Apr, 2019

នៅពីក្រោយរូបមន្តចម្អិនម្ហូបអាហារ ប្រចាំគ្រួសារនីមួយៗ សុទ្ធតែមានគ្រឿងផ្សំដ៏សម្ងាត់ ដែលធ្វើឱ្យរសជាតិអាហារកាន់តែមានរសជាតិឆ្ងាញ់ ហើយជាទូទៅក៏ត្រូវបានរួម...

Tomnerb.Com - YouTube Channel