ចូលចិត្តទំនើប

កាមេរ៉ា RX100 ស៊េរីចុងក្រោយបំផុត របស់ Sony ទទួលបានរន្ធ Mic

ដោយ: ភារុន 10 AM, Saturday, 27 Jul, 2019

ក្រុមហ៊ុន Sony ទំនងជាទើបតែបញ្ចេញ RX100 VI កាលពីឆ្នាំមុន ប៉ុន្តែឥឡូវនេះ ក្រុមហ៊ុននេះក៏បានត្រឡប់មក ជាមួយនឹងម៉ូដែលថ្មី នោះគឺ RX100 VII ប៉ុន្តែនេះគឺជាឈ្មោះ ដែលមិនសូវមាននរណាម្នាក់ហៅ នៅខាងក្រៅកាតាឡុកផលិតផលនោះទេ។ សម្រាប់ម៉ូដែលថ្មីនេះ គឺត្រូវបានគេហៅថា RX100 ដែលជាកាមេរ៉ាដំបូងបង្អស់ ដែលមានរន្ធ Mic (រន្ធមីក្រូហ្វូន) ខាងក្រៅ។ នេះគឺជាការបន្ថែម ដែលត្រូវបានដាក់ស្នើមកជាយូរណាស់ហើយ ក៏ដូចជាការតាមដានពេលវេលា ពិតប្រាកដរបស់ក្រុមហ៊ុន Sony ផងដែរ ហើយនឹងប្រព័ន្ធ Real-time Eye Autofocus ដែលត្រូវបានណែនាំនៅលើម៉ូដែល A6400 និង A9 ផងដែរ។


កញ្ចក់ Len របស់កាមេរ៉ា RX100 VII គឺដូចគ្នាទៅនឹងកាមេរ៉ាម៉ូដែលឆ្នាំមុន៖ កែវពង្រីក 24-200mm ជាមួយនឹង f/2.8-4.5 Aperture ដែលផ្តល់នូវការពង្រីក 8.3x Optical និងមាន Sensor ទំហំ 20-megapixel 1-inch ដែលបានតំឡើងទៅជា Stacked Sensor តាមរយៈការប្រើប្រាស់បច្ចេកវិទ្យាស្រដៀងគ្នានេះ ដូចជា Version ស៊ុមកញ្ចក់ពេញ ដែលត្រូវបានរកឃើញនៅក្នុងម៉ូដែល A9 ។


ការបន្ថែមដ៏សំខាន់បំផុត នោះគឺការបន្ថែមរន្ធ Mic ទំហំ 3.5mm ដែលមានន័យថាការបង្កើត មាតិកា នឹងពិតជាអាចធ្វើទៅបាន ប្រសិនបើអ្នកប្រើប្រាស់កាមេរ៉ា RX100 VII ដូចទៅនឹងការប្រើប្រាស់មុខងារជាច្រើន នៅក្នុងឧបករណ៍តែមួយដែរ។ ឧទាហរណ៍ ការថតវីដេអូ ដោយមិនចាំបាច់ព្រួយបារម្ភអំពីលទ្ធផល ដោយសារតែគ្មានរន្ធ Mic របស់កាមេរ៉ាតទៅទៀត។

ម្យ៉ាងទៀត ក្រុមហ៊ុន Sony ទំនងជាដឹងថាកាមេរ៉ា RX100 VII នឹងត្រូវបានក្លាយជាកាមេរ៉ាដ៏ពិសេស ដើម្បីពន្លេចរូបរាងដ៏ពិសេសរបស់វាដល់ Vloggers ។ ហើយក្រុមហ៊ុន ក៏នឹងប្រកាសលក់ផលិតផល RX100 VII នេះនៅក្នុង «Shooting Grip Kit» រួមមាន៖ កាមេរ៉ា, ឧបករណ៍កាន់ (តភ្ជាប់ទៅជើងទម្រកាមេរ៉ា), តង្ក្រៀបមីក្រូហ្វូន (មីក្រូហ្វូនត្រូវបានដាក់លក់ដាច់ដោយឡែក), និងថ្មថាមពលពីរគ្រាប់។ ការរួមបញ្ចូលឧបករណ៍ទាំងនេះ ធ្វើឱ្យការថតវីដេអូរបស់អ្នក កាន់តែល្អប្រសើរ ហើយក្រុមហ៊ុន Sony ក៏បានអះអាងថា វាគឺជាកាមេរ៉ាមានកម្រិតខ្ពស់ ជាងកាមេរ៉ាម៉ូដែល RX100 VI ហើយសម្រាប់អេក្រង់ Flip-up របស់កាមេរ៉ានឹងធ្វើឱ្យ Vloggers កាន់តែទទួលបានភាពងាយស្រួលក្នុងការថតវីដេអូផ្សេងៗ។

កាមេរ៉ា RX100 VII នឹងចេញលក់នៅក្នុងខែ សីហា ឆ្នាំ2019 នៅក្នុងតម្លៃ $1,200 ត្រឹមតែកាមេរ៉ាមួយមុខ ដែលវាអាចបញ្ជាទិញមុនបាននៅលើ B&H Photo និង Adorama នៅថ្ងៃបន្ទាប់នេះ៕

ប្រភព: theverge ផ្នែក: បច្ចេកវិទ្យា, កាម៉េរ៉ា

អត្ថបទអ្នកចង់អាន

រថយន្តចាស់កាលពី 15 ឆ្នាំមុន នៅតែមានប្រជាប្រិយ

ដោយ: ដួងច័ន្ទ 9 PM, Sunday, 14 Jan, 2018

នៅពេលអ្នកទិញរថយន្តថ្មីមួយគ្រឿង ជាទូទៅអ្នកតែងមានបំណងប្រាថ្នាធំមួយ គឺអ្នកចង់ប្រើប្រាស់ វាឱ្យបានយូរ។ បើសិនជាអ្នកចេះថែរក្សាបានល្អ អ្នកអាចប្រើប្រាស់រថយន...

កាមេរ៉ា X-A7 កម្រិត Entry របស់ Fujifilm ភ្ជាប់មកជាមួយនឹងវីដេអូ 4K និងការចង្អុលបង្ហាញមុខ!

ដោយ: ភារុន 9 AM, Tuesday, 17 Sep, 2019

ក្រុមហ៊ុន Fujifilm បានដាក់បង្ហាញកាមេរ៉ា X-A7 កម្រិត Entry ជាមួយនឹងមុខងារថ្មីៗសំខាន់ៗមួយចំនួន ដែលធ្វើឱ្យវាមានភាពប្រសើរឡើងជាងម៉ូដែលកាមេរ៉ា X-A5 ស៊េរី...

Logitech MX ជាប្រភេទ Mouse ប្រើប្រាស់ជាមួយកុំព្យូទ័រពហុកម្មវិធី

ដោយ: ដួងច័ន្ទ 8 PM, Monday, 05 Jun, 2017

Mouse កុំព្យូទ័រភាគច្រើនត្រូវបានបង្កើតឡើង ជាមួយនឹងការសន្មត់ថា អ្នកនឹងប្រើប្រាស់វាជាគូនឹងកុំព្យូទ័រមួយគ្រឿង។ ប៉ុន្តែវាមិនមែនជាធាតុពិត សម្រាប់បច្ចេកវ...

Google នាំយក Window 10 ទៅគាំទ្រដល់ Chromebook

ដោយ: ដួងច័ន្ទ 9 AM, Thursday, 16 Aug, 2018

អ្នកប្រហែលជាមិនចាំបាច់ប្រើប្រាស់ Pixelbook ទេ បើសិនជាអ្នកជាប្រិយមិត្តរបស់ Chromebook ដែលដំណើរការជាមួយប្រព័ន្ធ Window 10។ ក្រុមហ៊ុន XDA-Developer ...

Tomnerb.Com - YouTube Channel