ចូលចិត្តទំនើប

ទូរទស្សន៍ Sony ថ្មី ជាមួយមុខងារ Apple AirPlay

ដោយ: ដួងច័ន្ទ 8 AM, Tuesday, 15 Jan, 2019

មុខងារ AirPlay បង្ហាញវត្តមាននៅគ្រប់ទីកន្លែងនៅក្នុងព្រឹត្តិការណ៍ CES 2019 យ៉ាងហោចណាស់ក៏វាមានវត្តមាននៅលើទូរទស្សន៍ដែរ។ នៅក្នុងនោះ ផលិតផលទូរទស្សន៍ម៉ូដែលចុងក្រោយរបស់ក្រុមហ៊ុន Sony ក៏មានលក្ខណៈពិសេសដូចគ្នានេះដែរ។

ក្រុមហ៊ុន Sony បានប្រកាសថាទូរទស្សន៍ម៉ូដែល Z9G Series 8K LCD, A9G Series OLED និងម៉ូដែល X950G 4K LCD នឹងបន្ថែមការគាំទ្រសម្រាប់មុខងារ AirPlay 2 និង HomeKit របស់ Apple នៅក្នុងពេលឆាប់ៗ នៅក្នុងឆ្នាំនេះ។

ស្រដៀងគ្នានឹងអ្វីដែលយើងធ្លាប់បានឃើញ ចេញពីម៉ូដែលទូរទស្សន៍ដទៃ ដូចជា LG និង Vizio ជាដើម មុខងារថ្មីនេះនឹងអនុញ្ញាតឱ្យអ្នកប្រើប្រាស់ធ្វើការរួមបញ្ចូលទូរទស្សន៍យ៉ាងងាយស្រួលជាមួយឧបករណ៍ Smart Home ដទៃទៀត ដែលអាចដំណើរការជាមួយកម្មវិធីរបស់ Apple និងប្រើប្រាស់មុខងារ AirPlay 2 សម្រាប់ការផ្គូផ្គង Multiroom Audio ជាដើម។
នៅលើផលិតផលទូរទស្សន៍របស់ក្រុមហ៊ុន Sony ចំណុចនេះមានន័យថាជាការរួមបញ្ចូលបច្ចេកវិទ្យារបស់ Apple ជាមួយទម្រង់ទូរទស្សន៍ Android ដែលជាប្រភពដើមរបស់ទូរទស្សន៍។ នៅក្នុងនោះមិនមានហេតុផលបច្ចេកទេសណាមួយដែលវាមិនអាចកើតឡើងនោះទេ ប៉ុន្តែវាជាកត្តាដ៏ទាក់ទាញមួយ ហើយវាក៏មានន័យថា អ្នកប្រើប្រាស់នឹងមានជម្រើសកាន់តែប្រសើរ ក្នុងការជ្រើសរើស រវាងមុខងារ Cast Protocol របស់ Google និងបច្ចេកវិទ្យារបស់ Apple។ ប្រាកដណាស់ថា កម្មវិធី Full-On iTunes App នៅតែជាកម្មវិធីផ្តាច់មុខនៅលើទូរទស្សន៍ Smart TV របស់ Samsung នាពេលបច្ចុប្បន្ន ប៉ុន្តែអ្វីដែលក្រុមហ៊ុន Sony នាំមកជូននាពេលនេះគឺជាចំណុចចាប់ផ្តើមនៃទំព័របច្ចេកវិទ្យាថ្មី។

មកទល់ពេលនេះ មិនមានព័ត៌មានជាក់លាក់ណាមួយអំពីពេលវេលា ដែលមុខងារនេះនឹងបង្ហាញវត្តមានជាផ្លូវការ ឬអំពីការពង្រីកវិសាលភាពទៅក្នុងម៉ូដែលទូរទស្សន៍ចាស់ៗនៅឡើយទេ ប៉ុន្តែ គេហទំព័រទំនើប នឹងបន្តធ្វើបច្ចុប្បន្នភាពព័ត៌មានថ្មីៗជាបន្តបន្ទាប់ទៀត សម្រាប់មិត្តអ្នកអានទាំងអស់ ជាពិសេសប្រិយមិត្តស្មោះស្ម័គ្ររបស់ Sony៕

ប្រភព: engadget ផ្នែក: បច្ចេកវិទ្យា, ទូរទស្សន៍

អត្ថបទអ្នកចង់អាន

Sony បន្ថែមមុខងារ Alexa នៅក្នុងកាសស្តាប់ថ្មី

ដោយ: ដួងច័ន្ទ 8 AM, Friday, 18 Jan, 2019

កាសស្តាប់របស់ក្រុមហ៊ុន Sony ម៉ូដែល WH-1000XM3 គឺជាម៉ូដែលកាសស្តាប់ ដែលមានសមត្ថភាពលុបសម្លេងរំខានបានល្អជាងគេ ដែលអ្នកអាចរកទិញបាននៅក្នុងទីផ្សារនាពេលបច្ច...

មកដឹង! របៀបផ្ទេរទិន្នន័យគ្រប់យ៉ាង ពីទូរស័ព្ទ iPhone ទៅទូរស័ព្ទប្រើប្រព័ន្ធប្រតិបត្តិការ Android

ដោយ: ភារុន 2 PM, Sunday, 27 Jan, 2019

អ្នកអាចផ្ទេរទិន្នន័យគ្រប់យ៉ាងពីទូរស័ព្ទ iPhone ទៅកាន់ទូរស័ព្ទប្រើប្រព័ន្ធប្រតិបត្តិការ Android យ៉ាងដូចម្តេច? នេះសំណួរដែលកើតមាននៅពេលអ្នកសម្រេចចិត្តច...

វិធីលាងសម្អាត អេក្រង់

ដោយ: ដួងច័ន្ទ 7 AM, Tuesday, 22 Aug, 2017

នេះជាដំណោះស្រាយដ៏ល្អបំផុត សម្រាប់ការលាងសម្អាតអេក្រង់គ្រប់ប្រភេទ ម្យ៉ាងវិញទៀតវាជាវិធីសាស្រ្តដ៏សាមញ្ញបំផុត។ វិធីសាស្រ្តល្អបំផុត សម្រាប់ការសម្អាតអេក្រ...

ឧបករណ៍បន្ថែម ដ៏ចម្លែករបស់ iPhone

ដោយ: ចរិយា 10 PM, Wednesday, 07 Dec, 2016

iPhone ជាទូរសព្ទដ៏ពេញនិយម សម្រាប់ប្រជាជនកម្ពុជា។ ទូរសព្ទនេះចេញស៊េរីអី ក៏មកដល់កម្ពុជាដែរ។ ប៉ុន្តែ ឧបករណ៍បន្ថែម សម្រាប់ប្រើជាមួយ iPhone គ្មានអ្វីក្រៅ...

Tomnerb.Com - YouTube Channel