ចូលចិត្តទំនើប

USB-C Hub ថ្មី ដោះស្រាយបញ្ហារន្ធដោតនៅលើ iMac

ដោយ: ដួងច័ន្ទ 8 AM, Saturday, 29 Dec, 2018

ផលិតផល iMac របស់ Apple ត្រូវបានផលិតឡើងជាមួយការសម្រេចចិត្តលាក់រន្ធដោតទាំងអស់ នៅខាងក្រោយតួកុំព្យូទ័រ ដែលការសម្រេចចិត្តនេះធ្វើឡើងជិតមួយទស្សវត្សន៍មកហើយ។ ខណៈដែលវាមានរូបរាងល្អគន់ ប៉ុន្តែសម្រាប់អ្នកដែលមានតម្រូវការប្រើប្រាស់ខ្សែភ្ជាប់ USB និងខ្សែភ្ជាប់ដទៃទៀត ករណីលាក់កំបាំងរន្ធដោតនេះពុំសូវសមប្រកបសម្រាប់អតិថិជនប្រភេទនេះឡើយ។

ផលិតផល Stand Hub ថ្មីពីក្រុមហ៊ុន Satechi ទំនងជាជម្រើសផលិតផលដែលផ្តល់នូវដំណោះស្រាយល្អមួយ សម្រាប់អ្នកដែលមានបញ្ហាជាមួយរន្ធដោតនៅខាងក្រោយ។ វាត្រូវបានរចនាឡើងមានលក្ខណៈជាជើងបញ្ឈរធ្វើពីអាលុយពីញ៉ូមដ៏សាមញ្ញ ដែលធ្វើការភ្ជាប់តាមរយៈ USB-C និងផ្តល់រន្ធដោត USB-C ចំនួនមួយ រន្ធដោត USB Type-A ចំនួន 3 រន្ធដាក់ SD និង microSD Card និងរន្ធដោតកាសស្តាប់មួយ ដែលរន្ធភ្ជាប់ទាំងអស់នេះត្រូវបានរចនាឡើងផ្តល់នូវភាពងាយស្រួលសម្រាប់ការប្រើប្រាស់។
សម្រាប់ផលិតផល Mac ចាស់ៗ ដែលមិនមានរន្ធ USB-C ក្រុមហ៊ុន Satechi នឹងរួមបញ្ចូល Adapter ប្រភេទ USB-C to USB Type-A មួយគ្រឿង ដូច្នេះអ្នកនឹងនៅតែអាចទទួលបានអត្ថប្រយោជន៍ពីរន្ធដោតបន្ថែមទាំងនោះ។

ខណៈដែល Stand Hub ត្រូវបានផលិតឡើងសម្រាប់ការប្រើប្រាស់ជាមួយ iMac របស់ Apple ដោយសារវាផលិតឡើងពីអាលុយមីញ៉ូមជាគូនឹងគ្នា និងមានជម្រើសពណ៌ Space Gray សម្រាប់អ្នកប្រើប្រាស់ iMac Pro ផងនោះ វាមិនមានហេតុផលណាដែលអ្នកមិនអាចប្រើប្រាស់វាជាមួយកុំព្យូទ័រប្រភេទ USB-C ដទៃទៀត ដែលសក្តិសមនឹងជើងបញ្ឈរនេះទេ។

ផលិតផល Stand Hub មានដាក់លក់ក្នុងទីផ្សារចាប់ពីថ្ងៃនេះតទៅ ជាមួយតម្លៃ $89.99 ជាតម្លៃលក់នៅលើគេហទំព័ររបស់ក្រុមហ៊ុន Satechi និងនៅលើគេហទំព័រលក់ទំនិញ Amazon។

វាមិនមែនជាជម្រើសផលិតផលមានតម្លៃទាបបំផុតទេ ប៉ុន្តែការរួមបញ្ចូលនៃ USB-C និងការរចនាម៉ូដបែប iMac ជាពិសេសនេះ អាចនឹងធ្វើឱ្យវាក្លាយជាផលិតផលដ៏មានតម្លៃសម្រាប់អ្នក បើសិនជាជម្រើសពិសេសៗទាំងនោះជាអាទិភាពសម្រាប់អ្នក។

ប្រភព: theverge ផ្នែក: បច្ចេកវិទ្យា, កុំព្យូទ័រ

អត្ថបទអ្នកចង់អាន

ទូរសព្ទ Realme X ថ្មី ប្លែកដូចម្តេច?

ដោយ: ដួងច័ន្ទ 8 AM, Friday, 17 May, 2019

យើងពុំសូវមានអត្ថបទលើកបង្ហាញពីប្រភេទទូរសព្ទថ្នាក់កណ្តាលទេ ប៉ុន្តែនៅពេលដែលយើងមាន នោះវាពិតជាមានហេតុផលដ៏សមស្របមួយ។ ថ្ងៃនេះ គេហទំព័រទំនើប សូមបង្ហាញពីទូរ...

ក្រុមហ៊ុន Sony ចង់ឱ្យទូរសព្ទ នាពេលអនាគតប្រើប្រាស់បច្ចេកវិទ្យា ចែករំលែកថាមពលថ្មដោយគ្មានខ្សែ

ដោយ: ដួងច័ន្ទ 5 PM, Wednesday, 22 Mar, 2017

ការបញ្ចូលថាមពលថ្មទូរសព្ទដៃ ដោយគ្មានខ្សែ មិនមែនជាបច្ចេកវិទ្យាថ្មីទេ។ ក្នុងឆ្នាំ២០១២ ទូរសព្ទ Nokia Lumia មានបំពាក់នូវប្រព័ន្ធបញ្ចូលថាមពល Qi Wireless ...

សោរកង់ ដ៏ឆ្លាតវៃ

ដោយ: ដួងច័ន្ទ 10 PM, Wednesday, 08 Nov, 2017

ម្ចាស់ទោចក្រយានគ្រប់រូប តែងមានក្តីបារម្ភដូចៗគ្នា ហើយក្តីបារម្ភនោះគឺ មិនថាអ្នកបានចាក់សោរកង់តឹងយ៉ាងណា នៅតែមានអ្នកអាចដោះសោរកង់ និងលួចយកកង់របស់អ្នកបាន។...

ឥឡូវនេះ Twitter អនុញ្ញាតឱ្យអ្នករាយការណ៍ ពីគណនីដែលសង្ស័យថា Fake គណនី

ដោយ: ភារុន 8 AM, Saturday, 10 Nov, 2018

នាពេលបច្ចុប្បន្ននេះ ក្រុមហ៊ុនបណ្តាញទំនាក់ទំនងសង្គម Twitter បានធ្វើការ Update ផ្នែកមួយនៃប្រព័ន្ធដំណើរការរាយការណ៍ ជាពិសេសនៅពេលដែលអ្នកចង់រាយការណ៍អំពី ...

Tomnerb.Com - YouTube Channel