ចូលចិត្តទំនើប

microSD ទំហំ 1TB របស់ SanDisk ចេញលក់ហើយ

ដោយ: ដួងច័ន្ទ 8 AM, Thursday, 23 May, 2019

ផលិតផលអង្គចងចាំ Extreme microSD ទំហំ 1TB របស់ក្រុមហ៊ុន SanDisk គឺជាអង្គចងចាំមានសមត្ថភាពធំជាងគេ ដែលមិនទាន់ធ្លាប់មាននៅក្នុងទីផ្សាពីមុនមក ហើយនាពេលនេះ អ្នកអាចទិញវាយកមកប្រើប្រាស់បានហើយនៅក្នុងតម្លៃ $449.99។

សម្រាប់ទីកន្លែងដែលអ្នកអាចស្វែងរកទិញវាបាននាពេលនេះ គឹវាមានដាក់លក់នៅតាមបណ្តាហាងរបស់ SanDisk។ B&H Photo ក៏មានទទួលការកុម៉ង់ទិញសម្រាប់អង្គចងចាំថ្មីនេះដែរ។ ចំណែកគេហទំព័រលក់ទំនិញដ៏ល្បីល្បាញ Amazon ក៏មានតារាងរាយនាមផលិតផលថ្មីនេះដែរ ទោះបីជា បច្ចុប្បន្ននេះ វាមិនទាន់មានដាក់លក់នៅសហរដ្ឋអាមេរិកក្តី។ អ្នកអាចទិញអង្គចងចាំថ្មីនេះបាន តាមរយៈ Amazon បើសិនជាអ្នកស្ថិតនៅក្នុងប្រទេសអេស្ប៉ាញ អាល្លឺម៉ង់ ឬចក្រភពអង់គ្លេស។ យោងតាមគេហទំព័រ Tom’s Guide អាស្រ័យលើទីកន្លែងដែលអ្នករស់នៅ ការដឹកជញ្ជូនអាចនឹងត្រូវពន្យារពេលរហូតដល់ 3 ខែ រាប់ចាប់ពីថ្ងៃនេះតទៅ។

ផលិតផលអង្គចងចាំ microSD ស្រឡាយ Extreme របស់ក្រុមហ៊ុន SanDisk ត្រូវបានផ្សព្វផ្សាយថា មានសមត្ថភាពអាន (Read) ក្នុងល្បឿន 160MB ក្នុងមួយវិនាទី និងសមត្ថភាពសរសេរ (Write) ក្នុងល្បឿន 90MB ក្នុងមួយវិនាទី ហើយអង្គចងចាំសមត្ថភាពខ្ពស់ថ្មីមួយនេះ ក៏ដើរតាមគន្លងដូចគ្នានេះដែរ។
ក្នុងន័យនេះ វាគឺជាជម្រើសប្រសើរជាងអង្គចងចាំ Ultra microSD របស់ SanDisk បើសិនជាអ្នកធ្វើការថតយកវីដេអូ 4K ច្រើន។ ការផ្ទេរទិន្នន័យ និងថេរវេលា Load គួរតែមានល្បឿនឆាប់ជាងមុនបន្តិចផងដែរ។ បើសិនជាអ្នកមានចំណាប់អារម្មណ៍ ចង់ប្រើប្រាស់អង្គចងចាំ microSD ទំហំ 1TB ថ្មីនេះ អ្នកគួរតែប្រាកដថា ឧបករណ៍របស់អ្នកសក្តិសមនឹងប្រើប្រាស់វា។

ការក្លាយជាម្ចាស់អង្គចងចាំ microSD ទំហំ 1TB ដំបូងបង្អស់ទំនងជាពិសេសខ្លាំងណាស់ ប៉ុន្តែមានភាពឡូយឆាយនេះមិនចាំបាច់សម្រាប់អ្នក ធៀបនឹងការសន្សំសំចៃថវិកា អ្នកនៅមានជម្រើសតូចៗមួយចំនួនទៀត ដែលមានតម្លៃសមរម្យ។ microSD ទំហំ 512GB របស់ក្រុមហ៊ុន Samsung មានដាក់លក់នៅលើ Amazon ក្នុងតម្លៃត្រឹមតែ $99.99 ប៉ុណ្ណោះ ហើយជម្រើស Ultra microSD ទំហំ 400GB របស់ SanDisk ក៏មានផងដែរ ក្នុងតម្លៃត្រឹមតែ $56.99 ប៉ុណ្ណោះ៕

ប្រភព: theverge ផ្នែក: បច្ចេកវិទ្យា, Accessories

អត្ថបទអ្នកចង់អាន

ជម្រើសកាមេរ៉ា សម្រាប់ការដើរកំសាន្ត

ដោយ: ដួងច័ន្ទ 9 PM, Monday, 25 Dec, 2017

នៅពេលអ្នកធ្វើដំណើរកំសាន្ត នារដូវវស្សមកាល ជាទូទៅអ្នកពិតជាចង់យកកាមេរ៉ាជាប់នឹងខ្លួន ទោះ បីកាមេរ៉ាទូរសព្ទ Smartphone របស់អ្នក ក៏ពុំអាចបំពេញតម្រូវការថតរ...

ទូរទស្សន៍ LG OLED ទំហំ 77 inch មានតម្លៃស្មើនឹងឡានមួយគ្រឿង

ដោយ: ដួងច័ន្ទ 9 PM, Sunday, 02 Jul, 2017

ទូរទស្សន៍ LG ម៉ូដែល W Series ដែលជាទូរទស្សន៍អេក្រង់ OLED បំពាក់បច្ចេកវិទ្យា 4K បានផ្តល់ ភាពភ្ញាក់ផ្អើលដល់អ្នកទាំងអស់គ្នា នៅក្នុងព្រឹតិ្តការណ៍ CES ជា...

Forza Horizon 2 នឹងចាកចេញពី Xbox

ដោយ: ដួងច័ន្ទ 9 AM, Tuesday, 21 Aug, 2018

យើងសង្ឃឹមថាអ្នកមិននឹងមិនគិតថាស្វែងរកទិញហ្គេម Forza Horizon 2 ក្នុងតម្លៃទាបទៀតឡើយ ព្រោះពេលនេះហ្គេម Horizon 4 ក៏ជិតចេញលក់ហើយដែរ។ ក្រុមហ៊ុន Turn 10 ...

Zero Motorcycle ស៊េរី 2019 ថាមពលកាន់តែខ្លាំង

ដោយ: ដួងច័ន្ទ 8 AM, Saturday, 27 Oct, 2018

Zero Motorcycle បានបង្ហាញកិត្តិនាមនៅក្នុងទីផ្សា ដោយធ្វើការណែនាំផលិតផលម៉ូតូអគ្គិសនី ដែលទាក់ទាញអ្នកដែលចូលចិត្តជិះម៉ូតូ ក៏ដូចជាអ្នកដែលចង់បានជម្រើសផ្សេ...

Tomnerb.Com - YouTube Channel