ចូលចិត្តទំនើប

Galaxy Fold អាចពន្យាររហូតដល់ខែកក្កដា?

ដោយ: ដួងច័ន្ទ 8 AM, Friday, 28 Jun, 2019

ករណីដ៏ចម្លែករបស់ក្រុមហ៊ុន Samsung សម្រាប់ផលិតផលទូរសព្ទម៉ូដែល Galaxy Fold អាចនឹងបន្តអូសបន្លាយពេញមួយរដូវក្តៅ ពាក់កណ្តាលឆ្នាំនេះ។ នេះជាសេចក្តីរាយការណ៍មួយដែលយើងទទួលបានពីសារព័ត៌មាន The Korea Herald។


សារព័ត៌មានមួយនេះកាលពីខែឧសភា បានលើកឡើងថា ក្រុមហ៊ុន Samsung អាចទាញចេញសេចក្តីសន្និដ្ឋានមួយនៅលើការបញ្ចេញលក់ផលិតផលថ្មីនៅក្នុងរយៈពេលប៉ុន្មានថ្ងៃបន្ទាប់។ ប៉ុន្តែនាពេលនេះ សារព័ត៌មានដដែលនេះបានលើកឡើងថា យោងតាមបុគ្គលិករបស់ក្រុមហ៊ុន Samsung បើសិនជាទូរសព្ទ Galaxy Fold នឹងត្រូវចេញលក់នៅក្នុងខែកក្កដា ដូច្នេះក្រុមហ៊ុននឹងត្រូវរៀបចំចាប់ពីពេលនេះតទៅ។ សារព័ត៌មាននេះក៏បានលើកឡើងដែរថា លោក DJ Koh នាយកប្រតិបត្តិក្រុមហ៊ុនបានរៀបរាប់ប្រាប់សារព័ត៌មានដទៃទៀតកាលពីសប្តាហ៍មុនថាទូរសព្ទថ្មីនេះអាចនឹងមកដល់មុនខែកក្កដាចូលមក។
ដូច្នេះតើអ្វីជាការពិតទៅ? នៅត្រង់ចំណុចនេះ វាការពិបាកក្នុងការស្វែងយល់ឱ្យលើសពីសកម្មភាពរបស់ក្រុមហ៊ុនណាស់។ នៅក្នុងរយៈពេលមួយសប្តាហ៍ទៀត គឺជារយៈពេលកំណត់ 2 ខែ នៃការប្រកាសពន្យារពេលចេញលក់ Galaxy Fold បន្ទាប់ពីទទួលបានការរាយការណ៍ពី Reviewer ជាច្រើនអំពីការបាក់បែក។ មួយសប្តាហ៍ក្រោយមក ក្រុមហ៊ុន Samsung បានប្រាប់ទៅកាន់អ្នកវិនិយោគថាក្រុមហ៊ុននៅតែបញ្ចេញលក់ទូរសព្ទនេះ និងមានគម្រោងប្រកាសពីកាលបរិច្ឆេទចេញលក់ថ្មីនៅក្នុងសប្តាហ៍បន្តបន្ទាប់។


ក្រុមហ៊ុន iFixit បានធ្វើការវិភាគមួយ ដែលជាលទ្ធផលកំណត់បានថាបញ្ហាស្ថិតនៅលើ Hinge របស់ទូរសព្ទ ហើយកាលពីមួយខែមុន សារព័ត៌មាន Yonhap News បានលើកឡើងថា ក្រុមហ៊ុន Samsung ប្រហែលជាធ្វើការជួសជុលបញ្ហានេះ ដោយដាក់ស្រទាប់ការពារទៅក្នុងតួទូរសព្ទ និងបិទចន្លោះប្រហោងនៅផ្នែកខាងលើបង្អស់ និងខាងក្រោមបង្អស់នៃ Hinge។ សារព័ត៌មាននេះក៏បានអះអាងថា ការរចនាតួទូរសព្ទឡើងវិញក៏ត្រូវបានធ្វើតេស្តរួចហើយដែរ។
ចាប់តាំងពីពេលនោះមក យើងទាំងអស់គ្នាបានបន្តរងចាំតាមដានរាល់ព័ត៌មានបច្ចុប្បន្នភាពផ្លូវការពីក្រុមហ៊ុន Samsung ហើយយើងទទួលបានតែសេចក្តីរាយការណ៍នានាដែលនិយាយអំពីការពន្យារពេលបន្ថែមប៉ុណ្ណោះ។

នៅក្នុងខណៈពេលនេះ ក្រុមហ៊ុន Huawei បានធ្វើការពន្យារពេលចេញលក់ទូរសព្ទម៉ូដែល Mate X រហូតដល់ខែកញ្ញាដែរ។ នេះជាសញ្ញាបង្ហាញថា ការវិវត្តន៍នៃផលិតផលទូរសព្ទបត់កាច់បាននឹងត្រូវបានពេលវេលាបន្ថែមបន្តិចទៀត ដើម្បីអាចសម្រេចជោគជ័យពិតប្រាកដក្នុងការបង្ហាញវត្តមានក្នុងទីផ្សារ៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

LG Pocket Photo ម៉ាស៊ីនផ្តិតរូបថត គ្មានទឹកថ្នាំ

ដោយ: ដាលីស 9 PM, Wednesday, 20 May, 2015

បច្ចុប្បន្ននេះ មានត្រឹមតែស្មាតហ្វូនមួយគ្រឿង ក៏អាចថតរូប និងតុបតែងរូបភាពបានយ៉ាងពេញចិត្ត និង​ថែម​ទាំងអាចផ្ញើទៅ​ឱ្យមិត្តភក្តិមើល តាមរយៈ App បានយ៉ាងងាយស...

វិធីសាស្រ្តជ្រើសយកម៉ាស៊ីនបោកគក់

ដោយ: ដួងច័ន្ទ 9 AM, Thursday, 13 Sep, 2018

ការជ្រើសរើសម៉ាស៊ីនបោកគក់សម្រាប់ប្រើប្រាស់ក្នុងគេហដ្ឋាននិមួយមិនមែនជារឿងងាយស្រួលនោះឡើយ។ ម៉ាស៊ីនបោកគក់មានច្រើនប្រភេទ ច្រើនមុខងារ និងចម្រុះជាច្រើនម៉ូត។...

ទូរសព្ទ Google Pixel 2 នឹងចេញលក់ឆាប់ៗនេះ ក្នុងតម្លៃដ៏ខ្ពស់

ដោយ: ដួងច័ន្ទ 9 PM, Sunday, 12 Mar, 2017

យោងតាមលោក Rick Osterloh ប្រធានផ្នែក Software របស់ក្រុមហ៊ុន Google បានឱ្យដឹងថា ទូរសព្ទ Google Pixel ម៉ូដែលថ្មី កំពុងត្រៀមបង្ហាញខ្លួន ប៉ុន្តែវានៅតែមា...

តោះ! មកដឹងពី របៀបតំឡើងកម្មវិធី (App) នៅលើ Mac

ដោយ: ភារុន 9 AM, Wednesday, 20 Mar, 2019

ប្រសិនបើគ្មាន Software ឬ Applications នោះទេ ឧបករណ៍ដូចជា ស្មាតហ្វូន កុំព្យូទ័រយួរដៃ (Laptop) ឬ កុំព្យូទ័រ គឺនឹងក្លាយជាឧបករណ៍ ដែលគ្មានប្រយោជន៍អ្វីទាំ...

Tomnerb.Com - YouTube Channel