ចូលចិត្តទំនើប

មកស្គាល់ Notebook 9 Pen ថ្មីពី Samsung

ដោយ: ដួងច័ន្ទ 9 AM, Friday, 21 Dec, 2018

ព្រឹតិ្តការណ៍ CES ប្រចាំឆ្នាំនឹងមកដល់ក្នុងពេលឆាប់ៗនេះហើយ ប៉ុន្តែក្រុមហ៊ុន Samsung បានត្រៀមខ្លួនរួចរាល់ក្នុងការបញ្ចេញផលិតផលថ្មី ចាប់ផ្តើមជាមួយ Version ថ្មីនៃកុំព្យូទ័រយួរដៃ Notebook 9 Pen។

ផលិតផល Laptop ថ្មីនេះ នាពេលនេះមានផ្តល់នូវជម្រើសថ្មីជាមួយទំហំ 15 inch បន្ថែមលើជម្រើសចាស់ដែលមានទំហំ 13 inch។ ពីមុន មានតែផលិតផល Notebook 9 ធម្មតាប៉ុណ្ណោះដែលមានផ្តល់នូវជម្រើសទំហំធំ ប៉ុន្តែពេលនេះវាក៏មាននៅក្នុងម៉ូដែលបត់ត្រឡប់បាន ជាប្រភេទ Laptop 2-in-1 ផងដែរ។
មុខងារថ្មីធំមួយនៅក្នុងផលិតផល Notebook 9 Pen ថ្មីនេះ គឺការពង្រឹងសមត្ថភាពរបស់ S Pen។ ដូចគ្នានឹងផលិតផលទូរសព្ទ Note 9 ដែរ ប៊ិច S Pen ថ្មីសម្រាប់ Notebook 9 Pen នាពេលនេះផ្តល់នូវការពង្រឹងសមត្ថភាពល្បឿនរបស់វា ដែលក្រុមហ៊ុន Samsung រៀបរាប់ថាវានឹងមានល្បឿនលឿនជាងមុនទ្វេដង។ ក្រុមហ៊ុន Samsung ក៏បានផ្តល់នូវគន្លឹះជំនួយមួយចំនួនសម្រាប់អ្នកប្រើប្រាស់ធ្វើការផ្លាស់ប្តូរ សម្រាប់ S Pen ផងដែរ ដែលអនុញ្ញាតឱ្យអ្នកផ្លាស់ប្តូរបែបបទនៃការគូសវាស បានច្រើនយ៉ាង។

Notebook 9 Pen ថ្មីនេះទំនងដូចជាមិនមានអ្វីខុសប្លែកខ្លាំងពីម៉ូដែលចាស់ទេ ប៉ុន្តែក្រុមហ៊ុន Samsung បានសន្យាថានឹងមានផ្តល់នូវបច្ចេកវិទ្យាថ្មីៗមួយចំនួន រួមមាន ប្រព័ន្ធប្រតិបត្តិការ 8th Gen Intel ចុងក្រោយ ប្រព័ន្ធ Gigabit Wi-Fi និងមានបំពាក់រន្ធដោតប្រភេទ Thunderbolt 3 ចំនួន 2 និង USB-C Plug ចំនួនមួយ ព្រមជាមួយរន្ធដោតកាសស្តាប់ និងក្បាលមេក្រូ និងរន្ធដាក់ microSD ផងដែរ។

ដោយសារយើងមិនទាន់បានឃើញ និងពិនិត្យជាក់ស្តែងលើផលិតផល Notebook 9 Pen ថ្មីនេះនៅឡើយ វាមានភាពពិបាកក្នុងការបរិយាយថាក្រុមហ៊ុន Samsung បានជួសជុលបញ្ហាធំៗដែលកើតមានឡើងនៅលើ Notebook 9 Pen បច្ចុប្បន្ននេះឬអត់ទេ។
គួរបញ្ជាក់ផងដែរថា Notebook 9 Pen ដែលកំពុងមានវត្តមាននៅលើទីផ្សានាពេលបច្ចុប្បន្នកំពុងជួបប្រទះនឹងបញ្ហាធំមួយចំនួន រួមមានការរចនារូបរាង ដែលមានលក្ខណៈដូចផ្លាស្ទិច និងបញ្ហាកម្លាំងថ្មខ្សោយ។

នៅក្នុងព្រឹត្តិការណ៍ CES ដែលនឹងមកដល់ក្នុងខែមករាខាងមុខនេះ យើងសង្ឃឹមថានឹងទទួលបានព័ត៌មានលម្អិតថ្មីៗបន្ថែមទៀតទាក់ទងនឹង Specs ក៏ដូចជាតម្លៃរបស់ Notebook 9 Pen ថ្មីនេះ ហើយ ទំនើប សន្យាថានឹងផ្តល់នូវព័ត៌មានថ្មីៗបំផុតសម្រាប់អ្នក៕

ប្រភព: theverge ផ្នែក: បច្ចេកវិទ្យា, កុំព្យូទ័រ

អត្ថបទអ្នកចង់អាន

Huawei G7 Plus និងប្រព័ន្ធ Finger Scan

ដោយ: ទំនើប 10 PM, Monday, 14 Mar, 2016

ក្នុង​យុគសម័យ​នេះ ​បើសិនជា​ស្មា​ត​ហ្វូ​ន​សេ​៊​រីខ្ពស់ៗ ហើយ​នោះ អាច​និយាយបានថា នឹងមិន​អាច​ខ្វះ​បានឡើយ សម្រាប់​ប្រព័ន្ធ​ស្គែ​ន​ក្រយៅ​ម្រាមដៃ ​ដែល​ត្រ...

Acer Swift 7 Ultrabook ថ្មី កុំព្យូទ័រស្តើងជាងគេ ក្នុងលោក

ដោយ: ដួងច័ន្ទ 9 PM, Monday, 15 Jan, 2018

ជាទូទៅកុំព្យូទ័រ Laptop ដែលបង្ហាញវត្តមាន នៅក្នុងព្រឹត្តិការណ៍ប្រចាំឆ្នាំ CES ភាគច្រើនជាប្រភេទ កុំព្យូទ័រលំដាប់មធ្យម ដែលភាគច្រើននៃក្រុមហ៊ុនផលិតកុំព្...

ស្វែងយល់ពីក្រុមហ៊ុន LG

ដោយ: ដួងច័ន្ទ 10 AM, Thursday, 19 Jul, 2018

LG ជាក្រុមហ៊ុនដ៏ធំមួយរបស់ប្រទេសកូរ៉េ ដែលមានទស្សនវិស័យ និងបេសកកម្ម បង្កើត និងផ្តល់នូវភាពរីករាយ និងការរស់នៅកាន់តែប្រសើរ។ ការត្រួសត្រាយផ្លូវក្នុងវិស...

គន្លឹះផ្តិតយករូបភាព ពេលយប់ឱ្យបានស្អាត

ដោយ: ដួងច័ន្ទ 7 PM, Sunday, 08 Oct, 2017

តើអ្នកធ្លាប់ថតរូបនៅពេលយប់ ឬទេ? អ្នកប្រហែលជាមានបញ្ហាខ្លះៗ ចំពោះរូបថតទាំងនោះ ព្រោះវា ទាមទារគន្លឹះបច្ចេកទេសមួយចំនួន ដើម្បីទទួលបានរូបភាពដ៏ស្រស់ស្អាត។ ទ...

Tomnerb.Com - YouTube Channel