ចូលចិត្តទំនើប

ណែនាំពីទូរទឹកកកឆ្លាតវៃរបស់ Samsung

ដោយ: ដួងច័ន្ទ 9 AM, Friday, 18 Jan, 2019

ក្រុមហ៊ុន Samsung បាននឹងកំពុងបន្ថែមមុខងារថ្មីៗ ទៅក្នុងផលិតផលទូរទឹកកកឆ្លាតវៃ ម៉ូដែល Family Hub ហើយក្រុមហ៊ុនអះអាងថា version ចុងក្រោយបង្អស់របស់វា កាន់តែមានភាពឆ្លាតវៃ ជាងម៉ូដែលទូរទឹកកកដទៃទៀត។

ទូរទឹកកក Family Hub 2019 មានរួមបញ្ចូលនូវអេក្រង់ ដែលទទួលបានការច្នៃប្រឌិតម៉ូដថ្មី ហើយ Samsung រៀបរាប់ថា អ្នកប្រើប្រាស់នឹងមានលទ្ធភាពសាកសួរសំណួរពិបាកៗ ដោយប្រើប្រាស់ភាសាធម្មតា។ ការឆ្លើយតបចេញពីទូរទឹកកកនេះ ត្រូវបានផ្តល់ថាមពលដោយ Bixby និងមុខងារជំនួយ ដែលនឹងអនុញ្ញាតឱ្យអ្នកប្រើប្រាស់ទូរទឹកកក Family Hub ធ្វើការកំណត់មុខងារលើចង្ក្រាន ស្វែងរករូបមន្តចម្អិនអាហារ និងទូរសព្ទទៅកាន់សេវាកម្ម Uber តាមរយៈការបញ្ជារដោយសម្លេង។ Bixby ក៏នឹងបង្ហាញពីព័ត៌មានជាប់ពាក់ព័ន្ធនានា នៅលើអេក្រង់របស់ Family Hub ផងដែរ។

ក្រុមហ៊ុន Samsung បាននាំយកផលិតផលទូរទឹកកកម៉ូដែល Family Hub ជាលើកដំបូង កាលពីឆ្នាំ 2016 ហើយទូរទឹកកកនេះមានសមត្ថភាពតាមដានគុណភាពគ្រឿងទេសនៅក្នុងទូរទឹកកក អនុញ្ញាតឱ្យអ្នកប្រើប្រាស់ទិញម្ហូបអាហារតាមរយៈអេក្រង់ Touchscreen ជាជំនួយដល់អ្នកប្រើប្រាស់ក្នុងការកំណត់កាលវិភាគ និងធ្វើការគ្រប់គ្រងឧបករណ៍ Smart Home ដទៃទៀត។
កាលពីឆ្នាំ 2017 ក្រុមហ៊ុន Samsung បានធ្វើការ Update កម្មវិធី Family Hub OS ដែលអនុញ្ញាតឱ្យសមាជិកនៅក្នុងគ្រួសារទាំងអស់អាចមានគណនេយ្យរៀងៗខ្លួន និងផ្តល់ឱ្យអ្នកប្រើប្រាស់នូវការបញ្ជារដោយសម្លេង។
កាលពីឆ្នាំមុន ក្រុមហ៊ុន Samsung បានណែនាំមុខងារបញ្ជារដោយសម្លេងមានឈ្មោះថា Bixby ទៅកាន់ផលិតផលទូរទឹកកក Family Hub 3.0 និងបានធ្វើការរួមបញ្ចូលវាទៅក្នុងប្រព័ន្ធ Ecosystem ដែលមានឈ្មោះថា SmartThings របស់ក្រុមហ៊ុនផ្ទាល់ទៀតផង។
យ៉ាងណាមិញ នៅក្នុងព្រឹត្តិការណ៍ CES កាលពីឆ្នាំមុន ខណៈដែលយើងទាំងអស់គ្នាបានស្វែងយល់ឃើញថាទូរទឹកកក Family Hub ម៉ូដែលចុងក្រោយរបស់ក្រុមហ៊ុន Samsung មានបំពាក់នូវបច្ចេកវិទ្យាសម្លេងគុណភាពខ្ពស់នោះ មុខងារបញ្ជារដោយសម្លេងរបស់ Bixby បានក្លាយជាអ្វីដែលយើងកាន់តែចាប់អារម្មណ៍ និងកាន់តែចង់បាន។

Samsung បានបញ្ជាក់ថាការ Update ថ្មីនឹងមានវត្តមាននៅលើម៉ូដែល Family Hub ថ្មីៗភាគច្រើនផងដែរ ហើយការវិវត្តបច្ចេកវិទ្យាថ្មីនេះនឹងត្រូវបាននាំមកជូនអតិថិជនតាមរយៈការ Update ដោយស្វ័យប្រវត្តិ៕

ប្រភព: engadget ផ្នែក: បច្ចេកវិទ្យា, Appliances

អត្ថបទអ្នកចង់អាន

បង្ហាញខ្លួន Nokia N1 ថេប្ល៊ែត Android ដំបូងរបស់ Nokia

ដោយ: ដាលីស 10 AM, Monday, 13 Apr, 2015

បន្ទាប់ពីបណ្តោយឱ្យអតិថិជននាំគ្នារង់ចាំឡើងស្ងួតជើងធ្មេញហើយនោះ ទីបំផុត Nokia បានបង្ហាញខ្លួន Nokia N1 ថេប្ល៊ែត អ៊ែនដ្រយពិតប្រាកដដំបូងគេបំផុត និងថែមទាំ...

LG G5 មានលក់នៅកម្ពុជាហើយ!

ដោយ: ម៉ូនី 2 AM, Monday, 25 Apr, 2016

  អស់រយៈពេលជាង ពីខែកន្លង​មក​ហើយ​ដែលកំពូលទូរស័ព្ទរបស់ LG បាន​ប្រកាស​ជាផ្លូវការនៅ MWC 2016។ ប៉ុន្តែក្នុងពេលថ្មីស្រាប់តែ​មាន​ការ​ដាក់លក់​ម៉ូដែល​ថ...

ទូរទស្សន៍ LG OLED ទំហំ 77 inch មានតម្លៃស្មើនឹងឡានមួយគ្រឿង

ដោយ: ដួងច័ន្ទ 9 PM, Sunday, 02 Jul, 2017

ទូរទស្សន៍ LG ម៉ូដែល W Series ដែលជាទូរទស្សន៍អេក្រង់ OLED បំពាក់បច្ចេកវិទ្យា 4K បានផ្តល់ ភាពភ្ញាក់ផ្អើលដល់អ្នកទាំងអស់គ្នា នៅក្នុងព្រឹតិ្តការណ៍ CES ជា...

ម៉ាសពិសេស បិទសម្លេងនិយាយ មិនឱ្យលឺមកក្រៅ

ដោយ: ដួងច័ន្ទ 6 PM, Monday, 22 May, 2017

តើអ្នកនៅចាំតួអង្គ Bane ក្នុងភាពយន្ត The Dark Knight Rises ទេ? គាត់ជាតួអង្គអាក្រក់ក្នុងរឿងនេះ ហើយគាត់មានពាក់ម៉ាសលើបបូរមាត់ ដែលធ្វើឱ្យគាត់មើលទៅកាន់តែ...

Tomnerb.Com - YouTube Channel