ចូលចិត្តទំនើប

Galaxy Fold ពន្យារពេលចេញលក់នៅចិន

ដោយ: ដួងច័ន្ទ 8 AM, Tuesday, 23 Apr, 2019

ក្រុមហ៊ុន Samsung ត្រូវបានគេរាយការណ៍ថានឹងពន្យារពេលចេញលក់ទូរសព្ទជំនាន់ថ្មី ម៉ូដែល Galaxy Fold នៅក្នុងប្រទេសចិន។ នេះជាសេចក្តីរាយការណ៍ដែលយើងទទួលបានពីគេហទំព័រ SamMobile។
គេហទំព័រនេះបានដកស្រង់ថា សម្តីរបស់មនុស្សដែលបានដឹងពីស្ថានភាពហេតុផលជាផ្លូវការនៃការពន្យារពេលនេះ គឺដោយសារបញ្ហានៃទីកន្លែង ប៉ុន្តែគេហទំព័រនេះបានកត់សម្គាល់ថា សកម្មភាពដទៃផ្សេងទៀត ដែលជាប់ពាក់ព័ន្ធនឹងការបញ្ចេញលក់នេះក៏ត្រូវបានពន្យារពេល ឬលុបចោលដូចគ្នា។

លោក Richard Lai ប្រធានផ្នែកនិពន្ធនៃគេហទំព័រ Engadget Chinese ក៏បានធ្វើការកត់សម្គាល់នៅលើគណនេយ្យ Twitter ថាព្រឹត្តិការណ៍ដែលបានគ្រោងទុក ថានឹងរៀបចំឡើងនៅក្នុងទីក្រុងហុងកុង និងសៀងហៃ ត្រូវបានកំណត់ថានឹងរៀបចំឡើងនៅថ្ងៃអង្គារ និងថ្ងៃពុធសប្តាហ៍នេះ ត្រូវបានពន្យារពេល
ពាក្យចចាមអារាមជាច្រើនបានលេចឡើង មិនយូរទេបន្ទាប់ពីមានសេចក្តីរាយការណ៍ជាច្រើនចេញពីអ្នកសារព័ត៌មានផ្នែកបច្ចេកវិទ្យា ដែលបានរកឃើញថា ទូរសព្ទ ដែលជាផលិតផលសាកល្បងរបស់ពួកគេ ត្រូវបានបែក ក្នុងរយៈពេលត្រឹមតែ 2-3 ថ្ងៃនៃការប្រើប្រាស់ ដោយបានលើកឡើងថាបញ្ហាកើតឡើងចេញពី Hinge ការបែកប្រេះផ្ទៃអេក្រង់ និងគម្របការពារផ្ទៃអេក្រង់ត្រូវបានយកចេញដោយអចេតនាពីផ្ទៃអេក្រង់។

បន្ទាប់ពីការចេញផ្សាយសេចក្តីរាយការណ៍ទាំងនោះ ក្រុមហ៊ុន Samsung បានចេញសេចក្តីប្រកាសព័ត៌មានមួយ ដោយលើកឡើងថា ក្រុមហ៊ុននឹងធ្វើការវិភាគលម្អិតលើឧបករណ៍ទាំងនោះដោយផ្ទាលើ ដើម្បីកំណត់ពីឬសគល់នៃបញ្ហា ប៉ុន្តែក្រុមហ៊ុនបានបញ្ជាក់ថាក្រុមហ៊ុនមានផែនការបន្តដំណើរទៅមុខទៀត ជាមួយនឹងការបញ្ចេញលក់នៅសហរដ្ឋអាមេរិក នៅថ្ងៃទី 26 ខែមេសានេះ។
ក្រុមហ៊ុន Samsung មានកិច្ចការជាច្រើនដែលត្រូវធ្វើ សម្រាប់ផលិតផលទូរសព្ទម៉ូដែលថ្មីជំនាន់ដំបូងនេះ។ ក្នុងអត្រាតម្លៃ $1,980 ទូរសព្ទ Galaxy Fold គឺជាទូរសព្ទបត់មានអត្រាតម្លៃខ្ពស់ជាងគេនៅក្នុងទីផ្សារនាពេលបច្ចុប្បន្ន ហើយសេចក្តីរាយការណ៍ដែលលើកឡើងថាទូរសព្ទនៃត្រូវបានបែកប្រេះស្រាំ បន្ទាប់ពីការប្រើប្រាស់ក្នុងអំឡុងពេលតែ 2-3 ថ្ងៃ គឺជាបញ្ហាប្រឈម និងឧបសគ្គដ៏ធំមួយ រារាំងដល់សក្តានុពលរបស់ទូរសព្ទថ្មីនេះ។

យើងនឹងរងចាំតាមដានបន្តទៀតជាមួយព័ត៌មានបច្ចុប្បន្នភាពថ្មីៗរបស់ Galaxy Fold ដើម្បីដឹងកាន់តែច្បាស់ពីគុណភាព និងសមត្ថភាពរបស់វា៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

មិនអាចផ្ញើ ឬ ទទួលសារ Text បាននៅលើទូរស័ព្ទ iPhone តើជួសជុលវា ដោយរបៀបណា?

ដោយ: ភារុន 8 AM, Tuesday, 05 Mar, 2019

គ្រប់ទូរស័ព្ទ iPhone ទាំងអស់សុទ្ធតែមានជម្រើសក្នុងការផ្ញើសារដូចជា iMessages និង SMS ។ ប៉ុន្តែពេលខ្លះ ទូរស័ព្ទ iPhone របស់អ្នកអាចជួបបញ្ហា ជាមួយនឹងការ...

4K Projector របស់ LG ទំហំតូច តែផ្តល់នូវទំហំអេក្រង់ដ៏ធំ

ដោយ: ដួងច័ន្ទ 8 PM, Thursday, 01 Mar, 2018

ក្រុមហ៊ុន LG បានដាក់បង្ហាញផលិតផល Projector ស៊េរីឆ្នាំ 2018 នៅក្នុងព្រឹត្តិការណ៍ CES ហើយក្នុងចំណោមនោះមានម៉ូដែលផលិតផលថ្មីគឺជាឧបករណ៍ Projector ដំបូង ដ...

រីករាយបុណ្យចូលឆ្នាំខ្មែរ ឆ្នាំ២០១៩ ពីអែលជីប្រេនសប (LG BrandShop)

ដោយ: ទំនើប 8 AM, Tuesday, 26 Mar, 2019

ដើម្បីចូលរួមអបអរក្នុងឱកាសនៃពិធីបុណ្យចូលឆ្នាំខ្មែរ ឆ្នាំកុរ ឯកស័ក ពស ២៥៦៣ ខាងមុខនេះ LG Brandshop នឹងផ្ដល់ជូននូវការលក់បញ្ចុះតម្លៃដ៏ពិសេស ទិញមួយថែមមួយ...

Toyota Vios ២០១៧ មកដល់កម្ពុជាហើយ

ដោយ: ស. លីង 10 PM, Friday, 09 Jun, 2017

ក្រុមហ៊ុនតូយ៉ូតាកម្ពុជា បានផ្សព្វផ្សាយពីរថយន្តប្រចាំឆ្នាំ ២០១៧ របស់ខ្លួន គឺ Toyota Vios ដែលមកដល់កម្ពុជា។ Toyota Vios ២០១៧ ជារថយន្តកំពុងពេញនិយម ក្នុ...

Tomnerb.Com - YouTube Channel