ចូលចិត្តទំនើប

Samsung អាចនឹងផលិត Foldable Phone ទី 2

ដោយ: ដួងច័ន្ទ 8 AM, Thursday, 04 Jul, 2019

ក្រុមហ៊ុន Samsung នៅតែមិនទាន់បញ្ចេញទូរសព្ទកាច់បត់ (Foldable Phone) ដំបូង ម៉ូដែល Galaxy Fold នៅឡើយទេ ទោះបីជាទូរសព្ទដៃជំនាន់ថ្មីនេះ ដំបូងឡើយត្រូវបានកំណត់ថានឹងបញ្ចេញលក់នៅក្នុងខែមេសាក្តី។ ក្រុមហ៊ុនក៏មិនទាន់បានប្រកាសពីកាលបរិច្ឆេទចេញលក់ថ្មីដែរ។ ប៉ុន្តែយោងតាមសារព័ត៌មាន The Korea Herald បានឱ្យដឹងថា ក្រុមហ៊ុន Samsung មានគម្រោងបញ្ចេញលក់ Folding Phone មួយផ្សេងទៀត ក្នុងពេលឆាប់ៗនេះ។


ផ្ទុយពីម៉ូដែល Galaxy Fold ដែលបត់រមូរមកខាងក្នុង ទូរសព្ទថ្មីនេះនឹងមានការរចនាម៉ូដបត់ចេញមកខាងក្រៅវិញ ដូចគ្នានឹងម៉ូដែល Mate X របស់ក្រុមហ៊ុន Huawei ដែរ។ ដើមឡើយ ម៉ូដែល Mate X ត្រូវបានកំណត់កាលបរិច្ឆេទចេញលក់នៅក្នុងខែមិថុនាដែរ ប៉ុន្តែកាលបរិច្ឆេទនេះ ក៏ត្រូវបានពន្យាពេលដែរ រហូតដល់ខែកញ្ញា ដែលជាការកំណត់ថ្មី។ ដកស្រង់ចេញពីប្រភពអនាមិកដោយសារព័ត៌មាន The Korea Herald បានលើកឡើងថា ក្រុមហ៊ុន Samsung មិនទាន់បានកំណត់កាលបរិច្ឆេទចេញលក់ទូរសព្ទថ្មីនៅឡើយទេ ប៉ុន្តែវាទំនងជានឹងបញ្ចេញលក់នៅមុនកាលបរិច្ឆេទរបស់ Huawei។ នៅក្នុងនោះក៏មិនមានព័ត៌មានលម្អិតផ្សេងទៀតអំពីទូរសព្ទដៃថ្មីនេះដែរ ប៉ុន្តែសារព័ត៌មានខាងលើ បានអះអាងថា ក្រុមហ៊ុនផ្គត់ផ្គង់ជាច្រើនបានចាប់ផ្តើមការផលិតទ្រង់ទ្រាយធំសម្រាប់គ្រឿងបន្លាស់របស់វា និងអាចជាតួទូរសព្ទទាំងមូលផងដែរ។


ការលើកឡើងថា ក្រុមហ៊ុន Samsung មានបំណងយកឈ្នះលើក្រុមហ៊ុន Huawei ក្នុងការចេញលក់ផលិតផលទូរសព្ទជំនាន់ថ្មីនេះអាចនឹងជឿជាក់បាន ប៉ុន្តែការចេញលក់នៅក្នុងខែកញ្ញាឆាប់ៗនេះទំនងដូចជាមិនអាចទៅរួចឡើយ។ បើសម្តៅលើការអភិវឌ្ឍន៍នានាជុំវិញម៉ូដែល Galaxy Fold ក្រុមហ៊ុន Samsung ប្រហែលជាត្រូវច្របាច់បញ្ចូលការបញ្ចេញលក់ម៉ូដែល Fold ព្រមជាមួយនឹងការប្រកាស និងការចេញលក់ទូរសព្ទថ្មី នៅក្នុងរយៈពេលនៅសេសសល់តែ 2 ខែប៉ុណ្ណោះ។


ទូរសព្ទ Foldable Phone គឺជាប្រភេទ Smartphone ថ្មីដែលកំពុងទទួលបានការចាប់អារម្មណ៍ខ្លាំងនៅក្នុងឆ្នាំនេះ ប៉ុន្តែមកទល់ពេលនេះវាមិនទាន់បានលទ្ធផលជាផ្លែផ្កានៅឡើយទេ។ ការ Review លើ Galaxy Fold ដែលបញ្ហាពីចន្លោះប្រហោង និងបញ្ហា បានជំរុញឱ្យក្រុមហ៊ុន Samsung ពន្យារពេលចេញលក់។ ក្រុមហ៊ុន Samsung បានលើកឡើងថា ការបរិច្ឆេទចេញលក់ថ្មី នឹងត្រូវបានប្រកាសនាពេលសប្តាហ៍ខាងមុខ ចាប់តាំងពីខែមេសាមកម្ល៉េះ។

ព្រមជាមួយគ្នានេះ Huawei បានលើកឡើងថា ការលុបចោលម៉ូដែល Mate X កើតចេញពីការប្រុងប្រយ័ត្ន ដោយផ្អែកលើអ្វីដែលបានកើតឡើងលើម៉ូដែល Fold ដែលយ៉ាងណាមិញ ការហាមឃាត់ពាណិជ្ជកម្មរបស់អាមេរិក លើក្រុមហ៊ុន Huawei កាលពីខែឧសភា ទំនងជាបានជះឥទ្ធិពល ដល់ការសម្រេចចិត្តនេះផងដែរ៕

ប្រភព: mashable ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

នាឡិការោទិ៍ 10 ប្រភេទ ជួយអ្នកក្រោកពីគេង យ៉ាងពិតប្រាកដ

ដោយ: ដួងច័ន្ទ 10 PM, Wednesday, 19 Jul, 2017

បើសិនជាអ្នកមានបញ្ហា ក្នុងការក្រោកពីដំណេកនៅពេលព្រឹក អ្នកគួរចាប់ផ្តើមប្រើប្រាស់វិធីសាស្រ្តដ៏មានប្រសិទ្ធភាព ដើម្បីជួយឱ្យអ្នកអាចងើបចេញពីគ្រែគេង បានដោយជ...

Samsung កំពុងស្រាវជ្រាវទូរសព្ទ ដែលអាចអានបាតដៃ

ដោយ: ដួងច័ន្ទ 10 PM, Tuesday, 19 Dec, 2017

អ្នកអាចទទួលបានការណែនាំ ឬតម្រុយនៃពាក្យសម្ងាត់របស់អ្នក ដោយពុំចាំបាច់មានសញ្ញាបញ្ជាក់ច្បាស់លាស់។ ជាទូទៅអ្នកតែងតែងាយ នឹងភ្លេចពីពាក្យសម្ងាត់របស់អ្នក ហើយអ...

3 ចំណុចត្រូវដឹង មុនពេលប្តូរ Galaxy S8 ជាកុំព្យូទ័រ

ដោយ: ដួងច័ន្ទ 12 PM, Saturday, 13 May, 2017

Samsung DeX គឺជាឧបករណ៍តូចមួយ ដែលប្រែក្លាយទូរសព្ទ Smartphone ទៅជាម៉ាស៊ីនកុំព្យូទ័រ។ ជាមួយនឹងទូរសព្ទ Galaxy S8 ក្រុមហ៊ុន Samsung បានប្រកាសពីឧបករណ៍ថ្ម...

One UI សម្រាប់ Android Skin ថ្មី

ដោយ: ដួងច័ន្ទ 3 PM, Friday, 30 Nov, 2018

បន្ថែមលើការបង្ហាញទូរសព្ទបត់រមូរបាន ដែលកំពុងទទួលបានចំណាប់អារម្មណ៍ខ្លាំង នៅក្នុងវេទិកា Developer កាលពីពេលថ្មីៗនេះ ក្រុមហ៊ុន Samsung ក៏បានចែករំលែកពីគម...

Tomnerb.Com - YouTube Channel