ចូលចិត្តទំនើប

Samsung បង្ហាញទូរទស្សន៍ 8K ទំហំយក្ស

ដោយ: ដួងច័ន្ទ 9 AM, Wednesday, 23 Jan, 2019

ការដាក់បង្ហាញផលិតផលទូរទស្សន៍ 8K ទំហំ 85 inch របស់ក្រុមហ៊ុន Samsung គ្រាន់តែជាជំហានដំបូងប៉ុណ្ណោះ។ ក្រុមហ៊ុនអេឡិចត្រូនិចដ៏ធំមួយនេះបានបង្ហាញផលិតផលទូរទស្សន៍ស៊េរីឆ្នាំ 2019 នៅក្នុងព្រឹត្តិការណ៍ CES និងផលិតផលទូរទស្សន៍ QLED ស៊េរី Q900 ដែលនឹងមានរួមបញ្ចូលទៅក្នុងម៉ូដែលទូរទស្សន៍ 8K ដែលកំពុងពេញនិយមនៅក្នុងទីផ្សារទូរទស្សន៍នាពេលបច្ចុប្បន្ន បន្ថែមជាមួយទំហំដ៏ធំរហូតដល់ 98 inch។

បើសិនជាអ្នកមានបន្ទប់ដ៏ធំទូលាយ និងមានថវិកាច្រើនហូរហៀរ អ្នកអាចពិចារណាជ្រើសយកជម្រើសទូរទស្សន៍ថ្មីមួយនេះ ដើម្បីទទួលបានបទពិសោធន៍ទស្សនាទូរទស្សន៍កាន់តែច្បាស់។ យ៉ាងណាមិញក៏មានជម្រើសទំហំ 65, 75, 82 និង 85 inch សម្រាប់អ្នកដែលមានទីតាំងមិនសមស្របនឹងទំហំទូរទស្សន៍ខ្នាតយក្សនេះផងដែរ។
គ្រប់ម៉ូដែលទូរទស្សន៍ Q900 ប្រើប្រាស់បន្ទះឈីប Quantum Processor 8K ដែលអាស្រ័យលើបច្ចេកវិទ្យា AI ដើម្បីថ្លឹងថ្លែងកម្មវិធីចាក់ផ្សាយចេញពីប្រភពខុសៗគ្នា រហូតដល់កម្មវិធីដែលមានកម្រិតចាក់ផ្សាយស្ទើរតែជិតដល់កម្រិត 8K។ យើងពុំសូវយកចិត្តទុកដាក់អំពីការអះអាងនេះប៉ុន្មានទេ ព្រោះវីដេអូទំហំ 720p ដែលត្រូវបាន Upload នៅក្នុង YouTube មិនសូវទទួលបានលទ្ធផលល្អខ្លាំងទេនៅក្នុងកម្រិត 8K ប៉ុន្តែការថ្លឹងថ្លែងមានសមតុល្យល្អគឺពិតជាសំខាន់ នៅពេលដែលវីដេអូមួយនោះមិនមានមាតិកាដើមជាប្រភេទ 8K។

ចំណែកឯលក្ខណៈពិសេសនៃ Software វិញ អ្នកអាចរំពឹងថានឹងទទួលបានការពង្រឹងសមត្ថភាព AI ពី Universal Guide ក្នុងការជួយអ្នកស្វែងរកមាតិកា មាន Version ចុងក្រោយបង្អស់របស់ Bixby និងការពង្រីកការគាំទ្រមុខងារជាច្រើនទៀត ដែលរួមមានមុខងារបញ្ជារដោយសម្លេងពី Alexa និង Google Assistant ក៏ដូចជាមុខងារ iTunes និង AirPlay 2 ផងដែរ។

យើងនៅទន្ទឹងរងចាំមើលពីតម្លៃ និងកាលបរិច្ឆេទជាក់លាក់ ប៉ុន្តែក្រុមហ៊ុន Samsung បានបញ្ជាក់ថាកម្មវិធី iTunes និង AirPlay នឹងបង្ហាញវត្តមាននៅលើទូរទស្សន៍ Samsung នៅអំឡុងពេលដើមឆ្នាំនេះ។
យើងអាចនិយាយបានថា ម៉ូដែលទូរទស្សន៍ទំហំ 98 inch ថ្មីនេះនឹងធ្វើឱ្យទូរទស្សន៍ទំហំ 85 inch ដែលចេញលក់កាលពីឆ្នាំមុនក្នុងតម្លៃ $15,000 អាចនឹងមានការចុះតម្លៃខ្លះៗ។

យើងនឹងរងចាំមើលទាំងអស់គ្នាពីសមត្ថភាពពិតប្រាកដរបស់ម៉ូដែលទូរទស្សន៍ជំនាន់ថ្មីទាំងនេះ ហើយ ទំនើប នឹងបន្តផ្តល់ជូនអ្នកទាំងអស់គ្នានូវព័ត៌មានថ្មីជាបន្តបន្ទាប់ទៀត៕

ប្រភព: engadget ផ្នែក: បច្ចេកវិទ្យា, ទូរទស្សន៍

អត្ថបទអ្នកចង់អាន

ជម្រើសទូរទស្សន៍ 4K 55 inch តម្លៃសមរម្យ

ដោយ: ដួងច័ន្ទ 10 PM, Friday, 24 Nov, 2017

នេះជាខែវិច្ឆិកាហើយ ស្របពេលអាកាសធាតុចុះត្រជាក់ និងជាពេលវេលាសម្រាកលំហែប្រចាំឆ្នាំ មនុស្សភាគច្រើន ចូលចិត្តចំណាយពេលនៅក្នុងផ្ទះ។ ដើម្បីបន្ថែមបរិយាកាសរីក...

Blackphone ស្មាតហ្វូន សម្រាប់អ្នកមាន ការសម្ងាត់ច្រើន!

ដោយ: ដាលីស 9 AM, Sunday, 10 May, 2015

សម្រាប់នៅក្នុងប្រទេសខ្លះ រដ្ឋាភិបាលអាចមានការលួចស្តាប់ការនិយាយ តាមទូស័ព្ទ ឬការឆ្លើយឆ្លងព័ត៌មានតាមវិធីផ្សេងៗ ដើម្បី​​​​ការពារការធ្វើវិទ្ធង្សនា រួមទាំ...

Angel Edition ភាពរីករាយ នៃការធ្វើដំណើរ

ដោយ: ដួងច័ន្ទ 10 PM, Friday, 15 Sep, 2017

ក្រុមហ៊ុនផលិតទោចក្រយានអគ្គិសនៅ Noordung បានរចនាកង់មួយប្រភេទ ដែលមានបំពាក់អាគុយ ដែលអាចបញ្ចូលថាមពលទៅកាន់ទូរសព្ទដៃ នៅពេលធ្វើដំណើរ និងមានមុខងារជាឧបករណ៍ប...

Asus បង្ហាញ Zenfone 5 Lite នៅក្នុងប្រទេសហ្វ៊ីលីពីន

ដោយ: ដាលីស 3 PM, Saturday, 11 Apr, 2015

នៅក្នុងឆ្នាំនេះ Zenfone បានសាងឈ្មោះបន្ថែមទៅក្នុងបណ្តាប្រទេស AEC របស់យើងដែលនិយមប្រើស្មាតហ្វូនល្អៗ ​តែតម្លៃធូរថ្លៃ ហើយថ្ងៃនេះ Asus ក៏បានបង្ហាញខ្លួន Z...

Tomnerb.Com - YouTube Channel