ចូលចិត្តទំនើប

App របស់ Samsung បង្ហាញពីផលិតផលថ្មី?

ដោយ: ដួងច័ន្ទ 8 AM, Friday, 22 Feb, 2019

ការ Update ថ្មីមួយរបស់ក្រុមហ៊ុន Samsung ដែលត្រូវបានបញ្ចេញសម្រាប់កម្មវិធី Galaxy Wearable App បានបញ្ជាក់ថា ក្រុមហ៊ុនបច្ចេកវិទ្យាដ៏ធំមួយនេះពិតជាបាននឹងកំពុងធ្វើការនៅលើផលិតផលកាសស្តាប់គ្មានខ្សែ ថ្មីមួយគូរ និងផលិតផលនាឡិកាដៃ Smartwatch ដែលផ្តោតលើមុខងារកីឡាពិតប្រាកដមែន។

ផលិតផលថ្មីទាំងនេះគឺជាប្រធានបទនៃរូបភាព និងព័ត៌មានមួយចំនួន ដែលបានបែកធ្លាយតាមប្រព័ន្ធ online ក្នុងរយៈពេលប៉ុន្មានសប្តាហ៍កន្លងទៅនេះ។ នាពេលនេះ ក្រុមហ៊ុន Samsung ផ្ទាល់តែម្តងបានបន្ថែមផលិតផលទាំងនេះទៅក្នុងកម្មវិធីផ្លូវការរបស់ខ្លួនហើយ។ គេហទំព័រ SamCentral គឺប្រភពដំបូងគេដែលបានកត់សម្គាល់ឃើញការ Update ថ្មីនេះ ទោះបីវាមិនទាន់ច្បាស់ការទាំងស្រុងថា តើក្រុមហ៊ុនពិតជាមានបំណងចង់ឱ្យយើងទទួលបានពន្លឺព័ត៌មានខ្លះៗអំពីផលិតផលថ្មីរបស់ខ្លួន ឬក្រុមហ៊ុនបានធ្វើការបង្ហាញវាដោយអចេតនាក្តី។

ដូចដែលអ្នកបានឃើញនៅក្នុងរូបភាព Screenshot ចេញពី App នេះ នាឡិកា Smartwatch ដែលមានមុខងារផ្តោតលើកីឡា មានឈ្មោះផ្លូវការហៅថា Galaxy Watch Active។ តួលេខ 40mm ដែលយើងបានឃើញនៅពីក្រោមឈ្មោះរបស់វា មានជាប់ពាក់ព័ន្ធជាមួយនឹងទំហំសម្បករបស់វា ហើយរូបថតរបស់វាបង្ហាញថា វានឹងមិនត្រូវបានផលិតឡើងជាមួយ Bezel បង្វិល ដូចជាម៉ូដែល Galaxy Smartwatch ជំនាន់មុនៗឡើយ។
ចំណែករូបភាពបង្ហាញពី Galaxy Buds មិនមានព័ត៌មានបន្ថែមនៅភ្ជាប់ជាមួយវាឡើយ ប៉ុន្តែព័ត៌មានបែកធ្លាយកាលពីពេលមុនបាននិយាយថា អ្នកនឹងមានលទ្ធភាពបញ្ចូលថាមពលដល់ កាសស្តាប់នៅលើខ្នងរបស់ទូរសព្ទ Galaxy S10។

ចុងក្រោយគេគឺ រូបភាពបង្ហាញពី Galaxy Fit និង Fit e ដែលមានរូបរាងជាខ្សែពាក់សម្រាប់ការធ្វើលំហាត់ប្រាណ ស្រដៀងគ្នាទៅនឹងឧបករណ៍ Gear Fit ដែលចេញកាលពីពេលមុន។

រូបភាព Preview របស់ឧបករណ៍ទាំងបីនេះ នៅតែមានជាប់នៅលើ Wearable Application របស់ Samsung ដដែល ហើយអ្នកក៏អាចចូលទៅពិនិត្យមើលឱ្យកាន់តែជាក់ច្បាស់ដោយខ្លួនឯងផ្ទាល់ផងដែរ។

អ្នកប្រហែលជាមិនចាំបាច់រងចាំយូរទេ សម្រាប់ការចេញលក់ជាផ្លូវការរបស់ផលិតផលថ្មីៗទាំងនេះ ព្រោះក្រុមហ៊ុន Samsung កំពុងរៀបចំកម្មវិធី Unpacked នៅថ្ងៃទី 20 ខែកុម្ភៈនេះ ជាកន្លែងដែលគេរំពឹងថានឹងមានបង្ហាញវត្តមានទូរសព្ទ Galaxy S10៕

អត្ថបទអ្នកចង់អាន

មេឃភ្ងៀងរាល់ថ្ងៃចឹង តើអ្នកធុញ និងបោកខោអាវណាស់មែនទេ?

ដោយ: ទំនើប 7 PM, Thursday, 29 Jun, 2017

ដោយសារតែអាកាលធាតុរាល់ថ្ងៃមានការប្រែប្រួល ពីមួយថ្ងៃទៅមួយថ្ងៃឧស្សាហ៏មានភ្លៀងធ្លាក់ជាញឹកញប់ ធ្វើអោយអ្នកមានអារម្មណ៌ខ្ជិល និងបោកសំលៀកបំពាក់ដោយសារការចំណា...

ជំហាននៃការបង្កើត Mobile App

ដោយ: ដួងច័ន្ទ 10 PM, Wednesday, 11 Oct, 2017

ហេតុអ្វីបានជាអ្នកចង់ បង្កើតកម្មវិធីលើទូរសព្ទដៃ? តើអ្នកចង់បង្កើតមុខជំនួញ ឬអ្នកជួបប្រទះនឹងបញ្ហាអ្វីមួយដែលអ្នកគិតថា អ្នកអាចដោះស្រាយបាន? ចម្លើយសម្រាប់ស...

Oppo បញ្ចេញទូរសព្ទកាមេរ៉ាបី ម៉ូដែល R17 Pro

ដោយ: ដួងច័ន្ទ 11 AM, Friday, 14 Dec, 2018

ក្រុមហ៊ុនផលិតទូរសព្ទ Smartphone របស់ប្រទេសចិន Oppo បានប្រកាសថាក្រុមហ៊ុននឹងធ្វើការបញ្ចេញលក់ទូរសព្ទលំដាប់ខ្ពស់ ម៉ូដែល R10 Pro នៅក្នុងប្រទេសឥណ្ឌានៅដើម...

ម៉ាស៊ីនបោកគក់ ជំនាន់ថ្មី ផ្តល់បទពិសោធន៍ នៃការប្រើប្រាស់ថ្មីដល់អ្នក

ដោយ: ដួងច័ន្ទ 9 PM, Monday, 09 Jan, 2017

សម័យកាលទំនើប សម្ភារៈប្រើប្រាស់ ក៏ត្រូវបន្ថែមមុខងារ និងបច្ចេកវិទ្យាថ្មីៗ ដើម្បីបំពេញសេចក្តីត្រូវការ និងសម្រួលដល់ការរស់នៅប្រចាំថ្ងៃ។ ម៉ាស៊ីនបោកគក់ បា...

Tomnerb.Com - YouTube Channel