ចូលចិត្តទំនើប

ពន្យារពេលចេញលក់ Galaxy Fold ជាផ្លូវការ

ដោយ: ដួងច័ន្ទ 9 AM, Friday, 26 Apr, 2019

ព័ត៌មានចចាមអារ៉ាមថាក្រុមហ៊ុន Samsung នឹងពន្យារពេលចេញលក់ទូរសព្ទ Galaxy Fold ត្រូវបានបញ្ជាក់យ៉ាងទាន់ចិត្តថាត្រឹមត្រូវ។ ក្រុមហ៊ុន Samsung បានបញ្ចេញសេចក្តីថ្លែងការណ៍មួយ មកកាន់គេហទំព័រ Engadget ដោយរៀបរាប់ថា ក្រុមហ៊ុនអាចនឹងពន្យារពេលចេញលក់ ទូរសព្ទដៃម៉ូដែល Fold បន្ទាប់ពីផលិតផលគំរូសម្រាប់ប្រើប្រាស់សាកល្បងត្រូវបានបែក ដែលបង្ហាញថា ផលិតផលទូរសព្ទនេះទាមទារការពង្រឹងសមត្ថភាពបន្ថែម។

ក្រុមហ៊ុនបានធ្វើការបកស្រាយថា ផលប៉ះពាល់នៅផ្នែកខាងលើ និងខាងក្រោមនៅលើ Hinge បានលេចឡើង បង្កើតបានជាបញ្ហាខណៈពេលដែលផ្អែកលើទិន្នន័យដើម ខណៈពេលដែលសមាសភាពដែលចូលទៅក្នុងទូរសព្ទក៏ប៉ះពាល់ដល់ដំណើរការទូរសព្ទ។
ក្រុមហ៊ុន Samsung មានផែនការពង្រឹងសមត្ថភាពការពារផ្ទៃអេក្រង់ និងជំរុញការណែនាំអំពីការថែរក្សាការពារផ្ទៃអេក្រង់ ដើម្បីការពារកុំឱ្យអ្នកប្រើប្រាស់ដកស្រទាប់ការពារជាន់លើបង្អស់ដ៏មានសារៈសំខាន់ចេញពីអេក្រង់។
បើសិនជាអ្នកកំពុងសម្លឹងរកមើលកាលបរិច្ឆេទថ្មីនៃការបញ្ចេញលក់ នៅខណៈពេលនេះអ្នកនឹងមិនទាន់អាចទទួលបានព័ត៌មាននៅឡើយទេ។ ក្រុមហ៊ុន Samsung មានគម្រោងប្រកាសពីកាលបរិច្ឆេទថ្មីនៃការបញ្ចេញលក់ទូរសព្ទ Galaxy Fold នៅក្នុងសប្តាហ៍ខាងមុខ ដែលមានន័យថា ព័ត៌មានចចាមអារ៉ាមដែលលើកឡើងថា វាអាចនឹងមិនហួសពីខែឧសភានោះអាចនឹងក្លាយជាការពិត។

ខាងក្រោមនេះគឺជាសេចក្តីថ្លែងការណ៍ពេញលេញរបស់ក្រុមហ៊ុន Samsung៖
«ក្រុមហ៊ុននៅតែបន្តការជំរុញផលិតផលទូរសព្ទ Galaxy Fold ដោយហៅវាថាជាការចាប់ផ្តើមនៃ ប្រភេទទូរសព្ទដៃជំនាន់ថ្មីទាំងស្រុង ហើយក្រុមហ៊ុននៅតែរក្សាបាននូវការប្តេជ្ញាក្នុងការសហការជាមួយដៃគូដទៃទៀត ក្នុងការជំរុញវិស័យបច្ចេកវិទ្យាទូរសព្ទដៃឱ្យឈានឆ្ពោះទៅមុខ។ ប៉ុន្តែវាមានភាពលំបាកក្នុងការបង្ហាញទម្រង់លក្ខណៈនេះជាអ្វីផ្សេងពីកំហុសដ៏ធំមួយសម្រាប់ក្រុមហ៊ុន Samsung។ ទូរសព្ទម៉ូដែល Fold ត្រូវបានគេរំពឹងថានឹងក្លាយជាការបង្ហាញអំពីចំណុចកំពូលនៃបច្ចេកវិទ្យាទូរសព្ទដៃរបស់ Samsung ប៉ុន្តែវាជួបប្រទះនឹងបញ្ហា មុនពេលវាបានទៅដល់ដៃអតិថិជនប្រើប្រាស់ប្រចាំថ្ងៃ ហើយវានឹងមិនអាចទៅដល់ដៃអតិថិជននៅក្នុងខណៈពេលនេះឡើយ។ កាលពីពេលថ្មីៗនេះ ក្រុមហ៊ុនបានបង្ហាញពីប្រភេទទូរសព្ទដៃជំនាន់ថ្មីស្រឡាងមួយ គឺទូរសព្ទ Smartphone ដែលប្រើប្រាស់បច្ចេកវិទ្យា និងវត្ថុធាតុដើមចម្រុះ ដើម្បីផលិតបានជាអេក្រង់មួយដែលមានភាពបត់បែនគ្រប់គ្រាន់សម្រាប់ការកាច់បត់។ ក្រុមហ៊ុនបានទទួលការជំរុញលើកទឹកចិត្ត តាមរយៈអារម្មណ៍រំជើបរំជួលជុំវិញការផលិតទូរសព្ទ Galaxy Fold។

ខណៈពេលដែលអ្នកវិភាគជាច្រើនបានចែករំលែកជាមួយក្រុមហ៊ុនអំពីសក្តានុពលដ៏ធំដែលពួកគេបានសម្លឹងឃើញ មានអ្នកវិភាគមួយចំនួនបានបង្ហាញប្រាប់ក្រុមហ៊ុនថាទូរសព្ទនេះទាមទារឱ្យមានការពង្រឹងគុណភាពបន្ថែម ដែលអាចធានាបាននូវបទពិសោធន៍ននៃការប្រើប្រាស់ល្អបំផុត។ ដើម្បីអាចវាយតម្លៃពេញលេញលើការផ្តល់មតិយោបល់នេះ និងដើម្បីដំណើរការធ្វើតេស្តផ្ទៃក្នុងកាន់តែស៊ីជម្រៅ ក្រុមហ៊ុនបានសម្រេចថាពន្យារពេលបញ្ចេញលក់ទូរសព្ទដៃម៉ូដែល Galaxy Fold។ ក្រុមហ៊ុនគ្រោងនឹងប្រកាសអំពីកាលបរិច្ឆេទថ្មីនៅក្នុងសប្តាហ៍ខាងមុខនេះ។

ការរកឃើញជំហានដំបូងចេញពីការវិនិច្ឆ័យលើរបាយការណ៍អំពីបញ្ហាលើផ្ទៃអេក្រង់ បង្ហាញថាបញ្ហាទាំងនោះអាចមានជាប់ទាក់ទងនឹងផលប៉ះពាល់ផ្នែកខាងលើ និងខាងក្រោមនៃ Hinge។ នៅក្នុងនោះក៏មានសមាសភាពដទៃដែលត្រូវបានរកឃើញនៅផ្នែកខាងក្នុងទូរសព្ទ ដែលប៉ះពាល់ដល់ដំណើរការទូរសព្ទផងដែរ។ ក្រុមហ៊ុននឹងធ្វើការវាស់វែង ដើម្បីពង្រឹងការការពារផ្ទៃអេក្រង់។ ក្រុមហ៊ុនក៏នឹងជំរុញសេចក្តីណែនាំលើការថែរក្សា និងការប្រើប្រាស់អេក្រង់ រួមទាំងស្រទាប់ការពារ ដូច្នេះអតិថិជននឹងទទួលបានអត្ថប្រយោជន៍ខ្ពស់ចេញពីទូរសព្ទ Galaxy Fold។  ក្រុមហ៊ុនសូមវាយតម្លៃខ្ពស់ចំពោះទំនុកចិត្តរបស់អតិថិជនចំពោះក្រុមហ៊ុន ហើយពួកគេតែងតែជាអាទិភាពកំពូលរបស់ក្រុមហ៊ុន។ Samsung បេ្តជ្ញានឹងធ្វើការកាន់តែជិតស្និទ្ធជាមួយអតិថិជន និងដៃគូ ដើម្បីជំរុញវិស័យទូរសព្ទចល័តឱ្យឈានឆ្ពោះទៅ មុខ។ ក្រុមហ៊ុនសូមថ្លែងអំណរគុណចំពោះការអត់ធ្មត់ និងយល់អាស្រ័យរបស់អតិថិជន»៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

Nintendo កំពុងបញ្ចេញហ្គេម Pokémon ថ្មី Pokéland

ដោយ: ដួងច័ន្ទ 3 PM, Saturday, 03 Jun, 2017

បន្ទាប់ពីជោគជ័យដ៏ធំធេងនៃហ្គេម Pokemon Go ពេលនេះក្រុមហ៊ុន Nintendo មានគម្រោងពង្រីក យីហោដ៏ល្បីល្បាញនេះ ដោយផលិតហ្គេមជំនាន់ថ្មី សម្រាប់ទូរសព្ទដៃគឺ Poke...

ជម្រើសស្រោម Apple Watch សម្រាប់អ្នក

ដោយ: ដួងច័ន្ទ 9 PM, Wednesday, 31 Jan, 2018

នាឡិកា Apple Watch ផលិតឡើងជាមួយនឹងសម្បកអាលុយមីញ៉ូម ប៉ុន្តែនេះមិនមានន័យថា វា មិនអាចប្រេះស្រាំនោះទេ។ តួរបស់ Smartwatch គឺនៅតែងាយប្រឈមនឹងការកោស និងប្រ...

វិធីបន្ថែមឃ្លាំងផ្ទុកទិន្នន័យ សម្រាប់ PlayStation 4

ដោយ: ដួងច័ន្ទ 10 PM, Thursday, 23 Mar, 2017

នេះជាតិចនិក ដើម្បីទទួលបានទំហំ hard drive កាន់តែធំនៅក្នុងម៉ាស៊ីនហ្គេម PS4 បន្ថែមជាមួយគន្លឹះមួយចំនួនទៀត។ ឃ្លាំងផ្ទុកទិន្នន័យ គឺជាចំណុចដ៏សំខាន់មួយ នៅក...

កាស Bluetooth ល្អបំផុតក្នុងឆ្នាំ 2017

ដោយ: ដួងច័ន្ទ 8 PM, Sunday, 08 Oct, 2017

ទូរសព្ទ Smartphone នាពេលបច្ចុប្បន្នបានបន្តបន្ថែម មុខងារកាន់តែពិសេស ប៉ុន្តែសម្រាប់វានៅតែមានបញ្ហាចោទឡើង នៅពេលវាបំពេញមុខងារហៅទូរសព្ទ។ កាស Bluetooth ដើ...

Tomnerb.Com - YouTube Channel