ចូលចិត្តទំនើប

Samsung ផលិតបន្ទះឈីបទំហំ 1TB សម្រាប់ទូរសព្ទដៃ

ដោយ: ដួងច័ន្ទ 8 AM, Monday, 04 Feb, 2019

ក្រុមហ៊ុន Samsung បានប្រកាសថាក្រុមហ៊ុននឹងចាប់ផ្តើមផ្តល់នូវដំណោះស្រាយបច្ចេកវិទ្យា eUFS (Embedded Universal Flash Storage) ទំហំ 1TB ដំបូងបង្អស់នៅក្នុងពិភពលោក សម្រាប់ក្រុមហ៊ុនផលិតទូរសព្ទ ជាមួយនឹងផែនការផលិតទ្រង់ទ្រាយធំ ដែលស្ថិតនៅក្នុងដំណាក់កាលផលិតរួចជាស្រេចហើយ។

នេះមានន័យថា ទូរសព្ទដៃទាំងអស់នាពេលអនាគត នឹងអាចមានឃ្លាំងផ្ទុកទិន្នន័យទំហំ 1 Terabyte ជាមួយនឹងបន្ទះឈីប Flash Memory តែមួយបន្ទះប៉ុណ្ណោះ។

លោក Cheol Choi អនុប្រធានផ្នែកទីផ្សារផលិតផលអង្គចងចាំរបស់ក្រុមហ៊ុន Samsung បានរៀបរាប់នៅក្នុងសេចក្តីប្រកាសព័ត៌មានមួយថា បច្ចេកវិទ្យាបន្ទះឈីប eUFS ទំហំ 1TB ត្រូវបានគេរំពឹងថានឹងដើរតួនាទីយ៉ាងសំខាន់ ក្នុងការនាំមកជូននូវបទពិសោធន៍នៃការប្រើប្រាស់ Notebook កាន់តែច្រើន មកកាន់ផលិតផលទូរសព្ទដៃជំនាន់ក្រោយ។ យោងតាមការបរិយាយរបស់ក្រុមហ៊ុន Samsung បន្ទះឈីបថ្មីនេះមានទំហំប៉ុនគ្នានឹងទំហំអង្គចងចាំ ទំហំ 512GB ចាស់របស់ Samsung និងមានល្បឿន Read ខ្ពស់រហូតដល់ 1,000 megabytes ក្នុងមួយវិនាទី ដែលនេះជាល្បឿនលឿនជាងកាត microSD ធម្មតារហូតដល់ទៅ 10 ដង។

កាលពីឆ្នាំមុនក្រុមហ៊ុន Samsung បានធ្វើការផ្សព្វផ្សាយអំពីទូរសព្ទដៃម៉ូដែល Galaxy Note 9 ក្នុងនាមជាទូរសព្ទដៃដែលមានទំហំអង្គចងចាំ 1TB រួចជាស្រេច ប៉ុន្តែលុះត្រាតែអ្នកបន្ថែមកាត microSD ទំហំ 512GB ទៀត ទើបអាចទទួលបានទំហំឃ្លាំងផ្ទុកទិន្នន័យដ៏ធំនេះ ដែលនេះជាទំហំអង្គចងចាំធំជាងគេនាពេលបច្ចុប្បន្ន បន្ថែមទៅក្នុងទូរសព្ទដៃមានអង្គចងចាំទំហំ 512GB។
បន្ទាប់ពីសេចក្តីប្រកាសនេះ សំណួរមួយបានលើកឡើងថា តើក្រុមហ៊ុន Samsung នឹងប្រើប្រាស់បន្ទះឈីបផ្ទាល់របស់ក្រុមហ៊ុន ដើម្បីបញ្ចេញលក់ទូរសព្ទដៃមានឃ្លាំងផ្ទុកទិន្នន័យ 1TB នៅពេលអនាគតដ៏ខ្លីខាងមុខនេះឬទេ?

វានៅតែជារឿងដែលអាចកើតឡើង ខណៈដែលព័ត៌មានចចាមអារាមជាច្រើនបានលើកឡើងថា ស្រឡាយផលិតផលទូរសព្ទ Galaxy S10 ដែលនឹងចេញលក់ក្នុងពេលឆាប់ៗនេះ នឹងមានរាប់បញ្ចូលទាំងម៉ូដែលទូរសព្ទលំដាប់ខ្ពស់ ជាមួយនឹងការបំពាក់ RAM ទំហំ 12GB និងឃ្លាំងផ្ទុកទិន្នន័យទំហំ 1TB៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

ទូរស័ព្ទ Nokia អាច Update ទៅប្រព័ន្ធប្រតិបត្តការ Android Pie ពេលណា?

ដោយ: ភារុន 8 AM, Friday, 12 Apr, 2019

ក្រុមហ៊ុន HMD Global ទើបតែបានប្រកាសចេញលក់នូវទូរស័ព្ទ Nokia 7.1 ថ្មី ជាមួយនឹងចំនួននៃការកើនឡើងនៃផលិតផលរបស់ខ្លួន។ អ្នកប្រើប្រាស់ភាគច្រើនប្រហែលជាចាប់ផ្...

Lasso មុខងារវីដេអូថ្មីពី Facebook

ដោយ: ដួងច័ន្ទ 9 AM, Monday, 12 Nov, 2018

ក្នុងគោលបំណងអូសទាញអ្នកប្រើប្រាស់ ជាពិសេសយុវវ័យ ដែលបច្ចុប្បន្នកំពុងងាកចេញពីការប្រើប្រាស់កម្មវិធីរបស់ខ្លួន ក្រុមហ៊ុន Facebook ជាថ្មីម្តងទៀតបានស្វែងរក...

មកស្គាល់ MacBook Pro ថ្មីពី Samsung

ដោយ: ដួងច័ន្ទ 8 AM, Saturday, 08 Jun, 2019

នៅមុនព្រឹត្តិការណ៍ WWDC 2019 មកដល់ ក្រុមហ៊ុន Samsung បានប្រកាសពីផលិតផល Laptop ថ្មីចំនួន 2 ម៉ូដែល។ ម៉ូដែលទាំងពីរថ្មីនេះមានឈ្មោះថា Notebook 7 ប៉ុន្តែ...

ក្រុមហ៊ុន LG បានដាក់បង្ហាញទូរទឹកកក នៃការវិវត្តន៍ថ្មី INSTAVIEW នៅក្នុងព្រឹត្តិការណ៍ INNOFEST ASIA

ដោយ: ទំនើប 10 AM, Friday, 17 Mar, 2017

  ដើម្បីកសាងភាពជាអ្នកដឹកនាំរបស់ខ្លួន នៅជួរមុខនៃទីផ្សារទូទឹកកក,ក្រុមហ៊ុន LG Electronicsបានដាក់បង្ហាញនូវទូទឹកកក InstaView Door-in-Door™ របស់ខ្លួ...

Tomnerb.Com - YouTube Channel