ចូលចិត្តទំនើប

Galaxy S10 ចាប់ផ្តើមទទួលកក់ហើយ

ដោយ: ដួងច័ន្ទ 9 AM, Tuesday, 19 Feb, 2019

ទូរសព្ទម៉ូដែល Galaxy S10 ត្រូវបានបែកធ្លាយព័ត៌មានផ្សេងៗជាច្រើន មុនពេលកាលបង្ហាញជាផ្លូវការដែលនឹងប្រព្រឹត្តទៅនៅថ្ងៃទី 20 ខែកុម្ភៈនេះ ចូលមកដល់ ហើយសូម្បីតែក្រុមហ៊ុន Samsung ផ្ទាល់ក៏មិនបានសម្តែងថានៅមានអាថ៌កំបាំងជាច្រើនទៀតនៅសេសសល់ដែរ។
ក្រុមហ៊ុនបច្ចេកវិទ្យាខ្នាតយក្សមួយនេះ បានចាប់ផ្តើមទទួលការកក់ទូរសព្ទ S10 នៅក្នុងសហរដ្ឋអាមេរិកហើយ ដែលផ្តល់នូវការចុះឈ្មោះធានាឱ្យបាននូវឱកាសកុម៉ង់ទិញទូរសព្ទជំនាន់ថ្មីនេះបាន នៅចន្លោះពីថ្ងៃទី 21 ខែកុម្ភៈ ដល់ថ្ងៃទី 7 ខែមីនា។ ករណីនេះអាចឱ្យយើងទាយបានថាទូរសព្ទ S10 អាចនឹងចេញលក់ជាផ្លូវការនៅថ្ងៃទី 8 ខែមីនា។

ក្រុមហ៊ុន Samsung មិនបានបញ្ចេញព័ត៌មានលម្អិតសម្រាប់ផលិតផលទូរសព្ទជំនាន់ថ្មីទាំងអស់នៅឡើយទេ ប៉ុន្តែក៏មិនមានអ្វីច្រើនទៀតដែលយើងអាចស្រមៃលើសពីអ្វីដែលយើងបានដឹងកន្លងមកនេះដែរ។
នៅថ្ងៃបង្ហាញវត្តមានជាផ្លូវការ យើងរំពឹងថានឹងបានឃើញផលិតផលទូរសព្ទ 3 ម៉ូដែល រួមមាន ម៉ូដែល S10 ស្តង់ដា ទូរសព្ទមានតម្លៃទាបម៉ូដែល S10e និងទូរសព្ទលំដាប់ខ្ពស់ ម៉ូដែល S10 Plus។ នៅក្នុងនោះដែរ ក៏មានសេចក្តីរាយការណ៍មួយចំនួនអំពីជម្រើសប្រើប្រាស់ប្រព័ន្ធ 5G ជាពិសេស ទោះបីជាប្រព័ន្ធនេះមិនទាន់ត្រៀមខ្លួនរួចរាល់នៅក្នុងពេលនេះក្តី។

ទូរសព្ទជំនាន់ថ្មីៗទាំងនេះ ត្រូវបានគេសន្និដ្ឋានថានឹងប្រើប្រាស់ប្រព័ន្ធប្រតិបត្តិការ Snapdragon 855 ឬ Exynos នៅក្នុងទីផ្សារក្នុងតំបន់មួយចំនួន។ វានឹងប្រើប្រាស់អេក្រង់ជំនាន់ថ្មី Hole-Punch មានបំពាក់ Fingerprint Reader នៅក្នុងអេក្រង់ និងមានប្រើប្រាស់ប្រព័ន្ធ WiFi 6។ យ៉ាងហោចណាស់ ម៉ូដែលមួយចំនួននឹងមានកាមេរ៉ាក្រោយច្រើនគ្រឿង និងការប្រើប្រាស់ប្រព័ន្ធបញ្ចូលថាមពលបញ្ច្រាស។ ជាមួយគ្នានេះ ក៏មានដំណឹងលេចលឺអំពីការផលិតជាម៉ូដែលដាក់លក់មានកំណត់ ជាមួយផ្នែកខាងក្រោយធ្វើពីសេរ៉ាមិច មាន RAM ទំហំ 12GB និងមានឃ្លាំងផ្ទុកទិន្នន័យទំហំ 1TB។

នៅក្នុងខណៈពេលនេះ មានហេតុផលសមស្របមួយសម្រាប់យុទ្ធនាការបញ្ចេញទូរសព្ទថ្មីនេះ។ ដូចគ្នានឹងក្រុមហ៊ុនផលិតទូរសព្ទដទៃទៀត អត្រាលក់របស់ក្រុមហ៊ុន Samsung កំពុងជួបនឹងវិបត្តិ ដោយសារស្ថានភាពសេដ្ឋកិច្ចមិនអំណោយផល និងស្ថានភាពទីផ្សារកំពុងកកកុញ ដែលមិនតក់ក្រហល់នៅក្នុងការវិវត្តថ្មី។

ក្រុមហ៊ុន Samsung ត្រូវការឱ្យទូរសព្ទម៉ូដែល S10 ក្លាយជាការវាយប្រហារដ៏ធំមួយនៅក្នុងទីផ្សារទូរសព្ទដៃ ហើយការកក់ទុកមុនអាចជាជំនួយដ៏សំខាន់មួយនៅក្នុងដំណាក់កាលលក់គ្រាដំបូង៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

iPad ជំនាន់ថ្មី នឹងមានបំពាក់មុខងាររបស់ iPhone X

ដោយ: ដួងច័ន្ទ 9 PM, Monday, 26 Feb, 2018

ក្រុមហ៊ុន Apple តែងបញ្ចូលមុខងារខ្លាំងបំផុត របស់ផលិតផលណាមួយទៅក្នុងផលិតផលដទៃ ទៀតរបស់ក្រុមហ៊ុន នៅពេលដែលពួកគេ មានជំនឿជឿជាក់ខ្លាំងលើមុខងារនោះ។ ករណីនេះធ្...

Samsung Galaxy On5 និង On7 ស៊េរីថ្មី តម្លៃសន្សំសំចៃបំផុត

ដោយ: វិរីយា៉ 6 AM, Friday, 11 Mar, 2016

Samsung Galaxy On7 អេក្រង់ TFT ទំហំ5.5អី​ុ​ញ ភាពច្បាស់​លម្អិត HD 720p CPU Quad-Core 1.2 GHz RAM 1.5GB Android 5.1.1 Lollipop Memory 8GB Support mi...

ពិសោធរួចហើយ ពិតជាខ្លាំងមែន! Galaxy S6

ដោយ: ដាលីស 6 PM, Sunday, 21 Jun, 2015

ជាស្មាតហ្វូន ដែលបានទទួលការចាប់អារម្មណ៍ច្រើនជាងគេបំផុត នៅក្នុងម៉ោងនេះក៏អាចថាបានដែរ សម្រាប់ Samsung Galaxy S6 ដែលថ្មីៗបំផុតនេះខាង AnTuTu អ្នកអភិវឌ្ឍក...

ឧបករណ៍ និងកម្មវិធី Tracker ទាំង 10 អាចជួយឱ្យជីវិតកាន់តែប្រសើរឡើង

ដោយ: ដួងច័ន្ទ 5 PM, Wednesday, 12 Jul, 2017

នាពេលនេះ អ្នកអាចប្រើប្រាស់ឧបករណ៍ និង កម្មវិធី Tracker ដើម្បីកែប្រែឥរិយាបថរបស់អ្នក តាមដានសត្វចិញ្ចឹម ស្វែងរកភាពស្ងប់សុខផ្លូវចិត្ត តាមដានដង្ហើមកូនតូច...

Tomnerb.Com - YouTube Channel