ចូលចិត្តទំនើប

Galaxy A9 Pro ជាមួយអេក្រង់ Hole-Punch ចេញលក់ដំបូងនៅកូរ៉េ

ដោយ: ដួងច័ន្ទ 9 AM, Saturday, 26 Jan, 2019

កាលពីឆ្នាំមុន ក្រុមហ៊ុន Samsung បានបង្អួតពីឈុតកាមេរ៉ា Quad ដំបូងជាមួយទូរសព្ទម៉ូដែល Galaxy A9 ហើយនាពេលនេះនៅក្នុងប្រទេសកូរ៉េ ក្រុមហ៊ុនបានបញ្ចេញលក់ទូរសព្ទម៉ូដែល Galaxy A9 Pro ដំបូង ដែលមានអេក្រង់ជំនាន់ថ្មី គឺអេក្រង់ Infinity-O។

លក្ខណៈពិសេសថ្មីទាំងពីរនេះ ត្រូវបានគេរំពឹងថានឹងមានរួមបញ្ចូលទៅក្នុងម៉ូដែលទូរសព្ទជំនាន់ថ្មី គឺទូរសព្ទ Galaxy S10 ដែលនឹងត្រូវដាក់បង្ហាញនៅមុនព្រឹត្តិការណ៍ Mobile World Congress ដែលនឹងប្រព្រឹត្តទៅនៅក្នុងប្រទេសអេស្ប៉ាញ នៅខែក្រោយនេះ ប៉ុន្តែអេក្រង់ Infinity-O បានបង្ហាញវត្តមានដំបូងនៅក្នុងទូរសព្ទ Galaxy A8s នៅក្នុងទីផ្សារប្រទេសចិន។

ជំនួសឱ្យការផលិតផលអេក្រង់ Notch ដូចជាម៉ូដែលទូរសព្ទ iPhone X និងម៉ូដែលទូរសព្ទដទៃទៀត ការរចនាអេក្រង់ All-Screen របស់ក្រុមហ៊ុន Samsung បានផលិតឡើងជាមួយការចោះរន្ធតូចមួយនៅក្នុងអេក្រង់ សម្រាប់ដាក់កាមេរ៉ាមុខទំហំ 2.4 Megapixel ជាមួយនឹង Bezel ទំហំតូចមួយនៅផ្នែកខាងលើ និងខាងក្រោម សម្រាប់អេក្រង់មាន Ratio ទំហំ 19.5 x 9។

ចំណែកនៅផ្នែកខាងក្រោយវិញ ទូរសព្ទ Galaxy A9 Pro មានបណ្តុំកាមេរ៉ា 3 គ្រឿង ជាមួយ Lens ជាមូលដ្ឋានមានទំហំ 24 megapixel ចំនួនមួយ Telephoto Lens ទំហំ 10 Megapixel ចំនួនមួយ និង Third Sensor ចំនួនមួយ ប្រើប្រាស់សម្រាប់បំពេញមុខងារ Depth of Field។ ចំណែកលក្ខណៈពិសេសបង្កប់នៅខាងក្នុងទូរសព្ទថ្មីនេះមានដូចជា RAM ទំហំ 6GB ឃ្លាំងផ្ទុកទិន្នន័យទំហំ 128GB និងថ្មមានកម្លាំង 3,400mAh។
ទូរសព្ទ Galaxy A9 Pro នេះទំនងដូចជានឹងមិនបង្ហាញខ្លួននៅក្នុងសហរដ្ឋអាមេរិកទេ ប៉ុន្តែយ៉ាងហោចណាស់យើងក៏អាចទទួលបានរូបភាពផ្លូវការមួយអំពីអេក្រង់ Infinity-O ជំនួសឱ្យការមើលឃើញតែព័ត៌មានបែកធ្លាយអំពីទូរសព្ទ Galaxy S10 និង Galaxy S10+៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

LG W7 ទូរទស្សន៍ ២០១៧ របស់ LG

ដោយ: ស. លីង 9 PM, Thursday, 16 Feb, 2017

LG អភិវឌ្ឍមិនឈប់ឈរសោះឡើយ។ នៅក្នុងឆ្នាំ ២០១៧ ក្រុមហ៊ុនបច្ចេកវិទ្យា ដ៏ល្បីល្បាញរបស់កូរ៉េខាងត្បូងនេះ បានចេញផលិតផលទូរទស្សន៍ W7 ដែលជាប្រភេទទូរទស្សន៍ស្តើ...

ស៊ីភ្លើងកាន់តែតិច ត្រជាក់កាន់តែលឿនដោយសារបច្ចេកវិទ្យាដ៏ឆ្លាតវៃ របស់ម៉ាស៊ីនត្រជាក់ LG Dual Cool Smart inverter

ដោយ: ទំនើប 10 PM, Thursday, 01 Feb, 2018

សីតុណ្ហភាពក្តៅបំផុតប្រចាំឆ្នាំខិតជិតមកដល់ហើយ ខណៈពេលដែលបចេ្ចកវិទ្យាថ្មីរបស់LGបានមកដល់ដើម្បីត្រៀមខ្លួនដោះស្រាយបញ្ហាអាកាសធាតុក្តៅជូនលោកអ្នកជាមួយនឹងម៉ា...

Panasonic បញ្ចេញលក់ FireFox OS Smart TV

ដោយ: H2O 8 PM, Wednesday, 27 May, 2015

Panasonic បានដាក់លក់ Smart TV ដំណើរការដោយ FireFox OS ដើម្បីប្រកួតប្រជែងជាមួយ WebOS Smart TV របស់ LG និង Tizen OS Smart TV របស់ Samsung។ FireFox OS ...

ទូរទស្សន៍ Samsung ស៊េរីឆ្នាំ 2019 អាចដំណើរការជាមួយកុំព្យូទ័របាន

ដោយ: ដួងច័ន្ទ 8 AM, Thursday, 03 Jan, 2019

ផលិតផលទូរទស្សន៍ Smart TV របស់ក្រុមហ៊ុន Samsung ម៉ូដែលថ្មីឆ្នាំ 2019 និងម៉ូដែលខ្ពស់ៗជាងនេះ នឹងត្រូវផលិតឡើងជាមួយសមត្ថភាពគ្រប់គ្រង និងដំណើរការកម្មវិធី...

Tomnerb.Com - YouTube Channel