ចូលចិត្តទំនើប

បែកធ្លាយរូបរាងនាឡិកាដៃ Galaxy Sport

ដោយ: ដួងច័ន្ទ 9 AM, Saturday, 09 Feb, 2019

ក្រុមហ៊ុន Samsung បានឈានចូលដល់ពេលវេលាត្រូវកែលម្អផលិតផលនាឡិកាដៃរបស់ខ្លួន ព្រមពេលជាមួយនឹងការបញ្ចេញលក់ផលិតផលទូរសព្ទ Smartphone ម៉ូដែល Galaxy S នៅក្នុងព្រឹត្តិការណ៍ Unpacked 2019 ដែលនឹងចូលមកដល់ក្នុងពេលឆាប់ៗនេះ។

ព័ត៌មានបែកធ្លាយពីរូបរាងរបស់ផលិតផលថ្មីនេះ ត្រូវបានផ្សព្វផ្សាយដោយគេហទំព័រ 91Mobiles ដែលបានបង្ហាញពីផលិតផលនាឡិកាដៃថ្មី ត្រូវបានគេរំពឹងថានឹងមានឈ្មោះថា Galaxy Sport។ ដូចគ្នានឹង Galaxy Watch ដែលចេញមុននេះដែរ នាឡិកាដៃ Galaxy Watch នឹងផ្តោតលើការប្រើប្រាស់នៅខាងក្រៅបន្ទប់ ជាមួយនឹងសមត្ថភាពការពារជម្រាបទឹក ដែលមិនត្រូវបានបញ្ជាក់កម្រិតដឺក្រេច្បាស់លាស់នៅឡើយទេ។
យ៉ាងណាមិញ ចំណុចដែលទាក់ទាញចំណាប់អារម្មណ៍ខ្លាំងជាងគេ សម្រាប់ផលិតផលនាឡិកាដៃថ្មីនេះ ប្រហែលជាស្ថិតនៅត្រង់កង្វះខាត Bezel បង្វិលទាំងស្រុង។ នៅក្នុងស្តង់ដាផលិតផលនាឡិការបស់ Samsung ទម្រង់ Bezel នៅព័ទ្ធជុំវិញអេក្រង់ ត្រូវបានប្រើប្រាស់ជាកង់បង្វិលសម្រាប់ការផ្លាស់ប្តូររវាង App នីមួយៗ និងការ Scroll នៅក្នុង App ផ្ទាល់។ យោងតាមរូបភាពបែកធ្លាយ នាឡិកា Galaxy Sport ប្រើប្រាស់ប៊ូតុងរាងមូលចំនួន 2 គ្រាប់ជំនួសវិញ ជាមួយនឹង Dial រាងកោង ដើម្បីបញ្ជារមុខងាររបស់នាឡិកា។

យើងសង្ឃឹមថា ក្រុមហ៊ុន Samsung ក៏នឹងធ្វើការ update ប្រព័ន្ធ Tizen OS របស់ក្រុមហ៊ុន ដើម្បីឱ្យការប្រើប្រាស់កាន់តែមានភាពស្និទ្ធស្នាល និងងាយស្រួល និងការសហការជាមួយយុទ្ធវិធីថ្មី សម្រាប់ការប្រើប្រាស់នាឡិកាដៃ ដូច្នេះការដក Bezel បង្វិលចេញ នឹងមិនប៉ះពាល់ដល់ការប្រើប្រាស់នាឡិកាឡើយ។
នៅក្នុងន័យប្រើប្រាស់ក្នុងសកម្មភាពកីឡា នាឡិកា Galaxy Sport នឹងមានសមត្ថភាពតាមដាន សកម្មភាពកីឡារបស់អ្នក ដែលយើងអាចប្រាកដក្នុងការលើកឡើងថាវានឹងមានសមត្ថភាពតាមដានសកម្មភាពដូចគ្នា ឬអាចច្រើនជាង អ្វីដែលនាឡិកា Galaxy Watch អាចធ្វើបាន។ មុខងារតាមដានទាំងនោះរួមបញ្ចូលនូវការតាមដានសកម្មភាពទាំង 40 សកម្មភាព បន្ថែមលើមុខងារគ្រប់គ្រងដំណេក ការរាប់ជំហាន ការគ្រប់គ្រងចង្វាក់បេះដូង និងមុខងារ GPS សម្រាប់បង្ហាញទិសដៅ និងការតាមដានទីតាំង។

លក្ខណៈពិសេសដទៃៗទៀតនៅលើផលិតផលនាឡិកាដៃរបស់ Samsung ថ្មីនេះរួមមាន មុខងារ Bixby Reminder ការបំពាក់ RAM ទំហំ 4GB ប្រព័ន្ធ Wi-Fi, Bluetooth និងការទូទាត់ចំណាយចល័តតាមរយៈប្រព័ន្ធ NFC៕

ប្រភព: theverge ផ្នែក: បច្ចេកវិទ្យា, នាឡិកា

អត្ថបទអ្នកចង់អាន

កាមេរ៉ាម៉ូដែល Belair X 6-12

ដោយ: ដួងច័ន្ទ 8 PM, Friday, 22 Dec, 2017

កាមេរ៉ាប្រភេទ Panoramic Medium Format មួយនេះ មានទម្រង់ដ៏ស្រាល ជាផលិតផលល្អបំផុត របស់ក្រុមហ៊ុន Lomography បំពាក់ជាមួយបច្ចេកវិទ្យាឈានមុខ ដូចជា Auto-Ex...

កាមេរ៉ា Insta360 Evo ថ្មី កាន់តែទំនើប

ដោយ: ដួងច័ន្ទ 9 AM, Monday, 18 Mar, 2019

បន្តពីកាមេរ៉ាដ៏ខ្លាំងម៉ូដែល One X 360 ក្រុមហ៊ុន Insta360 នាពេលនេះបានត្រឡប់មកវិញជាមួយផលិតផលកាមេរ៉ាកាន់តែទំនើប ដែលមានបំណងធ្វើឱ្យការប្រើប្រាស់កាស VR ក...

មាន JBL Pulse 3 ពិធីជប់លៀង កាន់តែអស្ចារ្យ

ដោយ: ដួងច័ន្ទ 9 AM, Thursday, 28 Feb, 2019

ពិធីជប់លៀងជាឱកាសដែលអាចឱ្យអ្នកបង្កើនភាពស្និទ្ធស្នាល រីករាយ ជាមួយក្រុមគ្រួសារ ឬមិត្តភក្តិ។ តើអ្នកកំពុងមានគម្រោងរៀបចំពិធីជប់លៀងមែនឬទេ? តើអ្នកចង់ឱ្យពិធ...

តោះ! មកតាមដានតម្លៃហាងឆេងទូរស័ព្ទដៃក្រោយថ្ងៃចូលឆ្នាំខ្មែរ

ដោយ: ម៉ូនី 12 AM, Monday, 18 Apr, 2016

នៅក្នុងឳកាសបុណ្យចូលឆ្នាំខ្មែកន្លងផុតយ៉ាងរហ័ស ស្របពេលនេះដែរលោកអ្នកពិតជាចង់ដឹងនូវតម្លៃហាងឆេងទូរស័ព្ទដៃ ក្រោយថ្ងៃចូលឆ្នាំខ្មែរមានការប្រែប្រួល​យ៉ាងណា​ម...

Tomnerb.Com - YouTube Channel