ចូលចិត្តទំនើប

បែកធ្លាយរូបរាងអេក្រង់របស់ Galaxy S10

ដោយ: ដួងច័ន្ទ 9 AM, Tuesday, 08 Jan, 2019

ទូរសព្ទ Samsung Galaxy S10 ទំនងដូចជាបែកធ្លាយរូបរាងជាថ្មីម្តងទៀតហើយ ហើយពេលនេះ វាមិនត្រូវបានលាក់បាំងពីក្រោយរូបភាពក្លែងបន្លំទៀតឡើយ។

លោក Evan Blass ដែលជាអ្នកចែករំលែកព័ត៌មានបែកធ្លាយដ៏ល្បីល្បាញមួយរូប បានផ្សព្វផ្សាយរូបថតមួយសន្លឹក នៃទម្រង់ផលិតផលទូរសព្ទគំរូ Beyond 1 ដែលជាម៉ូដែលមានអេក្រង់ស្តង់ដាទំហំ 5.8 inch ដែលរូបភាពនោះបានបង្ហាញយ៉ាងច្បាស់អំពីអេក្រង់ប្រភេទ Hole-Punch ជាមួយនឹងចន្លោះមួយស្ថិតនៅជ្រុងអេក្រង់ សម្រាប់ដាក់កាមេរ៉ា Selfie មួយគ្រឿង។
រូបសញ្ញានានា ត្រូវបានបង្ហាញក្នុងទម្រង់ព្រាលៗ ដើម្បីជៀសវាងការបង្ហាញនូវព័ត៌មានច្រើនពេក ប៉ុន្តែរូបភាពនេះនៅតែផ្តល់នូវរូបរាងដ៏ច្បាស់ អំពីអ្វីដែលនឹងត្រូវបានរចនានៅផ្នែកខាងមុខនៃទូរសព្ទម៉ូដែលថ្មីនេះ។ ខណៈដែលក្រុមហ៊ុន Samsung មិនទាន់អាចលុបបំបាត់ Bezel ចោលទាំងស្រុងនោះ (ព្រោះវាជាតម្រូវការសម្រាប់តំឡើង Speaker នៅផ្នែកខាងលើ) ប៉ុន្តែទំហំ Bezel នាពេលនេះកាន់តែតូច ដែលវាធ្វើឱ្យ Chin ខាងក្រោមរបស់ទូរសព្ទ Galaxy S9 ទំនងដូចជាមានទំហំកាន់តែធំ បើសិនជាយើងធ្វើការប្រៀបធៀបរវាងទូរសព្ទទាំងពីរ។
ម៉ូដែល Beyond 1 និង Beyond 2 ដែលមានទំហំ 6.4 inch (ទំនងជានឹងត្រូវហៅថា S10 Plus) ត្រូវបានគេរំពឹងថានឹងចែករំលែកមុខងារដូចគ្នាជាច្រើន ដែលក្នុងនោះរួមមានការប្រើប្រាស់ប្រព័ន្ធ ប្រតិបត្តិការ Snapdragon 855 របស់ Qualcomm នៅក្នុងទីផ្សារចែកចាយក្នុងតំបន់មួយចំនួន និងប្រើប្រាស់ប្រព័ន្ធប្រតិបត្តិការ Exynos 9820 របស់ Samsung នៅតំបន់ចែកចាយដទៃទៀត ហើយក៏អាចមានមុខងារបញ្ចូលថាមពលដោយគ្មានខ្សែផងដែរ។

ប៉ុន្តែសម្រាប់ម៉ូដែលទូរសព្ទមានទំហំធំជាងនេះ ទំនងជាមានបន្ថែមកាមេរ៉ាមុខចំនួន 2 គ្រឿង និងកាមេរ៉ាក្រោយចំនួន 3 គ្រឿង ខណៈដែល Beyond 1 អាចនឹងមានកាមេរ៉ាមុខតែមួយគ្រឿង និងមានកាមេរ៉ាក្រោយតែ 2 គ្រឿងប៉ុណ្ណោះ។
នៅក្នុងនោះ ក៏មានការនិយាយពីម៉ូដែល Lite ដែលជាម៉ូដែលមានទំហំ 5.8 inch ដែលហៅថា Beyond 0 ដែលនឹងកាត់តម្រឹមលក្ខណៈពិសេស ដើម្បីរក្សាតម្លៃឱ្យនៅទាប ក៏ដូចជាការបំពាក់ប្រព័ន្ធ 5G ទៅក្នុងម៉ូដែល Beyond X ដែលមានទំហំ 6.7 inch ផងដែរ។
បើសិនជាព័ត៌មានចចាមអារាមទាំងនេះពិតប្រាកដមែន អ្នកនឹងត្រូវរងចាំរហូតដល់ពេលណាមួយ ក្នុងខែកុម្ភៈ ដែលអាចនៅកៀក ឬចំនឹងព្រឹត្តិការណ៍ Mobile World Congress ដើម្បីបានឃើញស្រឡាញផលិតផលទូរសព្ទ S10 ទាំងអស់នេះ។ អ្នកក៏នឹងអាចបានឃើញទូរសព្ទ Samsung Infinity Flex ដែលជាប្រភេទទូរសព្ទបត់រមូរបាននៅក្នុងពេលនោះផងដែរ។

យ៉ាងណាមិញ ម៉ូដែលទូរសព្ទជាច្រើនប្រភេទទៀត នឹងត្រូវបានដាក់បង្ហាញនាពេលនោះ ដែលវាទំនងជាពេលវេលាដ៏សំខាន់សម្រាប់ក្រុមហ៊ុន Samsung ក្នុងការដាក់បង្ហាញម៉ូដែលទូរសព្ទប្រចាំឆ្នាំ។ នេះជាការរចនាម៉ូដឡើងវិញដ៏ធំមួយសម្រាប់ស្រឡាញផលិតផល Galaxy S ចាប់តាំងពីម៉ូដែល S8 កាលពីឆ្នាំ 2017 ហើយក្រុមហ៊ុនចង់បង្ហាញឱ្យអតិថិជនបានឃើញអំពីការវិវត្តថ្មី និងមានបំណងរក្សាឱ្យបាននូវចំណាប់អារម្មណ៍ពីអ្នកទិញ ទោះបីជាទីផ្សារទូរសព្ទ Smartphone កំពុងធ្លាក់ចុះក្តី៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

កាស USB-C Gaming Headset របស់ Asus មានអ្វីអស្ចារ្យ?

ដោយ: ដួងច័ន្ទ 9 AM, Wednesday, 11 Jul, 2018

 ក្រុមហ៊ុន Asus ទើបនឹងប្រកាសពីផលិតផលកាសត្រចៀកថ្មី សម្រាប់ការលេងហ្គេម មានឈ្មោះថា ROG Delta Type-C។ ដូចជាឈ្មោះរបស់វា កាសត្រចៀកជំនាន់ថ្មីនេះមានបំពាក...

LG BrandShop រៀបចំកម្មវិធីគំរប់ខួប 4 ឆ្នាំ

ដោយ: ស៊ីវងីម 10 AM, Wednesday, 28 Dec, 2016

នៅថ្ងៃទី22 ខែឆ្នូ ឆ្នាំ 2016 , LG BrandShop បានរៀបចំកម្មវិធីគំរបខួប 4 ឆ្នាំ នៃការបើកសម្ពោធរបស់ LG BrandShop ផ្លូវព្រះមុនីរង្ស ។ កម្មវិធីនេះមានការចូ...

ចំណុចសំខាន់ៗ ដែលអ្នកគួរដឹងពី Android Q

ដោយ: ដួងច័ន្ទ 8 AM, Wednesday, 12 Jun, 2019

ចំណុចពិសេសមួយរបស់ក្រុមហ៊ុន Google ក្នុងការលក់ Android Q គឺវិធីសាស្រ្តថ្មីនៃការរក្សាព័ត៌មានផ្ទាល់ខ្លួនរបស់អ្នកយ៉ាងសម្ងាត់។ ក្រុមហ៊ុន Google ផ្តល់ជូន...

YouTube បន្ថែមមុខងារ HDR សម្រាប់ iPhone ថ្មី

ដោយ: ដួងច័ន្ទ 8 AM, Tuesday, 16 Oct, 2018

ក្រុមហ៊ុន Apple ប្រហែលជាមិនប្រើប្រាស់កូដ ដែលក្រុមហ៊ុន YouTube ចង់បានឡើយ ប៉ុន្តែនេះមិនមានន័យថាអ្នកនឹងត្រូវទទួលបទពិសោធន៍ទស្សនាវីដេអូលំដាប់ទីពីរនៅលើទូ...

Tomnerb.Com - YouTube Channel